ವಿಧ್ವಂಸಕ ಚಂಡಮಾರುತಗಳು ಮತ್ತು ಹಿಂಸಾತ್ಮಕ ಸುಂಟರಗಾಳಿಗಳು ದಕ್ಷಿಣ-ಮಧ್ಯ ಮತ್ತು ಪೂರ್ವ ಅಮೆರಿಕದ ಮೂಲಕ ಹರಿದುಹೋದವು. ಹಿಂಸಾತ್ಮಕ ಚಂಡಮಾರುತವು ಶನಿವಾರದಂದು ಪೂರ್ವದ ಕಡೆಗೆ ಸಾಗುತ್ತಿರುವಾಗ, ಅಮೆರಿಕದ ದಕ್ಷಿಣ ಮತ್ತು ಮಧ್ಯಪಶ್ಚಿಮದಲ್ಲಿ ಸಣ್ಣ ಪಟ್ಟಣಗಳು ಮತ್ತು ದೊಡ್ಡ ನಗರಗಳನ್ನು ಅತಿಯಾಗಿ ಕಾಡಿತು. ಬಿರುಗಾಳಿ ಮತ್ತು ಭಾರೀ ಮಳೆಗೆ ಕಾರಣವಾಯಿತು. ಮನೆಗಳು ಮತ್ತು ವ್ಯಾಪಾರ ಕೇಂದ್ರಗಳನ್ನು ನಾಶಮಾಡಿತು. ಇದರ ವಿಧ್ವಂಸದಿಂದ ಸಾವಿನ ಸಂಖ್ಯೆ 18 ಕ್ಕೆ ಏರಿತು ಮತ್ತು ಅನೇಕರು ಗಾಯಗೊಂಡರು. ಶುಕ್ರವಾರದ ತೀವ್ರ ಹವಾಮಾನ ಉಲಬಣದ ನಂತರ ಇಲಿನಾಯ್ಸ್ನಲ್ಲಿ ನಾಲ್ಕು ಹೊಸ ಸಾವುಗಳು ವರದಿಯಾಗಿದ್ದು, ಒಟ್ಟು ಸಂಖ್ಯೆಯನ್ನು 21 ಕ್ಕೆ ಹೆಚ್ಚಿಸಿದೆ.
ಸತ್ತವರಲ್ಲಿ ಟೆನ್ನೆಸ್ಸೀ ಕೌಂಟಿಯೊಂದರಲ್ಲಿ ಏಳು ಮಂದಿ, ಅರ್ಕಾನ್ಸಾಸ್ನ ಸಣ್ಣ ಪಟ್ಟಣವಾದ ವೈನೆಯಲ್ಲಿ ನಾಲ್ವರು, ಇಂಡಿಯಾನಾದ ಸುಲ್ಲಿವಾನ್ನಲ್ಲಿ ಮೂವರು ಮತ್ತು ಇಲಿನಾಯ್ಸ್ನಲ್ಲಿ ನಾಲ್ವರು ಸೇರಿದ್ದಾರೆ ಎಂದು ಅಸೋಸಿಯೇಟೆಡ್ ಪ್ರೆಸ್ ವರದಿ ಮಾಡಿದೆ. ಶುಕ್ರವಾರದಿಂದ ಅಪ್ಪಳಿಸಿದ ಚಂಡಮಾರುತಗಳಿಂದ ಹೆಚ್ಚು ಹಾನಿಗೊಳಗಾದ ರಾಜ್ಯಗಳಲ್ಲಿ ಟೆನ್ನೆಸ್ಸೀ ಒಂದಾಗಿದೆ ಎಂದು ತುರ್ತು ನಿರ್ವಹಣಾ ಸಂಸ್ಥೆಯ ವಕ್ತಾರರು AFP ಗೆ ತಿಳಿಸಿದ್ದಾರೆ. ಶನಿವಾರ ಸಂಜೆ ತೀವ್ರ ಹವಾಮಾನದಿಂದಾಗಿ 50 ಮಿಲಿಯನ್ಗಿಂತಲೂ ಹೆಚ್ಚು ಜನರು ಅಪಾಯದಲ್ಲಿದ್ದಾರೆ ಎಂದು ಸಿಎನ್ಎನ್ ವರದಿಯಲ್ಲಿ ತಿಳಿಸಿದೆ.
