ದಕ್ಷಿಣ ರಷ್ಯಾದ ಪೆಟ್ರೋಲ್ ಬಂಕ್‌ನಲ್ಲಿ ಭಾರೀ ಸ್ಫೋಟ: ಕನಿಷ್ಠ 35 ಮಂದಿ ಸಾವು, 80 ಮಂದಿಗೆ ಗಾಯ

ದಾಗೆಸ್ತಾನ್‌ (ರಷ್ಯಾ) :  ಮಂಗಳವಾರ ರಷ್ಯಾದ ಕಾಕಸಸ್ ಗಣರಾಜ್ಯವಾದ ದಾಗೆಸ್ತಾನ್‌ನಲ್ಲಿರುವ ಪೆಟ್ರೋಲ್‌ ಬಂಕ್‌ ನಲ್ಲಿ ಸಂಭವಿಸಿದ ಭಾರೀ ಸ್ಫೋಟದಲ್ಲಿ ಕನಿಷ್ಠ 35 ಜನರು ಸಾವಿಗೀಡಾಗಿದ್ದಾರೆ ಹಾಗೂ 80 ಮಂದಿ ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ.
ತುರ್ತು ಸಚಿವಾಲಯವು ವಿತರಿಸಿದ ಚಿತ್ರಗಳು ಭಾರೀ ಪ್ರಮಾಣದ ಬೆಂಕಿಯಿಂದ ಸುಟ್ಟುಹೋದ ಕಾರುಗಳು ಮತ್ತು ರಕ್ಷಣಾ ಕಾರ್ಯಕರ್ತರು ಬೆಂಕಿಯನ್ನು ನಂದಿಸಲು ಮತ್ತು ಅವಶೇಷಗಳನ್ನು ತೆರವುಗೊಳಿಸಲು ಪ್ರಯತ್ನಿಸುತ್ತಿರುವುದನ್ನು ತೋರಿಸಿದೆ. 35 ಜನರು ಸಾವಿಗೀಡಾಗಿದ್ದಾರೆ ಮತ್ತು 80 ಮಂದಿ ಗಾಯಗೊಂಡಿದ್ದಾರೆ ಎಂದು ಸರ್ಕಾರಿ ಸಚಿವಾಲಯಗಳು ತಿಳಿಸಿವೆ.
ಬೆಂಕಿ ಕಾಣಿಸಿಕೊಂಡ ನಂತರ ಮಖಚ್ಕಲಾ ನಗರದಲ್ಲಿನ ಇಂಧನ ಕೇಂದ್ರದಲ್ಲಿ ಸ್ಫೋಟ ಸಂಭವಿಸಿದೆ ಎಂದು ಪ್ರಮುಖ ಘಟನೆಗಳ ತನಿಖೆ ನಡೆಸುವ ತನಿಖಾ ಸಮಿತಿಯ ಪ್ರಾದೇಶಿಕ ಶಾಖೆ ಸಾಮಾಜಿಕ ಮಾಧ್ಯಮದಲ್ಲಿ ಪ್ರಕಟಿಸಿದೆ.
“ಕಾರು ನಿರ್ವಹಣಾ ಕಾರ್ಯದ ಸಮಯದಲ್ಲಿ ಬೆಂಕಿ ಸಂಭವಿಸಿದೆ, ನಂತರ ಸ್ಫೋಟ ಸಂಭವಿಸಿದೆ, ಇದರ ಪರಿಣಾಮವಾಗಿ ಜನರು ಗಾಯಗೊಂಡರು ಮತ್ತು ಸತ್ತರು” ಎಂದು ಸಮಿತಿಯು ಹೇಳಿದೆ, ಹತ್ತಿರದ ಕಟ್ಟಡಗಳು ಮತ್ತು ಕಾರುಗಳು ಹಾನಿಗೊಳಗಾದವು. ಬೆಂಕಿಗೆ ಕಾರಣ ಕಂಡುಹಿಡಿಯಲುಕ್ರಿಮಿನಲ್ ಪ್ರಕರಣವನ್ನು ದಾಖಲಿಸಿಕೊಳ್ಳಲಾಗಿದೆ ಎಂದು ಅದು ಹೇಳಿದೆ.
