ಶಾಕಿಂಗ್‌ ವೀಡಿಯೊ : ರೈಡರ್ ತನ್ನನ್ನು ಹಿಡಿದುಕೊಳ್ಳಲು ಯತ್ನಿಸಿದ ನಂತರ ಚಲಿಸುತ್ತಿದ್ದ ರಾಪಿಡೋ ಬೈಕ್‌ನಿಂದ ಜಿಗಿದ ಬೆಂಗಳೂರಿನ ಮಹಿಳೆ…!

ಬೆಂಗಳೂರು: ಚಾಲಕನಿಂದ ರಕ್ಷಿಸಿಕೊಳ್ಳಲು 30 ವರ್ಷದ ಮಹಿಳೆಯೊಬ್ಬರು ಚಲಿಸುತ್ತಿದ್ದ ರಾಪಿಡೋ ಬೈಕ್‌ನಿಂದ ಜಿಗಿದ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.
ಚಾಲಕ ತನ್ನನ್ನು ಹಿಗ್ಗಾಮುಗ್ಗಾ ತರಾಟೆಗೆ ತೆಗೆದುಕೊಂಡು ಫೋನ್ ಕಸಿದುಕೊಂಡಿದ್ದಾನೆ ಎಂದು ಮಹಿಳೆ ಆರೋಪಿಸಿದ್ದಾರೆ. ಘಟನೆ ಏಪ್ರಿಲ್ 21 ರಂದು ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ.
ಘಟನೆ ಬಳಿಕ ಮಹಿಳೆ ಪೊಲೀಸರಿಗೆ ದೂರು ನೀಡಿದ್ದಾರೆ. ವರದಿಯ ಪ್ರಕಾರ, ಮಹಿಳೆ ಇಂದಿರಾನಗರಕ್ಕೆ ಬೈಕ್‌ ಬುಕ್ ಮಾಡಿದ್ದರು ಮತ್ತು ಚಾಲಕನು ಓಟಿಪಿ ಪರಿಶೀಲಿಸುವ ನೆಪದಲ್ಲಿ ಮಹಿಳೆಯ ಫೋನ್ ಕಸಿದುಕೊಂಡ ನಂತರ ನಿಗದಿತ ಮಾರ್ಗದಲ್ಲಿ ಹೋಗದೆ ಬೇರೆ ಮಾರ್ಗದಲ್ಲಿ ಬೈಕ್‌ ಚಾಲನೆ ಮಾಡಲು ಪ್ರಾರಂಭಿಸಿದ್ದಾನೆ..

ಆಗ ಮಹಿಳೆ ಬೇರೆ ದಾರಿಯಲ್ಲಿ ಏಕೆ ಪ್ರಯಾಣಿಸುತ್ತಿದ್ದೀರಿ ಎಂದು ಕೇಳುತ್ತಿದ್ದರೂ ಚಾಲಕ ಏನೂ ಉತ್ತರಿಸಿದೆ ಮೌನವಾಗಿದ್ದ. ಇದ್ದಕ್ಕಿದ್ದಂತೆ ವಿರುದ್ಧ ದಿಕ್ಕಿನಲ್ಲಿ ಚಲಿಸಲು ಪ್ರಾರಂಭಿಸಿತು ಮತ್ತು ಫೋನ್ ಹಿಂತಿರುಗಿಸಲಿಲ್ಲ ಎಂದು ಮಹಿಳೆ ಹೇಳಿದ್ದಾರೆ. ಅಲ್ಲದೆ, ಚಲಿಸುವ ವಾಹನದ ಮೇಲೆ ತನ್ನನ್ನು ಹಿಡಿದುಕೊಳ್ಳಲು ಪ್ರಯತ್ನಿಸಿದ್ದಾನೆ ಎಂದು ಮಹಿಳೆ ಪೊಲೀಸರಿಗೆ ತಿಳಿಸಿದ್ದಾರೆ
ಮಹಿಳೆ ಕೊನೆಗೆ ಚಲಿಸುತ್ತಿದ್ದ ಬೈಕ್‌ನಿಂದ ಜಿಗಿದಿದ್ದು, ಬೈಕ್ ಸವಾರ ಪರಾರಿಯಾಗಿದ್ದಾನೆ. ಬೆಂಗಳೂರಿನ ಯಲಹಂಕದ ಅಬ್ರಾರ್ ಬಿಎಂಎಸ್ ಕಾಲೇಜು ಬಳಿ ಬೈಕ್ ನಿಂದ ಆಕೆ ಜಿಗಿದಿದ್ದಾಳೆ.

ಕಾಲೇಜಿನ ಸಿಬ್ಬಂದಿ ಮಹಿಳೆಗೆ ಸಹಾಯ ಮಾಡಲು ಧಾವಿಸಿದ್ದು, ಆಗ ಬೈಕ್‌ ಸವಾರ ಸ್ಥಳದಿಂದ ಪರಾರಿಯಾಗಿದ್ದಾನೆ. ಸಿಸಿಟಿವಿ ದೃಶ್ಯಾವಳಿಯಲ್ಲಿ, ಮಹಿಳೆ ತನ್ನನ್ನು ತಾನು ದುಷ್ಕರ್ಮಿಯಿಂದ ರಕ್ಷಿಸಿಕೊಳ್ಳಲು ಬೈಕ್‌ನಿಂದ ಜಿಗಿದಿರುವುದು ಕಂಡುಬಂದಿದೆ. ಆರೋಪಿ ಚಾಲಕ ದೀಪಕ ಎಂಬಾತನನ್ನು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.