ನವದೆಹಲಿ: ಕಾಂಗ್ರೆಸ್ ನಾಯಕ ಜಗದೀಶ್ ಟೈಟ್ಲರ್ ದೆಹಲಿಯ ಗುರುದ್ವಾರ ಪುಲ್ ಬಂಗಾಶ್ ಬಳಿ ಸಿಖ್ಖರನ್ನು ಕೊಲ್ಲಲು ಗುಂಪನ್ನು ಪ್ರಚೋದಿಸಿದ್ದಾರೆ ಎಂದು ಅವರ ವಿರುದ್ಧ ಮೇ 20ರಂದು ಸಲ್ಲಿಸಿದ ಕೇಂದ್ರೀಯ ತನಿಖಾ ದಳದ ಚಾರ್ಜ್‌ಶೀಟ್ ಹೇಳಿದೆ.
39 ವರ್ಷಗಳಷ್ಟು ಹಳೆಯದಾದ ಸಿಖ್ ವಿರೋಧಿ ದಂಗೆ ಪ್ರಕರಣದಲ್ಲಿ ಜಗದೀಶ ಟೈಟ್ಲರ್ ವಿರುದ್ಧ ಕೊಲೆ ಆರೋಪ ಹೊರಿಸಲಾಗಿದೆ.
“ಜಗದೀಶ ಟೈಟ್ಲರ್ ಸಿಖ್ಖರನ್ನು ಕೊಲ್ಲಲು ಗುಂಪನ್ನು ಪ್ರಚೋದಿಸಿದರು, ಇದರ ಪರಿಣಾಮವಾಗಿ 1.11.1984 ರಂದು ಗುಂಪು ಗುರುದ್ವಾರ ಪೂಲ್ ಬಂಗಾಶ್ ಅನ್ನು ಸುಟ್ಟುಹಾಕಲಾಯಿತು ಮತ್ತು ಸಿಖ್ ಸಮುದಾಯಕ್ಕೆ ಸೇರಿದ ಮೂವರನ್ನು ಕೊಲ್ಲಲಾಯಿತು. ಗುರುದ್ವಾರ ಪುಲ್ ಬಂಗಾಶ್ ಅನ್ನು ಸುಟ್ಟು ಹಾಕಿದರು. ಮತ್ತು ಠಾಕೂರ್ ಸಿಂಗ್ ಮತ್ತು ಬಾದಲ್ ಸಿಂಗ್ ಎಂಬವರನ್ನು ಕೊಲ್ಲಲಾಯಿತು ಎಂದು ಸಿಬಿಐ ಹೇಳಿದೆ.
ಕಾಂಗ್ರೆಸ್ ನಾಯಕ ತನ್ನ ಕಾರಿನಿಂದ ಇಳಿದು ಗುಂಪನ್ನು ಪ್ರಚೋದಿಸುವುದನ್ನು ತಾನು ನೋಡಿದ್ದೇನೆ ಎಂದು ಮಹಿಳಾ ಸಾಕ್ಷಿಯೊಬ್ಬರನ್ನು ಸಿಬಿಐ ಚಾರ್ಜ್ ಶೀಟ್ ಉಲ್ಲೇಖಿಸಿದೆ. “ಗುಂಪು ತನ್ನ ಅಂಗಡಿಯನ್ನು ಲೂಟಿ ಮಾಡುವುದನ್ನು ಮಹಿಳೆ ನೋಡಿದ್ದರು. ಆದರೆ ಆದಷ್ಟು ಬೇಗನೆ ಅಲ್ಲಿಂದ ವಾಪಸಾಗಲು ನಿರ್ಧರಿಸಿದ್ದರು. ಅವರು ಮನೆಗೆ ಮರಳಿ ಹೋಗುವಾಗ ಗುರುದ್ವಾರ ಪೂಲ್ ಬಂಗಾಶ್‌ಗೆ ಸಮೀಪದ ಮುಖ್ಯ ರಸ್ತೆಯಲ್ಲಿ ತೆರಳುತ್ತಿದ್ದಾಗ ಬಿಳಿ ಅಂಬಾಸೆಡರ್ ಕಾರ್‌ನಿಂದ ಆರೋಪಿ ಜಗದೀಶ್ ಟೈಟ್ಲರ್ ಇಳಿದಿದ್ದನ್ನು ಕಂಡಿದ್ದರು. ಸಿಖ್ಖರನ್ನು ಮೊದಲು ಕೊಂದು, ಬಳಿಕ ಲೂಟಿ ನಡೆಸುವಂತೆ ಅವರು ಜನಗ ಗುಂಪಿಗೆ ಟೈಟ್ಲರ್ ಕುಮ್ಮಕ್ಕು ನೀಡುತ್ತಿದ್ದರು ಮಹಿಳೆ ಹೇಳಿದ್ದಾರೆ ಎಂದು ಚಾರ್ಜ್ ಶೀಟ್ ಹೇಳಿದೆ.