ಸುಂಟರಗಾಳಿಯು ಅರ್ಕಾನ್ಸಾಸ್ ರಾಜಧಾನಿ ಲಿಟಲ್ ರಾಕ್ ಮೂಲಕ ಹಾಯ್ದು ಹೋಗಿದೆ ಮತ್ತು 2,600 ನಿರ್ಮಾಣಗಳ ಮೇಲೆ ಪರಿಣಾಮ ಬೀರಿದೆ” ಎಂದು ಮೇಯರ್ ಫ್ರಾಂಕ್ ಸ್ಕಾಟ್ ಜೂನಿಯರ್ CNN ಗೆ ತಿಳಿಸಿದ್ದಾರೆ. “ಎಲ್ಲವೂ ಐದು ಸೆಕೆಂಡುಗಳಲ್ಲಿ ಸಂಭವಿಸಿತು ಎಂದು ಅವರು ಹೇಳಿದರು.
ಇಲಿನಾಯ್ಸ್ ರಾಜ್ಯದ ಪ್ರತಿನಿಧಿ ಆಡಮ್ ನೀಮರ್ಗ್ ಸುಂಟರಗಾಳಿಯನ್ನು “ವಿಪತ್ತು” ಎಂದು ಕರೆದರು. ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಅವರು ಹಕಬೀ ಸ್ಯಾಂಡರ್ಸ್ ಮತ್ತು ಲಿಟಲ್ ರಾಕ್ ಮತ್ತು ವೈನ್ ಮೇಯರ್ಗಳೊಂದಿಗೆ ಮಾತನಾಡಿದರು ಎಂದು ಶ್ವೇತಭವನ ತಿಳಿಸಿದೆ. ಅವರು ಫೆಡರಲ್ ಎಮರ್ಜೆನ್ಸಿ ಮ್ಯಾನೇಜ್ಮೆಂಟ್ ಏಜೆನ್ಸಿ (FEMA) ಆಡಳಿತಾಧಿಕಾರಿ ಡೀನ್ನೆ ಕ್ರಿಸ್ವೆಲ್ ಅವರೊಂದಿಗೆ ಮಾತನಾಡಿದರು. ಬೈಡನ್ ಸರ್ಕಾರವು ಅರ್ಕಾನ್ಸಾಸ್ ನಿವಾಸಿಗಳಿಗೆ ಭರವಸೆ ನೀಡಿತು.
ಶುಕ್ರವಾರ ದಕ್ಷಿಣ ಮತ್ತು ಮಧ್ಯಪಶ್ಚಿಮದಲ್ಲಿ ದೈತ್ಯಾಕಾರದ ಸುಂಟರಗಾಳಿ ಹಾಯ್ದು ಹೋಗಿದ್ದರಿಂದ ತುರ್ತು ಪರಿಸ್ಥಿತಿ ಘೋಷಿಸಲಾಗಿದೆ. ಮಾರಣಾಂತಿಕ ಸುಂಟರಗಾಳಿಗಳು ಮನೆಗಳು ಮತ್ತು ಶಾಪಿಂಗ್ ಕೇಂದ್ರಗಳನ್ನು ಚೂರುಚೂರು ಮಾಡಿತು, ಜನರು ಆಶ್ರಯಕ್ಕಾಗಿ ಓಡುತ್ತಿರುವಾಗ ವಾಹನಗಳು ಮತ್ತು ಮರಗಳನ್ನು ಕಿತ್ತುಹಾಕಿತು. ನ್ಯಾಷನಲ್ ವೆದರ್ ಸರ್ವೀಸ್ನ ಸ್ಟಾರ್ಮ್ ಪ್ರಿಡಿಕ್ಷನ್ ಸೆಂಟರ್ ಪ್ರಕಾರ, ಶುಕ್ರವಾರ ಮತ್ತು ಶನಿವಾರದಂದು ರಾಜ್ಯಾದ್ಯಂತ 60 ಕ್ಕೂ ಹೆಚ್ಚು ಸುಂಟರಗಾಳಿಗಳು ವರದಿಯಾಗಿವೆ ಎಂದು ವಾಷಿಂಗ್ಟನ್ ಪೋಸ್ಟ್ ವರದಿ ಮಾಡಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