ನವದೆಹಲಿ: ಭಾರತೀಯ ನೌಕಾಪಡೆಗೆ 26 ರಫೇಲ್-ಎಂ ಯುದ್ಧ ವಿಮಾನಗಳನ್ನು ಖರೀದಿಸುವ ಪ್ರಸ್ತಾವನೆಗೆ ರಕ್ಷಣಾ ಸ್ವಾಧೀನ ಮಂಡಳಿ ಗುರುವಾರ ಅನುಮೋದನೆ ನೀಡಿದೆ. ಇವುಗಳಲ್ಲಿ 22 ರಫೇಲ್ Ms ಯುದ್ಧ ವಿಮಾನ ಮತ್ತು ಅದರ ನಾಲ್ಕು ಅವಳಿ-ಆಸನಗಳ ತರಬೇತು ಆವೃತ್ತಿಯ ಯುದ್ಧ ವಿಮಾನ ಸೇರಿವೆ. ಅಲ್ಲದೆ, ಭಾರತೀಯ ನೌಕಾಪಡೆಗೆ ಮೂರು ಹೆಚ್ಚುವರಿ ಸ್ಕೋಪೀನ್ ದರ್ಜೆಯ ಜಲಾಂತರ್ಗಾಮಿ ನೌಕೆಗಳನ್ನು ಸಹ ಖರೀದಿಸಲಾಗುತ್ತದೆ.
ಪ್ರಧಾನಿ ನರೇಂದ್ರ ಮೋದಿ ಅವರು ಫ್ರಾನ್ಸ್‌ಗೆ ಭೇಟಿ ನೀಡುತ್ತಿರುವ ವೇಳೆ ಭಾರತ ಮತ್ತು ಫ್ರಾನ್ಸ್ ಈ ಒಪ್ಪಂದಕ್ಕೆ ಸಹಿ ಹಾಕುವ ಸಾಧ್ಯತೆಯಿದೆ.
ಈ ವಿಮಾನಗಳನ್ನು ಭಾರತೀಯ ನೌಕಾಪಡೆಯು ಪ್ರಸ್ತುತ ಮಿಗ್ -29 ಅನ್ನು ಬಳಸುವ ಐಎನ್‌ಎಸ್ ವಿಕ್ರಾಂತ್ ಮತ್ತು ಐಎನ್‌ಎಸ್ ವಿಕ್ರಮಾದಿತ್ಯದಲ್ಲಿ ಬಳಸಲಾಗುತ್ತದೆ. ಇತ್ತೀಚಿನ ವರ್ಷಗಳಲ್ಲಿ ಫ್ರೆಂಚ್ ಏರೋಸ್ಪೇಸ್ ಪ್ರಮುಖ ಉತ್ಪಾದಕ ಡಸಾಲ್ಟ್ ಏವಿಯೇಷನ್‌ನಿಂದ ಇದು ಎರಡನೇ ಸೆಟ್‌ ಯುದ್ಧ ವಿಮಾನ ಖರೀದಿಯಾಗಿದೆ.
ಆರಂಭದಲ್ಲಿ, ಜುಲೈ 10 ರಂದು ರಕ್ಷಣಾ ಸಚಿವಾಲಯವು ಫ್ರಾನ್ಸ್‌ನಿಂದ 26 ರಫೇಲ್ ಯುದ್ಧ ವಿಮಾನಗಳು ಮತ್ತು ಮೂರು ಸ್ಕಾರ್ಪೀನ್ ಜಲಾಂತರ್ಗಾಮಿ ನೌಕೆಗಳನ್ನು ಖರೀದಿಸಲು ತನ್ನ ಆರಂಭಿಕ ಅನುಮೋದನೆ ನೀಡಿತು ಎಂದು ಮೂಲಗಳು ಹೇಳಿವೆ. ಇತ್ತೀಚಿನ ವರ್ಷಗಳಲ್ಲಿ ಫ್ರೆಂಚ್ ಏರೋಸ್ಪೇಸ್ ಡಸಾಲ್ಟ್ ಏವಿಯೇಷನ್‌ನಿಂದ ಯುದ್ಧ ವಿಮಾನಗಳನ್ನು ಖರೀದಿಸಲು ಭಾರತಕ್ಕೆ ಇದು ಎರಡನೇ ಒಪ್ಪಂದವಾಗಿದೆ.
ಆದಾಗ್ಯೂ, 26 ರಫೇಲ್ ಯುದ್ಧ ವಿಮಾನಗಳನ್ನು ಖರೀದಿಸಲು ಮುಂಬರುವ ಈ ಒಪ್ಪಂದವು 2016 ರ ಒಪ್ಪಂದಕ್ಕಿಂತ ಭಿನ್ನವಾಗಿದೆ. ಮುಂಬರುವ ರಫೇಲ್ ಜೆಟ್‌ಗಳು ಭಾರತೀಯ ನೌಕಾಪಡೆಯ ಕಾರ್ಯಾಚರಣೆಯ ಬಳಕೆಗಾಗಿ ಖರೀದಿಸಲಾಗುತ್ತದೆ. ಆದರೆ, 2016ರ ಒಪ್ಪಂದವು ಭಾರತೀಯ ವಾಯುಪಡೆಗಾಗಿ ಖರೀದಿ ಒಪ್ಪಂದವಾಗಿತ್ತು.
ನಿಮ್ಮ ಕಾಮೆಂಟ್ ಬರೆಯಿರಿ