ಭಾರತೀಯ ಅರಣ್ಯ ಸೇವೆಯ ಅಧಿಕಾರಿ ಪರ್ವೀನ್ ಕಸ್ವಾನ್ ಅವರು ಆನೆಯೊಂದು ವಿದ್ಯುತ್ ಬೇಲಿಯನ್ನು ಮುರಿದು ಹಾಕುವ ವೀಡಿಯೊವೊಂದನ್ನು ಹಂಚಿಕೊಂಡಿದ್ದಾರೆ. ಈ ವೈರಲ್ ವೀಡಿಯೋ ಪ್ರಾಣಿಗಳ ಬುದ್ಧಿವಂತಿಕೆಯನ್ನು ತೋರಿಸುತ್ತದೆ. ಇದು 2019 ರ ಹಳೆಯ ಕ್ಲಿಪ್ ಆಗಿದ್ದು ಅದು ಈಗ ಮತ್ತೊಮ್ಮೆ ಇಂಟರ್ನೆಟ್‌ನ ಗಮನವನ್ನು ಸೆಳೆದಿದೆ.
ವೀಡಿಯೊದಲ್ಲಿ, ಆನೆಯು ವಿದ್ಯುತ್ ತಂತಿ ಬೇಲಿ ಮುರಿಯುವ ಮೊದಲು ತಂತಿಗಳನ್ನು ಲಘುವಾಗಿ ಕಾಲಿನಿಂದ ಸ್ಪರ್ಶಿಸುವ ಮೂಲಕ ವಿದ್ಯುತ್ ಆಘಾತಕ್ಕೆ ಒಳಗಾಗುತ್ತೇನೆಯೋ ಇಲ್ಲವೋ ಎಂಬುದನ್ನು ಹೇಗೆ ಪರೀಕ್ಷಿಸುತ್ತದೆ ಎಂಬುದನ್ನು ನೋಡಬಹುದು. ವಿದ್ಯುಚ್ಛಕ್ತಿಯ ಹರಿವನ್ನು ಪರಿಶೀಲಿಸಿದ ನಂತರ, ಹಾಗೂ ಅದರಲ್ಲಿ ವಿದ್ಯುತ್ ಇಲ್ಲ ಅಥವಾ ಹರಿಯುತ್ತಿರುವ ವಿದ್ಯುತ್‌ನಿಂದ ತನಗೆ ಅಪಾಯವಾಗುವುದಿಲ್ಲ ಎಂಬುದನ್ನು ಖಚಿತಪಡಿಸಿಕೊಂಡ ನಂತರವೇ ಅದು ತಂತಿಬೇಲಿಯ ಕಂಬವನ್ನು ದೂಡಿ ಹಾಕುತ್ತದೆ.
ಆನೆ ಕಂಬವನ್ನು ಕೆಳಕ್ಕೆ ದೂಡಿದ ನಂತರ, ಪ್ರಾಣಿಯು ಇನ್ನೊಂದು ತುದಿಗೆ ಹೋಗಲು ರಸ್ತೆಯನ್ನು ದಾಟುತ್ತದೆ ಮತ್ತು ಅಲ್ಲಿಯೂ ಸಹ, ಕಾಡಿನೊಳಗೆ ಪ್ರವೇಶಿಸಲು ವಿದ್ಯುತ್ ಬೇಲಿಯನ್ನು ಮುರಿದು ಹಾಕುತ್ತದೆ.“ನಾವು ತುಂಬಾ ಬುದ್ಧಿವಂತರು!! ಈ ಆನೆ ಹೇಗೆ ತಾಳ್ಮಯಿಂದ ಹಾಗೂ ಚಾಕಚಕ್ಯತೆಯಿಂದ ವಿದ್ಯುತ್ ಬೇಲಿಯನ್ನು ಮುರಿಯುತ್ತಿದೆ ನೋಡಿ. ಎಂದು ಬರೆದು ಪರ್ವೀನ್ ಕಸ್ವಾನ್ ಅವರು ವೀಡಿಯೊವನ್ನು ಹಂಚಿಕೊಂಡಿದ್ದಾರೆ
ಕಾಮೆಂಟ್‌ಗಳ ವಿಭಾಗದಲ್ಲಿ, ನೆಟಿಜನ್‌ಗಳು ಆನೆಯನ್ನು “ಬುದ್ಧಿವಂತ” ಎಂದು ಕರೆದಿದ್ದಾರೆ. ಕೆಲವು ಬಳಕೆದಾರರು ಭೂಮಿಯನ್ನು ಅತಿಕ್ರಮಿಸುವ ಮಾನವರ ಬಗ್ಗೆಯೂ ಮಾತನಾಡಿದರು. “ಬುದ್ಧಿವಂತ ಆನೆ. ಮಾನವರು ಪ್ರತಿ ಸೂಕ್ಷ್ಮ ಇಂಚು ಭೂಮಿಯನ್ನು ಅತಿಕ್ರಮಿಸಿದಾಗ ಮತ್ತು ಎಲ್ಲೆಡೆ ತಡೆಗೋಡೆಗಳನ್ನು ಸೃಷ್ಟಿಸಿದಾಗ, ಇತರ ಪ್ರಾಣಿಗಳು ಇನ್ನೇನು ಮಾಡಲು ಸಾಧ್ಯ? ಬಳಕೆದಾರರು ಬರೆದಿದ್ದಾರೆ.
ಯಾವುದೇ ಲ್ಯಾಬ್‌ಗಳು ಮತ್ತು ಆರ್ & ಡಿಗೆ ಪ್ರವೇಶವಿಲ್ಲದೆ, ಅವುಗಳು ನಮಗಿಂತ ಉತ್ತಮ ಎಂಬುದನ್ನು ಸಾಬೀತುಪಡಿಸುತ್ತಿದ್ದಾರೆ. ಮತ್ತು ಅವುಗಳು ಎಂದಿಗೂ ಇತರರಿಗೆ ಹಾನಿ ಮಾಡುವ ಉದ್ದೇಶವನ್ನು ಹೊಂದಿಲ್ಲ” ಎಂದು ಇನ್ನೊಬ್ಬ ಬಳಕೆದಾರರು ಬರೆದಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