https://twitter.com/Reuters/status/1691250854182240256?ref_src=twsrc%5Etfw%7Ctwcamp%5Etweetembed%7Ctwterm%5E1691250854182240256%7Ctwgr%5Ebc083004c87bf133e548431fbb871ad53410ee8f%7Ctwcon%5Es1_&ref_url=https%3A%2F%2Fwww.news18.com%2Fworld%2Fexplosion-at-petrol-station-in-russias-dagestan-12-killed-dozens-injured-8536670.html
ಬೆಂಕಿಯನ್ನು ನಂದಿಸಲಾಗಿದೆ ಎಂದು ಸಚಿವಾಲಯವನ್ನು ಉಲ್ಲೇಖಿಸಿ ಸರ್ಕಾರಿತ ಸುದ್ದಿ ಸಂಸ್ಥೆಗಳಾದ TASS ಮತ್ತು ರಿಯಾ ನೊವೊಸ್ಟಿ ವರದಿ ಮಾಡಿದೆ. ಕ್ಯಾಸ್ಪಿಯನ್ ಸಮುದ್ರದ ಮೇಲೆ 6,00,000 ಕ್ಕೂ ಹೆಚ್ಚು ಜನಸಂಖ್ಯೆ ಹೊಂದಿರುವ ನಗರವಾದ ಮಖಚ್ಕಲಾ, ಚೆಚೆನ್ಯಾದ ಗಡಿಯಲ್ಲಿರುವ ರಷ್ಯಾದ ಗಣರಾಜ್ಯವಾದ ಡಾಗೆಸ್ತಾನ್‌ನ ರಾಜಧಾನಿಯಾಗಿದೆ.
ಸೋಮವಾರ ರಾತ್ರಿ 10:00 ಗಂಟೆಯ ಮೊದಲು (1900 GMT) ಸ್ಫೋಟದ ಶಬ್ದ ಕೇಳಿಸಿತು ಎಂದು ಡಾಗೆಸ್ತಾನ್ ಆಡಳಿತದ ಮುಖ್ಯಸ್ಥ ಸೆರ್ಗೆಯ್ ಮೆಲಿಕೋವ್ ಸಾಮಾಜಿಕ ಮಾಧ್ಯಮದಲ್ಲಿ ತಿಳಿಸಿದ್ದಾರೆ.
ಕಾರುಗಳನ್ನು ನಿಲ್ಲಿಸಿದ ಪ್ರದೇಶದಲ್ಲಿ ಬೆಂಕಿ ಕಾಣಿಸಿಕೊಂಡು ಪೆಟ್ರೋಲ್ ಬಂಕ್‌ಗೆ ವ್ಯಾಪಿಸಿತು ಎಂದು ಪ್ರತ್ಯಕ್ಷದರ್ಶಿಯೊಬ್ಬರನ್ನು ಉಲ್ಲೇಖಿಸಿ ರಷ್ಯಾದ ದಿನಪತ್ರಿಕೆ ಇಜ್ವೆಸ್ಟಿಯಾ ವರದಿ ಮಾಡಿದೆ. “ಸ್ಫೋಟದ ನಂತರ, ಎಲ್ಲವೂ ನಮ್ಮ ತಲೆಯ ಮೇಲೆ ಬಿದ್ದವು. ನಮಗೆ ಮುಂದೆ ಏನನ್ನೂ ನೋಡಲಾಗಲಿಲ್ಲ ಎಂದು ಹೆಸರಿಸದ ಸಾಕ್ಷಿ ಹೇಳಿದರು.
ರಷ್ಯಾದ ತುರ್ತು ಪರಿಸ್ಥಿತಿಗಳ ಸಚಿವಾಲಯವು ಬಿಡುಗಡೆ ಮಾಡಿದ ವೀಡಿಯೊ ತುಣುಕೊಂದು ಅಗ್ನಿಶಾಮಕ ದಳದವರು ಸುಟ್ಟುಹೋದ ವಾಹನಗಳ ಬಳಿ ದೊಡ್ಡ ಜ್ವಾಲೆಯನ್ನು ನಂದಿಸಲು ಪ್ರಯತ್ನಿಸುತ್ತಿರುವುದನ್ನು ತೋರಿಸಿದೆ.