ಟೈರ್‌ಗಳ ನಡುವೆ ಶವಗಳಿಗೆ ಬೆಂಕಿ
“ಇದನ್ನು ಕಂಡ ನಂತರ ಮಹಿಳೆ ತಮ್ಮ ಮನೆಗೆ ವಾಪಸಾಗಿದ್ದರು. ನಂತರ ತಮ್ಮ ಪಕ್ಕದ ಮನೆಯಲ್ಲಿ ಆಶ್ರಯ ಪಡೆದಿದ್ದರು. ಅಲ್ಲಿ ಬಾದಲ್ ಸಿಂಗ್ ಮತ್ತು ಗೋರ್ಚರಣ್ ಸಿಂಗ್ (1984ರ ಅಕ್ಟೋಬರ್ 31ರ ರಾತ್ರಿ ಮಹಿಳೆಯ ಮನೆಯಲ್ಲಿ ಉಳಿದುಕೊಂಡಿದ್ದ ಆಕೆಯ ಪತಿಯ ಉದ್ಯೋಗಿ) ಅವರ ಮೃತದೇಹಗಳು ಸಿಕ್ಕಿದ್ದವು. ನೆರೆಮನೆಯ ಮಹಡಿ ಮೇಲಿಂದ ಮೃತದೇಹಗಳನ್ನು ಎಸೆಯಲಾಗಿತ್ತು. ನಂತರ ಟೈರ್‌ಗಳ ರಾಶಿಯಲ್ಲಿ ಮರದ ಚಕ್ಕಡಿಯಲ್ಲಿ ಅವುಗಳನ್ನು ಸಾಗಿಸಲಾಯಿತು. ಟೈರ್‌ಗಳನ್ನು ಬಳಸಿ ಶವಗಳನ್ನು ಸುಟ್ಟುಹಾಕಲಾಗಿತ್ತು. ಗುರುದ್ವಾರ ಪೂಲ್ ಬಂಗಾಶ್‌ಗೆ ಜನರ ಗುಂಪು ಬೆಂಕಿ ಹಚ್ಚುವುದನ್ನು ಮಹಿಳೆ ನೋಡಿದ್ದರು ಎಂದು ಸಿಬಿಐ ತಿಳಿಸಿದೆ.
ಜನಸಮೂಹವು ಪೆಟ್ರೋಲ್ ಡಬ್ಬಿಗಳು, ಕೋಲುಗಳು, ಕತ್ತಿಗಳು ಮತ್ತು ರಾಡ್‌ಗಳನ್ನು ಹೊತ್ತೊಯ್ಯುತ್ತಿರುವುದನ್ನು ನೋಡಿದ ಇನ್ನೊಬ್ಬ ಸಾಕ್ಷಿಯನ್ನು ಅದು ಉಲ್ಲೇಖಿಸುತ್ತದೆ. ಆಗ ಸಂಸದರಾಗಿದ್ದ ಜಗದೀಶ್ ಟೈಟ್ಲರ್ ಕೂಡ ಗುರುದ್ವಾರ ಪೂಲ್ ಬಂಗಾಶ್ ಮುಂದೆ ಹಾಜರಾಗಿದ್ದರು, ಕಾಂಗ್ರೆಸ್ ನಾಯಕ ಗುರುದ್ವಾರದ ಮೇಲೆ ದಾಳಿ ಮಾಡಲು ಗುಂಪನ್ನು ಪ್ರಚೋದಿಸುತ್ತಿದ್ದರು. ಇದನ್ನು ನೋಡಿದ ಬಸ್ಸಿನಲ್ಲಿದ್ದ ಪ್ರಯಾಣಿಕರು ಟರ್ಬನ್ ತೆಗೆದು ಮನೆಗೆ ಬರುವಂತೆ ಸೂಚಿಸಿದರು. ಅವರು ತನ್ನ ಮನೆಯ ಕಡೆಗೆ ಹೋಗುತ್ತಿದ್ದ ಆಟೋ ರಿಕ್ಷಾವನ್ನು ಆತುರಾತುರವಾಗಿ ನಿಲ್ಲಿಸಿ ಆ ಆಟೋ ರಿಕ್ಷಾದಲ್ಲಿ ಮನೆಗೆ ಮರಳಿದರು ಎಂದು ಚಾರ್ಜ್ ಶೀಟ್ ಹೇಳಿದೆ.
