ಜಿನೀವಾ: ನೋಯ್ಡಾ ಮೂಲದ ಕಂಪನಿ ಮರಿಯನ್ ಬಯೋಟೆಕ್ ತಯಾರಿಸಿದ ಎರಡು ಕೆಮ್ಮಿನ ಸಿರಪ್ಗಳನ್ನು ಉಜ್ಬೇಕಿಸ್ತಾನದ ಮಕ್ಕಳಿಗೆ ಬಳಸಬಾರದು ಎಂದು ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್ಒ) ಶಿಫಾರಸು ಮಾಡಿದೆ.
ಬುಧವಾರದ ವೈದ್ಯಕೀಯ ಉತ್ಪನ್ನದ ಎಚ್ಚರಿಕೆಯಲ್ಲಿ, ಡಬ್ಲ್ಯುಎಚ್ಒ (WHO) ಮೆರಿಯನ್ ಬಯೋಟೆಕ್ನಿಂದ ತಯಾರಿಸಲ್ಪಟ್ಟ “ವೈದ್ಯಕೀಯ ಉತ್ಪನ್ನಗಳು” “ಗುಣಮಟ್ಟದ ಮಾನದಂಡಗಳನ್ನು ಪೂರೈಸಲು ವಿಫಲವಾದ ಉತ್ಪನ್ನಗಳಾಗಿವೆ ಮತ್ತು ನಿರ್ದಿಷ್ಟತೆಯನ್ನು ಮೀರಿದೆ ಎಂದು ಡಬ್ಲ್ಯುಎಚ್ಒ ಹೇಳಿದೆ.
ಡಬ್ಲ್ಯುಎಚ್ಒ ವೈದ್ಯಕೀಯ ಉತ್ಪನ್ನ ಎಚ್ಚರಿಕೆಯು ಎರಡು ಕಳಪೆಮಟ್ಟದ (ಕಲುಷಿತ) ಉತ್ಪನ್ನಗಳನ್ನು ಉಲ್ಲೇಖಿಸುತ್ತದೆ, ಅದನ್ನು ಉಜ್ಬೇಕಿಸ್ತಾನ್ನಲ್ಲಿ ಗುರುತಿಸಲಾಗಿದೆ ಮತ್ತು 2022ರ ಡಿಸೆಂಬರ್ 22ರಂದು ಅದನ್ನು ಡಬ್ಲ್ಯುಎಚ್ಒಗೆ ವರದಿ ಮಾಡಲಾಗಿತ್ತು. ಈ ವೈದ್ಯಕೀಯ ಉತ್ಪನ್ನಗಳು ಗುಣಮಟ್ಟದ ಮಾನದಂಡಗಳನ್ನು ಪೂರೈಸಲು ವಿಫಲವಾದ ಉತ್ಪನ್ನಗಳಾಗಿವೆ ಮತ್ತು ಆದ್ದರಿಂದ ಅದು ನಿರ್ದಿಷ್ಟತೆಯನ್ನು ಮೀರಿವೆ ಎಂದು ಡಬ್ಲ್ಯುಎಚ್ಒ ತನ್ನ ವೆಬ್ಸೈಟ್ನಲ್ಲಿ ಬಿಡುಗಡೆ ಮಾಡಿರುವ ಎಚ್ಚರಿಕೆಯಲ್ಲಿ ತಿಳಿಸಿದೆ.
ಎರಡು ಉತ್ಪನ್ನಗಳೆಂದರೆ AMBRONOL ಸಿರಪ್ ಮತ್ತು DOK-1 ಮ್ಯಾಕ್ಸ್ ಸಿರಪ್. ಎರಡೂ ಉತ್ಪನ್ನಗಳ ಹೇಳಲಾದ ತಯಾರಕರು MARION BIOTECH PVT. LTD (ಭಾರತದ ಉತ್ತರ ಪ್ರದೇಶ) ಆಗಿದೆ. ಇಲ್ಲಿಯವರೆಗೆ, ಹೇಳಲಾದ ತಯಾರಕರು ಡಬ್ಲ್ಯುಎಚ್ಒಗೆ ಸುರಕ್ಷತೆ ಮತ್ತು ಖಾತರಿಗಳನ್ನು ಒದಗಿಸಿಲ್ಲ ಎಂದು ಹೇಳಿದೆ.
