ಬಾಂಗ್ಲಾದೇಶ, ಮಾರಿಷಸ್ ಪ್ರಧಾನಿಗಳೊಂದಿಗೆ ದ್ವಿಪಕ್ಷೀಯ ಮಾತುಕತೆ ನಡೆಸಿದ ಪ್ರಧಾನಿ ಮೋದಿ: ಆರ್ಥಿಕ ಬಾಂಧವ್ಯ ವೃದ್ಧಿಗೆ ಪಣ

ನವದೆಹಲಿ : ಜಿ20 ಶೃಂಗಸಭೆಗೂ ಮುನ್ನ ಪ್ರಧಾನಿ ನರೇಂದ್ರ ಮೋದಿ ಅವರು ಶುಕ್ರವಾರ ತಮ್ಮ ನಿವಾಸದಲ್ಲಿ ಬಾಂಗ್ಲಾದೇಶದ ಪ್ರಧಾನಿ ಶೇಖ್ ಹಸೀನಾ ಅವರೊಂದಿಗೆ ಮಾತುಕತೆ ನಡೆಸಿದರು.
ಇಬ್ಬರು ನಾಯಕರು ದ್ವಿಪಕ್ಷೀಯ ಸಹಕಾರವನ್ನು ‘ಗಾಢಗೊಳಿಸಲು ಮತ್ತು ವೈವಿಧ್ಯಗೊಳಿಸಲು’ ವಾಗ್ದಾನ ಮಾಡಿದರು ಮತ್ತು ಸಂಪರ್ಕ (connectivity) ಮತ್ತು ವಾಣಿಜ್ಯ ಸಂಪರ್ಕಗಳಂತಹ ವಿಷಯಗಳ ಕುರಿತು ಚರ್ಚಿಸಿದರು.
ಪ್ರಧಾನಿ ಮೋದಿ ಮತ್ತು ಶೇಖ್ ಹಸೀನಾ ಭೇಟಿಯ ನಂತರ, ವಿದೇಶಾಂಗ ವ್ಯವಹಾರಗಳ ಸಚಿವಾಲಯವು, “ಪ್ರಧಾನಿ ನರೇಂದ್ರ ಮೋದಿ ಅವರು ಬಾಂಗ್ಲಾದೇಶದ ಪ್ರಧಾನಿ ಶೇಖ್ ಹಸೀನಾ ಅವರೊಂದಿಗೆ ದ್ವಿಪಕ್ಷೀಯ ಸಭೆ ನಡೆಸಿದರು. ನಾಯಕರು ಚಟ್ಟೋಗ್ರಾಮ ಮತ್ತು ಮೊಂಗ್ಲಾ ಬಂದರುಗಳ ಬಳಕೆ ಮತ್ತು ಕಾರ್ಯಾರಂಭದ ಒಪ್ಪಂದದ ಕಾರ್ಯಾಚರಣೆಯನ್ನು ಸ್ವಾಗತಿಸಿದರು. ಭಾರತ-ಬಾಂಗ್ಲಾದೇಶ ಸೌಹಾರ್ದ ಪೈಪ್‌ಲೈನ್, ಅವರು INR ನಲ್ಲಿ ದ್ವಿಪಕ್ಷೀಯ ವ್ಯಾಪಾರದ ಇತ್ಯರ್ಥದ ಕಾರ್ಯಾಚರಣೆಗೆ ಮೆಚ್ಚುಗೆ ವ್ಯಕ್ತಪಡಿಸಿದರು ಮತ್ತು ಕಾರ್ಯವಿಧಾನವನ್ನು ಬಳಸಿಕೊಳ್ಳಲು ಎರಡೂ ಕಡೆಯ ವ್ಯಾಪಾರ ಸಮುದಾಯವನ್ನು ಉತ್ತೇಜಿಸಿದರು. ಅವರು ಸಮಗ್ರ ಆರ್ಥಿಕ ಪಾಲುದಾರಿಕೆ ಒಪ್ಪಂದದ (CEPA) ಮಾತುಕತೆಗಳನ್ನು ಪ್ರಾರಂಭಿಸಲು ಎದುರು ನೋಡುತ್ತಿರುವುದಾಗಿ ಉಭಯ ನಾಯಕರು ಹೇಳಿದ್ದಾರೆ ಎಂದು ವಿದೇಶಾಂಗ ಸಚಿವಾಲಯ ತಿಳಿಸಿದೆ.

