ನವದೆಹಲಿ: ಆಘಾತಕಾರಿ ಘಟನೆಯಲ್ಲಿ ಟ್ರೆಡ್‌ಮಿಲ್‌ನಲ್ಲಿ ಓಡುತ್ತಿರುವಾಗ ಯುವಕನೊಬ್ಬ ಹೃದಯಾಘಾತದಿಂದ ಕುಸಿದು ಬಿದ್ದು ಮೃತಪಟ್ಟ ಘಟನೆ ನಡೆದಿದೆ ಎಂದು ವರದಿಯಾಗಿದೆ.
ಉತ್ತರ ಪ್ರದೇಶದ ಗಾಜಿಯಾಬಾದ್‌ನ ಜಿಮ್‌ ನಲ್ಲಿ ಈ ಘಟನೆ ನಡೆದಿದೆ ಎಂದು ಹೇಳಲಾಗಿದ್ದು, ದುರದೃಷ್ಟವಶಾತ್, 21 ವರ್ಷದ ವ್ಯಕ್ತಿ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾನೆ. ಈತ ತಂದೆ-ತಾಯಿಗಳಿಗೆ ಏಕೈಕ ಮಗನಾಗಿದ್ದರು ಮತ್ತು ನೋಯ್ಡಾದ ಇಂಜಿನಿಯರಿಂಗ್ ಕಾಲೇಜಿನಲ್ಲಿ ಪ್ರಥಮ ವರ್ಷದ ವಿದ್ಯಾರ್ಥಿಯಾಗಿದ್ದಾರೆ.
ಯುವಕ ಸರಸ್ವತಿ ವಿಹಾರ ನಿವಾಸಿಯಾಗಿದ್ದು, ಘಟನೆ ಖೋಡಾ ಠಾಣಾ ವ್ಯಾಪ್ತಿಗೆ ಒಳಪಟ್ಟಿದೆ. ನೀಲಿ ಟೀ ಶರ್ಟ್ ಧರಿಸಿದ್ದ ಯುವಕ ಟ್ರೇಡ್‌ ಮಿಲ್ ಯಂತ್ರದಲ್ಲಿ ಕುಸಿದು ಬೀಳುವ ಮೊದಲು ಟ್ರೆಡ್ ಮಿಲ್ ಯಂತ್ರವನ್ನು ನಿಧಾನ ಮಾಡುವುದನ್ನು ಕಾಣಬಹುದು. ನಂತರ ಕೆಲವು ಸೆಕೆಂಡುಗಳ ನಂತರ ಕುಸಿದು ಬಿದ್ದಿದ್ದಾರೆ, ಜಿಮ್‌ನಲ್ಲಿ ಕೆಲಸ ಮಾಡುವ ಇತರ ಇಬ್ಬರು ತಕ್ಷಣವೇ ಧಾವಿಸಿದರು.
ಅವರ ಹೃದಯ ವೈಫಲ್ಯಕ್ಕೆ ಸರಿಸುಮಾರು 10 ನಿಮಿಷಗಳ ಮೊದಲು, ಅವರು ತಮ್ಮ ತಾಯಿಯೊಂದಿಗೆ ಫೋನ್‌ನಲ್ಲಿ ಮಾತನಾಡಿದ್ದರು ಮತ್ತು ನಂತರ ಜಿಮ್‌ಗೆ ಮರಳಿದ್ದರು ಎಂದು ಅವರ ಸ್ನೇಹಿತರು ಹೇಳಿದ್ದಾರೆ. ಆದರೆ, ಕೇವಲ 10 ನಿಮಿಷಗಳ ನಂತರ, ಟ್ರೆಡ್‌ಮಿಲ್‌ನಲ್ಲಿ ವ್ಯಾಯಾಮ ಮಾಡುವಾಗ ಸಿದ್ಧಾರ್ಥ್ ಕುಸಿದುಬಿದ್ದರು.
ಯುವಕನನ್ನು ಪರೀಕ್ಷಿಸಿದ ವೈದ್ಯರು, ಸಿದ್ಧಾರ್ಥನನ್ನು ನಿರ್ಜೀವ ಸ್ಥಿತಿಯಲ್ಲಿ ಆಸ್ಪತ್ರೆಗೆ ಕರೆತರಲಾಗಿದೆ ಎಂದು ತಿಳಿಸಿದ್ದು, ಟ್ರೆಡ್ ಮಿಲ್ ಮೇಲೆ ಓಡುತ್ತಿರುವಾಗ ಸಿದ್ದಾರ್ಥ ಕುಸಿದು ಬಿದ್ದಿದ್ದಾರೆ ಎಂದು ಆತನೊಂದಿಗೆ ಬಂದಿದ್ದ ಅಟೆಂಡರ್ ವೈದ್ಯರಿಗೆ ತಿಳಿಸಿದ್ದಾರೆ. ವೈದ್ಯರ ಪ್ರಕಾರ, ಸಿದ್ಧಾರ್ಥ ಹೃದಯ ತೊಂದರೆಯಿಂದ ಬಳಲುತ್ತಿದ್ದರು.
ಘಟನೆಯ ಸಿಸಿಟಿವಿ ದೃಶ್ಯಾವಳಿಗಳು ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕವಾಗಿ ಪ್ರಸಾರವಾಗಿದ್ದು, ವ್ಯಾಯಾಮದ ದಿನಚರಿಯ ಸಮಯದಲ್ಲಿ ಸುರಕ್ಷತಾ ಕ್ರಮಗಳ ಮಹತ್ವದ ಬಗ್ಗೆ ಕಾಳಜಿ ಮತ್ತು ಚರ್ಚೆಗಳಿಗೆ ಕಾರಣವಾಗಿದೆ.
.
ನಿಮ್ಮ ಕಾಮೆಂಟ್ ಬರೆಯಿರಿ