2000ದಲ್ಲಿ ನ್ಯಾಯಮೂರ್ತಿ ನಾನಾವತಿ ತನಿಖಾ ಆಯೋಗದ ಮುಂದೆ ಸಲ್ಲಿಸಿದ ಅಫಿಡವಿಟ್‌ನಿಂದ ಮತ್ತೊಂದು ಸಾಕ್ಷಿ ಹೇಳಿಕೆಯನ್ನು ಸಿಬಿಐ ಉಲ್ಲೇಖಿಸಿದೆ. ದೆಹಲಿಯ ಟಿಬಿ ಆಸ್ಪತ್ರೆ ಗೇಟ್ ಬಳಿ ಜನರ ಗುಂಪೊಂದು ನಿಂತಿತ್ತು. ಆಗ ಜಗದೀಶ್ ಟೈಟ್ಲರ್ ಅವರನ್ನು ಹೊತ್ತ ಕಾರು ಅಲ್ಲಿಗೆ ಬಂದಿತ್ತು. ತಮ್ಮ ಸೂಚನೆಗಳನ್ನು ನಿಷ್ಠೆಯಿಂದ ನೀವು ಪಾಲಿಸಿಲ್ಲ ಎಂದು ಅವರು ಜನರ ಗುಂಪಿನತ್ತ ಹರಿಹಾಯ್ದಿದ್ದರು ಎಂದು ಅವರು ತಿಳಿಸಿದ್ದಾರೆ.
ಆರೋಪಿ ಜಗದೀಶ್ ಟೈಟ್ಲರ್ ಅವರು ಕೇಂದ್ರ ನಾಯಕರ ದೃಷ್ಟಿಯಲ್ಲಿ ತನ್ನ ಸ್ಥಾನಮಾನ ಕುಸಿದ್ದು, ಕೇಂದ್ರ ನಾಯಕರ ದೃಷ್ಟಿಯಲ್ಲಿ ಕೆಳಕ್ಕೆ ಇಳಿದಿದೆ ಎಂದು ಹೇಳಿದ್ದರು. ಈ ಅಫಿಡವಿಟ್ ಪ್ರಕಾರ, ಆರೋಪಿ ಜಗದೀಶ್ ಟೈಟ್ಲರ್ ಅಲ್ಲಿದ್ದ ವ್ಯಕ್ತಿಗಳಿಗೆ ಪೂರ್ವ ದೆಹಲಿ, ಹೊರ ದೆಹಲಿ, ಕ್ಯಾಂಟ್ ಇತ್ಯಾದಿಹೋಲಿಸಿದರೆ ತನ್ನ ಕ್ಷೇತ್ರದಲ್ಲಿ ಸಿಖ್ಖರ ಕಡಿಮೆ ಹತ್ಯೆಗಳು ಮಾತ್ರ ನಡೆದಿವೆ ಎಂದು ಕೋಪದಿಂದ ಹೇಳಿದ್ದರು. ತಾನು ದೊಡ್ಡ ಪ್ರಮಾಣದಲ್ಲಿ ಸಿಖ್ಖರನ್ನು ಕೊಲ್ಲುವುದಾಗಿ ಭರವಸೆ ನೀಡಿದ್ದು, ಅದಕ್ಕಾಗಿ ಸಂಪೂರ್ಣ ರಕ್ಷಣೆಯನ್ನು ಕೋರಿದ್ದೆ, ಆದರೆ “ನೀವು ನನಗೆ ದ್ರೋಹ ಮಾಡಿ ನನ್ನನ್ನು ನಿರಾಸೆಗೊಳಿಸಿದ್ದೀರಿ” ಎಂದು ಗುಂಪಿನ ಮುಂದೆ ಅಸಮಾಧಾನ ವ್ಯಕ್ತಪಡಿಸಿದ್ದರು ಎಂಬುದಾಗಿ ಅಫಿಡವಿಟ್‌ನಲ್ಲಿ ಸಿಬಿಐ ತಿಳಿಸಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