ಮೋದಿ ಅವರು ಬಾಂಗ್ಲಾದೇಶದ ಪ್ರಧಾನಿ ಶೇಖ್ ಹಸೀನಾ ಅವರೊಂದಿಗೆ “ಉತ್ಪಾದಕ ಸಮಾಲೋಚನೆ” ಮಾಡಿರುವುದಾಗಿ ತಿಳಿಸಿದ್ದಾರೆ. “ಕಳೆದ 9 ವರ್ಷಗಳಲ್ಲಿ ಭಾರತ-ಬಾಂಗ್ಲಾದೇಶ ಸಂಬಂಧಗಳಲ್ಲಿನ ಪ್ರಗತಿಯು ತುಂಬಾ ಸಂತೋಷದಾಯಕವಾಗಿದೆ. ನಮ್ಮ ಮಾತುಕತೆಗಳು ಸಂಪರ್ಕ, ವಾಣಿಜ್ಯ ಸಂಪರ್ಕ ಮತ್ತು ಹೆಚ್ಚಿನ ಕ್ಷೇತ್ರಗಳನ್ನು ಒಳಗೊಂಡಿವೆ” ಎಂದು ಮೋದಿ ಹೇಳಿದ್ದಾರೆ.

ದ್ವಿಪಕ್ಷೀಯ ಸಹಕಾರ ಬಲಪಡಿಸಲು ಈ ಕೆಳಗಿನ ಎಂಒಯುಗಳ ವಿನಿಮಯವನ್ನು ಉಭಯ ನಾಯಕರು ಸ್ವಾಗತಿಸಿದರು:
*ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (NPCI) ಮತ್ತು ಬಾಂಗ್ಲಾದೇಶ ಬ್ಯಾಂಕ್ ನಡುವಿನ ಡಿಜಿಟಲ್ ಪಾವತಿ ಕಾರ್ಯವಿಧಾನಗಳಲ್ಲಿ ಸಹಕಾರದ ಕುರಿತು ತಿಳುವಳಿಕೆ ಒಪ್ಪಂದ.
*2023-2025 ಕ್ಕೆ ಭಾರತ ಮತ್ತು ಬಾಂಗ್ಲಾದೇಶದ ನಡುವೆ ಸಾಂಸ್ಕೃತಿಕ ವಿನಿಮಯ ಕಾರ್ಯಕ್ರಮದ (CEP) ನವೀಕರಣದ ತಿಳುವಳಿಕೆ ಒಪ್ಪಂದ.
*ಭಾರತೀಯ ಕೃಷಿ ಸಂಶೋಧನಾ ಮಂಡಳಿ (ICAR) ಮತ್ತು ಬಾಂಗ್ಲಾದೇಶ ಕೃಷಿ ಸಂಶೋಧನಾ ಮಂಡಳಿ (BARC) ನಡುವಿನ ತಿಳುವಳಿಕೆ ಒಪ್ಪಂದ.
ಅಲ್ಲದೆ, ಪ್ರಾದೇಶಿಕ ಪರಿಸ್ಥಿತಿಗೆ ಸಂಬಂಧಿಸಿದಂತೆ, ಪ್ರಧಾನಿ ಮೋದಿ ಅವರು ಮ್ಯಾನ್ಮಾರ್‌ನ ರಾಖೈನ್ ರಾಜ್ಯದಿಂದ ಸ್ಥಳಾಂತರಗೊಂಡ ಮಿಲಿಯನ್‌ಗಿಂತಲೂ ಹೆಚ್ಚು ಜನರಿಗೆ ಆತಿಥ್ಯ ವಹಿಸಿದ ಬಾಂಗ್ಲಾದೇಶದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು ಮತ್ತು ನಿರಾಶ್ರಿತರ ಸುರಕ್ಷಿತ ಮತ್ತು ಸುಸ್ಥಿರ ವಾಪಸಾತಿಗೆ ಪರಿಹಾರೋಪಾಯಗಳನ್ನು ಬೆಂಬಲಿಸಲು ಭಾರತದ ರಚನಾತ್ಮಕ ಮತ್ತು ಸಕಾರಾತ್ಮಕ ವಿಧಾನವನ್ನು ತಿಳಿಸಿದರು ಎಂದು ಎಂಇಎ ಹೇಳಿದೆ.

