ವೀಡಿಯೊ…| ಬೆಂಗಳೂರು ಕಂಪನಿ ಮುಖ್ಯಸ್ಥರ ಜೋಡಿ ಕೊಲೆ : ಮೂವರು ಆರೋಪಿಗಳು ಸ್ಥಳದಿಂದ ಪರಾರಿಯಾದ ದೃಶ್ಯ ಸಿಸಿಟಿವಿಯಲ್ಲಿ ಸೆರೆ

ಬೆಂಗಳೂರಿನ ಏರೋನಿಕ್ ಮೀಡಿಯಾ ಪ್ರೈವೇಟ್ ಲಿಮಿಟೆಡ್‌ನ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಅವರ ಜೋಡಿ ಕೊಲೆ ಪ್ರಕರಣದ ಸಿಸಿಟಿವಿ ದೃಶ್ಯಗಳು ಗುರುವಾರ ಆನ್‌ಲೈನ್‌ನಲ್ಲಿ ಕಾಣಿಸಿಕೊಂಡಿವೆ. ಈ ದೃಶ್ಯಾವಳಿಯು ಎರಡು ವಿಭಿನ್ನ ಕ್ಷಣಗಳನ್ನು ಸೆರೆಹಿಡಿದಿದೆ. ಕಂಪನಿಯ ಇಬ್ಬರು ಉನ್ನತಾಧಿಕಾರಿಗಳ ಹತ್ಯೆಯ ನಂತರ ಮೂವರು ಆರೋಪಿಗಳು ಸ್ಥಳದಿಂದ ಓಡಿಹೋಗುವುದು ವೀಡಿಯೊದಲ್ಲಿ ಕಂಡುಬರುತ್ತದೆ.
ಜುಲೈ 11ರಂದು ಸಂಜೆ 4:14 ಕ್ಕೆ ಮೊದಲ ಸಿಸಿಟಿವಿ ದೃಶ್ಯದಲ್ಲಿ, ಮೂವರು ಆರೋಪಿಗಳು ಏರೋನಿಕ್ಸ್ ಕಚೇರಿಯಿಂದ ಓಡಿಹೋಗುತ್ತಿರುವುದು ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಆರೋಪಿ ಸಂತೋಷ ಮತ್ತು ವಿನಯ್ ರೆಡ್ಡಿ ಮೊದಲು ಕಚೇರಿ ಗೇಟ್‌ನಿಂದ ಹೊರಬಂದ ನಂತರ ಪ್ರಮುಖ ಆರೋಪಿ ‘ಜೋಕರ್’ ಫೆಲಿಕ್ಸ್ (ಶಬರೀಶ) ಹೊರಬಂದು ಅಲ್ಲಿಂದ ಓಡಿ ಹೋಗಿರುವುದು ವೀಡಿಯೊದಲ್ಲಿ ಸೆರೆಯಾಗಿದೆ. ಅವರೆಲ್ಲರೂ ಏರೋನಿಕ್ ಮೀಡಿಯಾದ ಮಾಜಿ ಉದ್ಯೋಗಿಗಳು ಎಂದು ಹೇಳಲಾಗಿದೆ. ಅವರು ಕೃತ್ಯ ಎಸಗಿದ ನಂತರ ಅವರು ಕಿರಿದಾದ ಲೇನ್‌ನಲ್ಲಿ ಬಾಗಿಲು ತೆರೆದು ನಂತರ ರಸ್ತೆಯ ಕಡೆಗೆ ಓಡುವುದು ಕ್ಯಾಮರಾದಲ್ಲಿ ಸೆರೆಯಾಗಿದೆ.

ಎರಡನೇ ದೃಶ್ಯದಲ್ಲಿ, ಮೂವರು ಆರೋಪಿಗಳು ರಸ್ತೆಯಲ್ಲಿ ನಡೆದುಕೊಂಡು ಕಂಡುಬರುತ್ತದೆ. ಒಬ್ಬ ಆರೋಪಿಯು ಮತ್ತೊಬ್ಬ ಆರೋಪಿಗೆ ನಡೆಯಲು ಸಹಾಯ ಮಾಡುತ್ತಿರುವುದು ಅದರಲ್ಲಿ ಕಂಡುಬರುತ್ತದೆ. ಏಕೆಂದರೆ ಆತ ಕುಂಟುತ್ತಿರುವಂತೆ ಮತ್ತು ನಡೆಯಲು ಕಷ್ಟಪಡುತ್ತಿರುವಂತೆ ತೋರುತ್ತಿದೆ.

ವರದಿಯ ಪ್ರಕಾರ, ಅಪರಾಧ ಮಾಡಿದ ನಂತರ, ಆರೋಪಿಗಳು OLA ಕ್ಯಾಬ್ ಅನ್ನು ಬುಕ್ ಮಾಡಿ ಮೆಜೆಸ್ಟಿಕ್ ಬಳಿಯ ರೈಲು ನಿಲ್ದಾಣಕ್ಕೆ ತೆರಳಿದರು. ಎಫ್ಐಆರ್ ಪ್ರಕಾರ, ಮೂವರು ಆರೋಪಿಗಳು ಮೊದಲು ಏರೋನಿಕ್ಸ್ ಎಂಡಿ 36 ವರ್ಷದ ಫಣೀಂದ್ರ ಸುಬ್ರಹ್ಮಣ್ಯ ಮತ್ತು ನಂತರ ಸಿಇಒ 40 ವರ್ಷದ ವಿನು ಕುಮಾರ ಮೇಲೆ ಹರಿತವಾದ ಆಯುಧಗಳಿಂದ ಹಲ್ಲೆ ನಡೆಸಿ ಹತ್ಯೆ ಮಾಡಿದ್ದಾರೆ.
ಮೃತರನ್ನು ಏರೋನಿಕ್ ಮೀಡಿಯಾ ಪ್ರೈವೇಟ್ ಲಿಮಿಟೆಡ್‌ ಸಂಸ್ಥೆಯು ಇಂಟರ್ನೆಟ್ ಸೇವೆ ಒದಗಿಸುವ ಸಂಸ್ಥೆಯಾಗಿದೆ