ಡಬ್ಲ್ಯುಎಚ್ಒ ಪ್ರಕಾರ, ಉಜ್ಬೇಕಿಸ್ತಾನ್ ಗಣರಾಜ್ಯದ ಆರೋಗ್ಯ ಸಚಿವಾಲಯದ ರಾಷ್ಟ್ರೀಯ ಗುಣಮಟ್ಟದ ನಿಯಂತ್ರಣ ಪ್ರಯೋಗಾಲಯಗಳು ಕೈಗೊಂಡ ಕೆಮ್ಮಿನ ಸಿರಪ್ಗಳ ಮಾದರಿಗಳ ಪ್ರಯೋಗಾಲಯ ವಿಶ್ಲೇಷಣೆಯು ಎರಡೂ ಉತ್ಪನ್ನಗಳಲ್ಲಿ ಸ್ವೀಕಾರಾರ್ಹವಲ್ಲದ ಪ್ರಮಾಣದ ಡೈಥಿಲೀನ್ ಗ್ಲೈಕೋಲ್ ಮತ್ತು / ಅಥವಾ ಎಥಿಲೀನ್ ಗ್ಲೈಕೋಲ್ ಅನ್ನು ಮಾಲಿನ್ಯಕಾರಕಗಳಾಗಿ ಪತ್ತೆ ಮಾಡಿದೆ.
ಈ ಎರಡೂ ಉತ್ಪನ್ನಗಳು ಈ ಪ್ರದೇಶದ ಇತರ ದೇಶಗಳಲ್ಲಿ ಮಾರ್ಕೆಟಿಂಗ್ ಅಧಿಕಾರವನ್ನು ಹೊಂದಿರಬಹುದು. ಅನೌಪಚಾರಿಕ ಮಾರುಕಟ್ಟೆಗಳ ಮೂಲಕ ಇತರ ದೇಶಗಳು ಅಥವಾ ಪ್ರದೇಶಗಳಿಗೆ ವಿತರಿಸಿರಬಹುದು” ಎಂದು WHO ಎಚ್ಚರಿಕೆಯಲ್ಲಿ ಹೇಳಲಾಗಿದೆ.
ಡಿಸೆಂಬರ್ 22 ರಂದು ಉಜ್ಬೇಕಿಸ್ತಾನ್, ಮೇರಿಯನ್ ಬಯೋಟೆಕ್ ಕಂಪನಿಯು ತಯಾರಿಸಿದ ಔಷಧಿಗಳನ್ನು ಸೇವಿಸಿ 18 ಮಕ್ಕಳು ಸಾವಿಗೀಡಾಗಿದ್ದಾರೆ ಎಂದು ಆರೋಪಿಸಿತ್ತು. ನಂತರ ಉತ್ತರ ಪ್ರದೇಶದ ಆಹಾರ ಸುರಕ್ಷತೆ ಮತ್ತು ಔಷಧ ಆಡಳಿತ ಇಲಾಖೆಯು ಉಜ್ಬೇಕಿಸ್ತಾನ್ನ 18 ಮಕ್ಕಳ ಸಾವಿಗೆ ಸಂಬಂಧಿಸಿದ ಮೇರಿಯನ್ ಬಯೋಟೆಕ್ ಕಂಪನಿಯ ಉತ್ಪಾದನಾ ಪರವಾನಗಿಯನ್ನು ಅಮಾನತುಗೊಳಿಸಿತು.
ಕಳೆದ ತಿಂಗಳು, ಕೇಂದ್ರ ಆರೋಗ್ಯ ಸಚಿವ ಮನ್ಸುಖ್ ಮಾಂಡವಿಯಾ ಅವರು ಕೆಮ್ಮು ಸಿರಪ್ ಡಾಕ್ 1 ಮ್ಯಾಕ್ಸ್ನಲ್ಲಿ ಮಾಲಿನ್ಯದ ವರದಿಗಳನ್ನು ಗಮನದಲ್ಲಿಟ್ಟುಕೊಂಡು ನೋಯ್ಡಾ ಮೂಲದ ಫಾರ್ಮಾ ಕಂಪನಿಯ ಎಲ್ಲಾ ಉತ್ಪಾದನಾ ಚಟುವಟಿಕೆಗಳನ್ನು ನಿಲ್ಲಿಸಲಾಗಿದೆ ಎಂದು ಹೇಳಿದ್ದರು.
ನಿಮ್ಮ ಕಾಮೆಂಟ್ ಬರೆಯಿರಿ