ಪ್ರಧಾನಿ ಮೋದಿ ಅವರು ಮಾರಿಷಸ್ ಪ್ರಧಾನಿ ಪ್ರವಿಂದಕುಮಾರ ಜುಗ್ನಾಥ ಅವರನ್ನು ಭೇಟಿಯಾದರು. ‘ಅತಿಥಿ ದೇಶ’ವಾಗಿ G20ಯಲ್ಲಿ ಭಾಗವಹಿಸಲು ಮಾರಿಷಸ್‌ಗೆ ನೀಡಿದ ವಿಶೇಷ ಆಹ್ವಾನಕ್ಕಾಗಿ ಜುಗ್ನಾಥ ಪ್ರಧಾನಿ ಮೋದಿಯವರಿಗೆ ಧನ್ಯವಾದ ಅರ್ಪಿಸಿದರು. ವಿದೇಶಾಂಗ ಸಚಿವಾಲಯ(MEA)ದ ಪ್ರಕಾರ, ಪ್ರಧಾನಿ ಮೋದಿ ಭಾರತದ ಅಧ್ಯಕ್ಷತೆ ಅಡಿಯಲ್ಲಿ G20 ನ ವಿವಿಧ ಕಾರ್ಯ ಗುಂಪುಗಳು ಮತ್ತು ಸಚಿವರ ಸಭೆಗಳಲ್ಲಿ ಮಾರಿಷಸ್ ಸಕ್ರಿಯವಾಗಿ ಭಾಗವಹಿಸುವುದನ್ನು ಶ್ಲಾಘಿಸಿದರು.

ಪ್ರಧಾನಿ ನರೇಂದ್ರ ಮೋದಿ ಅವರು ಜುಗ್ನಾಥ್ ಅವರೊಂದಿಗಿನ ಭೇಟಿಯನ್ನು “ತುಂಬಾ ಉತ್ತಮವಾಗಿತ್ತು” ಎಂದು ಕರೆದರು ಮತ್ತು “ನಮ್ಮ ರಾಷ್ಟ್ರಗಳ ನಡುವಿನ 75 ವರ್ಷಗಳ ರಾಜತಾಂತ್ರಿಕ ಬಾಂಧವ್ಯವನ್ನು ನಾವು ಆಚರಿಸುತ್ತಿರುವ ಕಾರಣ ಭಾರತ-ಮಾರಿಷಸ್ ಸಂಬಂಧಗಳಿಗೆ ಇದು ವಿಶೇಷ ವರ್ಷವಾಗಿದೆ” ಎಂದು ಹೇಳಿದರು. ನಾವು ಮೂಲಸೌಕರ್ಯ, ಫಿನ್‌ಟೆಕ್, ಸಂಸ್ಕೃತಿ ಮತ್ತು ಹೆಚ್ಚಿನ ಕ್ಷೇತ್ರಗಳಲ್ಲಿ ಸಹಕಾರದ ಬಗ್ಗೆ ಚರ್ಚಿಸಿದ್ದೇವೆ. ಹಾಗೆಯೇ ಜಾಗತಿಕ ದಕ್ಷಿಣದ ಧ್ವನಿಯನ್ನು ಹೆಚ್ಚಿಸಲು ಭಾರತದ ಬದ್ಧತೆಯನ್ನು ಪುನರುಚ್ಚರಿಸಲಾಗಿದೆ ಎಂದು ಪ್ರಧಾನಿ ಮೋದಿ ತಮ್ಮ ಎಕ್ಸ್ ಹ್ಯಾಂಡಲ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ.