ಮನುಷ್ಯ ಎತ್ತರದ ಕಟ್ಟಡದ ಮೇಲಿನಿಂದ ವಿವಿಧ ಸಾಹಸಗಳನ್ನು ಮಾಡುವುದನ್ನು ನೀವೆಲ್ಲಾ ನೋಡಿರ್ತಿರಾ. ಆದ್ರೆ ಅದೇ ರೀತಿ ನಾಯಿಯೊಂದು ಸಾಹಸವನ್ನು ಮಾಡಿದೆ. ಸೋಷಿಯಲ್ ಮೀಡಿಯಾದಲ್ಲಿ ಆ ವೀಡಿಯೊ ಸಾಕಷ್ಟು ವೈರಲ್ ಆಗುತ್ತಿದೆ.
ಸಾಮಾಜಿಕ ಜಾಲತಾಣ X ನಲ್ಲಿ ಕಪ್ಪು ಬಣ್ಣದ ಬೀದಿ ನಾಯಿಯೊಂದು ಬಹುಮಹಡಿ ಕಟ್ಟಡದಿಂದ ಜಿಗಿಯುವ ಸಣ್ಣ ವೀಡಿಯೊ ಕ್ಲಿಪ್‌ ಈಗ ಸದ್ದು ಮಾಡುತ್ತಿದೆ.
ವೀಡಿಯೊದಲ್ಲಿ ನಿರ್ಮಾಣ ಹಂತದಲ್ಲಿರುವ ಕಟ್ಟಡದ 5 ನೇ ಮಹಡಿಯಲ್ಲಿ ನಾಯಿಯು ಇರುವುದು ಕಂಡು ಬಂದಿದೆ. ನಾಯಿ ಕಟ್ಟಡದ ಅಂಚಿಗೆ ಬಂದು ಕಳಗೆ ನೋಡುತ್ತದೆ ಹಾಗೂ ತಾನು ಎಷ್ಟು ಎತ್ತರದಲ್ಲಿ ಕಟ್ಟಡದ ಮೇಲೆ ಇದ್ದೇನೆ ಅಳತೆ ಮಾಡಿ ಅಂದಾಜು ಮಾಡುತ್ತಿರುವಂತೆ ಕಾಣುತ್ತದೆ. ನಂತರ ಎತ್ತರದ ಆ ಕಟ್ಟಡದ ಮೇಲಿನಿಂದ ನಾಯಿ ಕೆಳಕ್ಕೆ ಜಂಪ್ ಮಾಡುತ್ತದೆ.
ವಿಶೇಷವೆಂದರೆ ಕೆಳಭಾಗದಲ್ಲಿ ಯಾವುದೇ ಸುರಕ್ಷತಾ ಸಾಧನಗಳಿಲ್ಲದೆಯೂ ನಾಯಿಯು ತನ್ನ ಈ ಸಾಹಸದಿಂದ ಬದುಕುಳಿದಿದೆ. ಅಷ್ಟು ಎತ್ತರದಿಂದ ಬಿದ್ದರೂ ಏನೂ ಆಗಿಯೇ ಇಲ್ಲ ಎಂಬಂತೆ ಅಲ್ಲಿಂದ ಓಡಿ ಹೋಗಿದೆ.
ನಾಯಿ ಕಟ್ಟಡದ ಮೇಲಿನಿಂದ ಹಾರುವ ಸಂದರ್ಭದಲ್ಲಿ ಕೆಳಗಿದ್ದ ಬೇಲಿ ಮೇಲೆ ಬಂದು ಬಿದ್ದಿದೆ. ವೈರಲ್ ಆಗಿರುವ ಈ ವಿಡಿಯೋ 11.6 ದಶಲಕ್ಷಕ್ಕೂ ಹೆಚ್ಚು ವ್ಯೂವ್ಸ್ ಆಗಿದೆ.. crazyclipsonly ಎಂಬ ಹೆಸರಿನ X (ಹಿಂದೆ ಟ್ವಿಟರ್) ಅಕೌಂಟ್‌ನಲ್ಲಿ ಪೋಸ್ಟ್ ಮಾಡಿದ ಈ ವೀಡಿಯೊಕ್ಕೆ “5ನೇ ಮಹಡಿಯಿಂದ ಜಿಗಿದ ನಂತರ ನಾಯಿ ಏನೂ ಆಗಿಲ್ಲ ಎಂಬಂತೆ ಹೆಜ್ಜೆ ಹಾಕಿದೆ” ಎಂಬ ಶೀರ್ಷಿಕೆ ನೀಡಲಾಗಿದೆ.
ಎಕ್ಸ್‌ನಲ್ಲಿ ಬಳಕೆದಾರರೊಬ್ಬರು, “ಅದು ಸೂಪರ್ ನಾಯಿ. ಆದರೆ ಏಕೆ ಜಿಗಿದಿದೆ ಎಂದು ಪ್ರಶ್ನಿಸಿದ್ದಾರೆ. ಇನ್ನೊಬ್ಬರು “ಇದು ಅಪರೂಪದ ನಾಯಿ ಎಂದು ಬರೆದಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