ಕ್ರಿಕೆಟಿಗ ವಿರಾಟ್ ಕೊಹ್ಲಿ ವಿಶ್ವದ ಅತ್ಯಂತ ಮೆಚ್ಚಿನ ಕ್ರೀಡಾಪಟುಗಳಲ್ಲಿ ಒಬ್ಬರು. ಅವರ ಅನೇಕ ಅಭಿಮಾನಿಗಳು ಕ್ರಿಕೆಟಿಗನನ್ನೂ ಮೀರಿ ಹೋಗಿದ್ದಾರೆ. ಇದೀಗ, ವಿರಾಟ್ ಕೊಹ್ಲಿ ಅಭಿಮಾನಿಯೊಬ್ಬರು ಅವರ ನಾಲಿಗೆಯನ್ನೇ ಪೇಂಟಿಂಗ್‌ ಬ್ರಶ್‌ ನಂತೆ ಬಳಸಿಕೊಂಡು ಕ್ರಿಕೆಟಿಗನ ಭಾವಚಿತ್ರವನ್ನು ಬಿಡಿಸುವ ಮೂಲಕ ತಮ್ಮ ಅಮೋಘ ಕಲೆಯ ಪ್ರದರ್ಶನ ಮಾಡಿದ್ದಾರೆ. ನಾಲಿಗೆಯಿಂದ ವಿರಾಟ್ ಕೊಹ್ಲಿಯನ್ನು ಬಿಡಿಸಿದ ನಂತರ ಈ ಪೇಟಿಂಗ್‌ಗೆ ಪ್ರತಿಕ್ರಿಯೆಗಳ ಮಹಾಪೂರವೇ ಹರಿದುಬಂತು. ಕೆಲವರು ಪ್ರತಿಭೆಯನ್ನು ಮೆಚ್ಚಿದದರೆ ಮತ್ತೆ ಕೆಲವರು “ಅಸಂಬದ್ಧ” ಎಂದು ಕರೆದರು.
ಮುಫದ್ದಲ್ ವೋಹ್ರಾ ಅವರು ‘X’ ನಲ್ಲಿ ಪೋಸ್ಟ್ ಮಾಡಿದ ವೀಡಿಯೊ, ಈ ಹಿಂದೆ ಟ್ವಿಟರ್‌ನಲ್ಲಿ ಅಪರಿಚಿತ ಕಲಾವಿದನೊಬ್ಬ ಕ್ಯಾನ್ವಾಸ್‌ನಲ್ಲಿ ತನ್ನ ನಾಲಿಗೆಯ ತುದಿಯನ್ನು ಬಳಸಿ ವಿರಾಟ್ ಕೊಹ್ಲಿಯ ಭಾವಚಿತ್ರವನ್ನು ಮಾಡುವುದನ್ನು ತೋರಿಸುತ್ತದೆ.
ಪೋಸ್ಟ್ ಮಾಡಿದ ನಂತರ, ವೀಡಿಯೊ X ನಲ್ಲಿ 1.8 ಮಿಲಿಯನ್ ವೀಕ್ಷಣೆಗಳನ್ನು ಸಂಗ್ರಹಿಸಿದೆ. ಈಗ ವೈರಲ್ ಕ್ಲಿಪ್ ಗೆ ಹಲವಾರು ಸಾಮಾಜಿಕ ಮಾಧ್ಯಮ ಬಳಕೆದಾರರು ಆ ವಿಚಿತ್ರವಾದ ಬಣ್ಣದ ರುಚಿಯ ಬಗ್ಗೆ ಕೇಳಿದ್ದಾರೆ.
ಒಬ್ಬ ಬಳಕೆದಾರರು “ಪ್ರತಿಭಾವಂತ ವ್ಯಕ್ತಿ” ಎಂದು ಬರೆದಿದ್ದಾರೆ. “ಚಿತ್ರಕಲೆ ಪರಿಪೂರ್ಣವಾಗಿ ಕಾಣುತ್ತದೆ ಆದರೆ ಆತ ಮಾಡಿದ ರೀತಿ ಅಸಂಬದ್ಧವಾಗಿದೆ” ಎಂದು ಇನ್ನೊಬ್ಬ ಬಳಕೆದಾರರು ಟ್ವಿಟರ್‌ನಲ್ಲಿ ಬರೆದಿದ್ದಾರೆ. ಮೂರನೇ ಬಳಕೆದಾರ “ಒಳ್ಳೆಯ ಗುಪ್ತ ಪ್ರತಿಭೆ ಆದರೆ ಅದನ್ನು ಮರೆಮಾಡಿ” ಎಂದು ತಮಾಷೆ ಮಾಡಿದ್ದಾರೆ.
ಇದಕ್ಕೂ ಮುನ್ನ ಪಾಕಿಸ್ತಾನದ ವಿರಾಟ್ ಕೊಹ್ಲಿಯ ಅಭಿಮಾನಿ ಹುಡುಗಿಯ (fangirl) ವೀಡಿಯೊ ಕೂಡ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು. ಆನ್‌ಲೈನ್‌ನಲ್ಲಿ ಕಾಣಿಸಿಕೊಂಡಿರುವ ಕ್ಲಿಪ್‌ನಲ್ಲಿ “ವಿರಾಟ್ ಕೊಹ್ಲಿ ನನ್ನ ನೆಚ್ಚಿನ ಆಟಗಾರ” ಎಂದು ಆಕೆ ಹೇಳಿದ್ದಾಳೆ. ಆಕೆ ಯಾವ ಕಡೆ ಇದ್ದಾಳೆ ಎಂಬ ಪ್ರಶ್ನೆಗೆ ನಾನು ಪಾಕಿಸ್ತಾನವನ್ನೂ ಬೆಂಬಲಿಸುತ್ತಿದ್ದೇನೆ”. “ಇದು ಪಾಕಿಸ್ತಾನ, ಇದು ಭಾರತ” ಎಂದು ಹುಡುಗಿ ತನ್ನ ಕೆನ್ನೆಯ ಮೇಲೆ ಎರಡೂ ದೇಶಗಳ ಧ್ವಜಗಳನ್ನು ತೋರಿಸಿ ನಂತರ ಹೇಳಿದ್ದಳು.
ಪಡೋಸಿಯೋಂ ಸೆ ಪ್ಯಾರ್ ಕರ್ನಾ ಕೋಯಿ ಬುರಿ ಬಾತ್ ತೋ ನಹೀ ಹೈ ನಾ (ನೆರೆಹೊರೆಯವರನ್ನು ಪ್ರೀತಿಸುವುದು ಕೆಟ್ಟ ವಿಷಯವಲ್ಲ, ಸರಿ?),” ಎಂದು ಹುಡುಗಿ ವೀಡಿಯೊದಲ್ಲಿ ಹೇಳಿದ್ದಾಳೆ.
ನಿಮ್ಮ ಕಾಮೆಂಟ್ ಬರೆಯಿರಿ