ನವದೆಹಲಿ: ವಿಶ್ವ ಬಾಹ್ಯಾಕಾಶ ವಿಜ್ಞಾನದ ಇತಿಹಾಸದಲ್ಲಿ ಮೊದಲ ಬಾರಿಗೆ ಚಂದ್ರಯಾನ 3 ಬಾಹ್ಯಾಕಾಶ ನೌಕೆ, ಚಂದ್ರನ ದಕ್ಷಿಣ ಧ್ರುವದ ಮೇಲ್ಮೈ ಕೆಳಗೆ 10cm ವರೆಗಿನ ಮಣ್ಣಿನ ತಾಪಮಾನದ ವ್ಯತ್ಯಾಸದ ಬಗ್ಗೆ ವಿವರಿಸಿದೆ.
ಆಗಸ್ಟ್ 23 ರಂದು ಇಸ್ರೋದ ಚಂದ್ರಯಾನ ಯಶಸ್ವಿ ಯಶಸ್ವಿಯಾಗಿ ಲ್ಯಾಂಡಿಂಗ್ ಮಾಡಿದ ನಾಲ್ಕು ದಿನಗಳ ನಂತರ, ಚಂದ್ರಯಾನ 3 ಹಂಚಿಕೊಂಡ ಮೊದಲ ಅವಲೋಕನಗಳನ್ನು ಇಸ್ರೋ ಭಾನುವಾರ ಹಂಚಿಕೊಂಡಿದೆ. ಇದು ಮೊದಲ ಬಾರಿಗೆ ದಕ್ಷಿಣ ಧ್ರುವದ ಸುತ್ತ ಚಂದ್ರನ ಮಣ್ಣಿನ ತಾಪಮಾನವನ್ನು ಪ್ರೋಫೈಲಿಂಗ್ ಮಾಡಲಾಗುತ್ತಿದೆ. ಯಾಕೆಂದರೆ ಯಾವುದೇ ದೇಶವು ಚಂದ್ರನ ದಕ್ಷಿಣ ಧ್ರುವದ ಮೇಲೆ ಮೃದುವಾಗಿ ಇಳಿದಿರುವುದು ಇದೇ ಮೊದಲಾಗಿದೆ.
ಅವಲೋಕನಗಳು ಚಂದ್ರನ ದಕ್ಷಿಣ ಧ್ರುವದಲ್ಲಿನ ಮಣ್ಣಿನ ಸಮಗ್ರ ವಿಶ್ಲೇಷಣೆ ಜೊತೆಗೆ ಜೊತೆಗೆ ಮೇಲ್ಮೈ ಕೆಳಗೆ 10cm ವರೆಗಿನ ತಾಪಮಾನ ಏರಿಳಿತಗಳನ್ನು ಪ್ರಸ್ತುತಪಡಿಸಿದವು. ಆಗಸ್ಟ್ 23 ರಂದು ಚಂದ್ರಯಾನ-3 ಸಾಫ್ಟ್ ಲ್ಯಾಂಡಿಂಗ್ ಮಾಡಿದ ಕೇವಲ ನಾಲ್ಕು ದಿನಗಳ ನಂತರ ಈ ಬೆಳವಣಿಗೆಯಾಗಿದೆ.
ಇಸ್ರೋ ಚಂದ್ರನ ಮಣ್ಣಿನ ತಾಪಮಾನದ ವಿವಿಧ ಆಳದಲ್ಲಿನ ವ್ಯತ್ಯಾಸದ ಗ್ರಾಫ್ ಅನ್ನು ಹಂಚಿಕೊಂಡಿದೆ. “ChaSTE (ಚಂದ್ರನ ಮೇಲ್ಮೈ ಥರ್ಮೋಫಿಸಿಕಲ್ ಪ್ರಯೋಗ) ಚಂದ್ರನ ಮೇಲ್ಮೈಯ ತಾಪಮಾನದ ವರ್ತನೆಯನ್ನು ಅರ್ಥಮಾಡಿಕೊಳ್ಳಲು ಧ್ರುವದ ಸುತ್ತಲಿನ ಚಂದ್ರನ ಮೇಲ್ಮಣ್ಣಿನ ತಾಪಮಾನದ ಪ್ರೊಫೈಲ್ ಅನ್ನು ಅಳೆಯುತ್ತದೆ. ಇದು ಚಂದ್ರನ ಮೇಲ್ಮೈ ಕೆಳಗೆ 10 ಸೆಂ.ಮೀ ಆಳವನ್ನು ತಲುಪುವ ಸಾಮರ್ಥ್ಯವನ್ನು ಹೊಂದಿದೆ. ಮೇಲ್ಮೈ ತನಿಖೆ ನಡೆಸಲು 10 ಪ್ರತ್ಯೇಕ ತಾಪಮಾನ ಸಂವೇದಕಗಳೊಂದಿಗೆ ಅಳವಡಿಸಲಾಗಿದೆ ಎಂದು ಇಸ್ರೋ ಹೇಳಿದೆ.
“ಪ್ರಸ್ತುತಿಸಿದ ಗ್ರಾಫ್ ಚಂದ್ರನ ಮೇಲ್ಮೈ / ಮೇಲ್ಮೈನ ವಿವಿಧ ಆಳಗಳಲ್ಲಿ ತಾಪಮಾನ ವ್ಯತ್ಯಾಸಗಳನ್ನು ವಿವರಿಸುತ್ತದೆ. ಇದು ಚಂದ್ರನ ದಕ್ಷಿಣ ಧ್ರುವದ ಮೊದಲ ಪ್ರೊಫೈಲ್ ಆಗಿದೆ. ವಿವರವಾದ ಅವಲೋಕನಗಳು ನಡೆಯುತ್ತಿವೆ” ಎಂದು ಇಸ್ರೋ ಟ್ವೀಟ್ ಮಾಡಿದೆ.
ಗ್ರಾಫ್‌ನಲ್ಲಿ, ತಾಪಮಾನವು -10 ಡಿಗ್ರಿ ಸೆಲ್ಸಿಯಸ್‌ನಿಂದ 60 ಡಿಗ್ರಿ ಸೆಲ್ಸಿಯಸ್‌ವರೆಗೆ ಇದೆ. ಚಂದ್ರಯಾನ 3 ಏಳು ಪೇಲೋಡ್‌ಗಳನ್ನು ಹೊಂದಿದೆ, ವಿಕ್ರಮ್ ಲ್ಯಾಂಡರ್‌ನಲ್ಲಿ ನಾಲ್ಕು, ಪ್ರಗ್ಯಾನ್ ರೋವರ್‌ನಲ್ಲಿ ಎರಡು ಮತ್ತು ಒಂದು ಪ್ರೊಪಲ್ಷನ್ ಮಾಡ್ಯೂಲ್ ಪೇಲೋಡ್ ಹೊಂದಿದೆ. ಈ ಪೇಲೋಡ್‌ಗಳನ್ನು ವಿಭಿನ್ನ ವೈಜ್ಞಾನಿಕ ಪ್ರಯೋಗಗಳನ್ನು ಕೈಗೊಳ್ಳಲು ವಿನ್ಯಾಸಗೊಳಿಸಲಾಗಿದೆ. ಚಂದ್ರನ ಮಣ್ಣನ್ನು ಅಧ್ಯಯನ ಮಾಡುತ್ತಿರುವ ChaSTE ಯ ಹೊರತಾಗಿ, ವಿಕ್ರಂ ಲ್ಯಾಂಡರ್‌ RAMBHA (ಅಯಾನುಗಳು ಮತ್ತು ಎಲೆಕ್ಟ್ರಾನ್‌ಗಳನ್ನು ಅಧ್ಯಯನ ಮಾಡಲು), ILSA (ಭೂಕಂಪನವನ್ನು ಅಧ್ಯಯನ ಮಾಡಲು) ಮತ್ತು LRA (ಚಂದ್ರನ ವ್ಯವಸ್ಥೆಯ ಡೈನಾಮಿಕ್ಸ್ ಅನ್ನು ಅರ್ಥಮಾಡಿಕೊಳ್ಳಲು) ಹೊಂದಿದೆ.
ಚಂದ್ರನ ದಕ್ಷಿಣ ಧ್ರುವದಲ್ಲಿ ತನ್ನ ಯಶಸ್ವಿ ಸಾಫ್ಟ್ ಲ್ಯಾಂಡಿಂಗ್‌ನೊಂದಿಗೆ ಭಾರತ ಇತಿಹಾಸವನ್ನು ನಿರ್ಮಿಸಿದ ನಂತರ, ರೋವರ್ ಪ್ರಗ್ಯಾನ್ ವಿಕ್ರಮ್ ಲ್ಯಾಂಡರ್‌ನಿಂದ ಹೊರಬಂದಿದೆ ಮತ್ತು ಅದು ಇಳಿದ ಸ್ಥಳದ ಸುತ್ತಲೂ ಓಡಾಡಿದೆ, ಇದನ್ನು ಇನ್ಮುಂದೆ ಶಿವಶಕ್ತಿ ಪಾಯಿಂಟ್ ಎಂದು ಕರೆಯಲಾಗುತ್ತದೆ.
ನಿಮ್ಮ ಕಾಮೆಂಟ್ ಬರೆಯಿರಿ