ನವದೆಹಲಿ: ಭಾರತ ಕ್ರಿಕೆಟ್ ತಂಡದ ಆಲ್ ರೌಂಡರ್ ಹಾರ್ದಿಕ್ ಪಾಂಡ್ಯ ಅವರು ತಮ್ಮ ಪಾದದ ಗಾಯದಿಂದ ಸಂಪೂರ್ಣವಾಗಿ ಚೇತರಿಸಿಕೊಂಡಿಲ್ಲದ ಕಾರಣ 2023 ರ ವಿಶ್ವಕಪ್ನ ಉಳಿದ ಪಂದ್ಯದಲ್ಲಿ ಆಡುವುದಿಲ್ಲ ಎಂಬ ಮಾಹಿತಿ ಹೊರಬಿದ್ದಿದೆ. ಕಳೆದ ತಿಂಗಳು, ಪುಣೆಯ ಮಹಾರಾಷ್ಟ್ರ ಕ್ರಿಕೆಟ್ ಅಸೋಸಿಯೇಷನ್ ಸ್ಟೇಡಿಯಂನಲ್ಲಿ ಬಾಂಗ್ಲಾದೇಶ ವಿರುದ್ಧದ ಪಂದ್ಯದ ವೇಳೆ ಆಲ್ ರೌಂಡರ್ ಗಾಯಗೊಂಡಿದ್ದರು.
ತನ್ನ ಮೊದಲ ಓವರ್ನ ಮಧ್ಯದಲ್ಲಿ, 30 ವರ್ಷದ ಹಾರ್ದಿಕ್ ತನ್ನ ಪಾದ ತಿರುಚಿ ಕೆಲಕ್ಕೆ ಬಿದ್ದರು. ಬಳಿಕ ಚಿಕಿತ್ಸೆ ನೀಡಿದ ಬಳಿಕ ಕಾಲಿಗೆ ಎದ್ದು ನಿಂತರು. ಆದಾಗ್ಯೂ, ಅವರು ಬೌಲಿಂಗ್ ಮುಂದುವರಿಸಲು ವಿಫಲರಾದರು ಮತ್ತು ವಿರಾಟ್ ಕೊಹ್ಲಿ ಓವರ್ನ ಉಳಿದ ಮೂರು ಎಸೆತಗಳನ್ನು ಬೌಲ್ ಮಾಡಿದರು.
ಹಾರ್ದಿಕ್ ಗಾಯಗೊಂಡ ನಂತರ, ಭಾರತವು ಮೊಹಮ್ಮದ್ ಶಮಿಯನ್ನು ಆಡುವ XI ಕ್ಕೆ ಆಯ್ಕೆ ಮಾಡಿತು ಮತ್ತು ಶಮಿ ಅವರು ಈಗಾಗಲೇ ಮೂರು ಪಂದ್ಯಗಳಿಂದ 4.27 ರ ರನ್ ರೇಟ್ ನಲ್ಲಿ ಒಟ್ಟು 14 ವಿಕೆಟುಗಳನ್ನು ಪಡೆದಿದ್ದಾರೆ. ಶಮಿ ನ್ಯೂಜಿಲೆಂಡ್ ಮತ್ತು ಶ್ರೀಲಂಕಾ ವಿರುದ್ಧ ಐದು ವಿಕೆಟ್ಗಳನ್ನು ಪಡೆದರು.
ಈ ಮಧ್ಯೆ ಪಾಂಡ್ಯ ಬದಲಿಗೆ ಪ್ರಸಿದ್ಧ್ ಕೃಷ್ಣ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. ಪಂದ್ಯಾವಳಿಯ ಈವೆಂಟ್ ತಾಂತ್ರಿಕ ಸಮಿತಿಯು ನವೆಂಬರ್ 4 ರ ಶನಿವಾರ ಹಾರ್ದಿಕ ಪಾಂಡ್ಯ ಬದಲಿಗೆ ವೇಗದ ಬೌಲರ್ ಪ್ರಸಿದ್ಧ್ ಕೃಷ್ಣ ಅವರನ್ನು ಆಯ್ಕೆ ಮಾಡಿದೆ. ಭಾನುವಾರ ನವೆಂಬರ್ 5 ರಂದು ಕೋಲ್ಕತ್ತಾದ ಈಡನ್ ಗಾರ್ಡನ್ಸ್ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯಕ್ಕೆ ಕೃಷ್ಣ ಅವರು ತಂಡ ಸೇರಿಕೊಳ್ಳಲಿದ್ದಾರೆ.
ಪ್ರಸಿದ್ಧ್ ಕೃಷ್ಣ ಅವರು ಇತ್ತೀಚೆಗೆ ಸೈಯದ್ ಮುಷ್ತಾಕ್ ಅಲಿ T20 ಟ್ರೋಫಿಯಲ್ಲಿ ಕರ್ನಾಟಕದ ಪರವಾಗಿ ಆಡಿದರು, ಅಲ್ಲಿ ಅವರು ಅನೇಕ ಪಂದ್ಯಗಳಲ್ಲಿ ಐದು ವಿಕೆಟ್ಗಳನ್ನು ಪಡೆದರು. ಜಸ್ಪ್ರೀತ್ ಬುಮ್ರಾ, ಮೊಹಮ್ಮದ್ ಶಮಿ ಮತ್ತು ಮೊಹಮ್ಮದ್ ಸಿರಾಜ್ ಅವರಂತಹವರು ಈಗಾಗಲೇ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿರುವುದರಿಂದ, ಯಾವುದೇ ಅನಿರೀಕ್ಷಿತ ಸಂದರ್ಭಗಳನ್ನು ಹೊರತುಪಡಿಸಿ ಕೃಷ್ಣ ಅವರಿಗೆ ತಕ್ಷಣವೇ ಅವಕಾಶ ಸಿಗುವ ಸಾಧ್ಯತೆಯಿಲ್ಲ.
ಇಲ್ಲಿಯವರೆಗೆ 17 ಏಕದಿನದ ಪಂದ್ಯಗಳಲ್ಲಿ, ಕೃಷ್ಣ ಅವರು 5.60 ರ ಎಕಾನಮಿ ದರದಲ್ಲಿ 29 ವಿಕೆಟ್ಗಳನ್ನು ಪಡೆದಿದ್ದಾರೆ. ಎರಡು ನಾಲ್ಕು-ವಿಕೆಟ್ಗಳ ಸಾಧನೆ ಮಾಡಿದ್ದಾರೆ. ಸೆಪ್ಟೆಂಬರ್ 27 ರಂದು ರಾಜ್ಕೋಟ್ನ SCA ಸ್ಟೇಡಿಯಂನಲ್ಲಿ ಭಾರತ ಮತ್ತು ಆಸ್ಟ್ರೇಲಿಯಾ ಮುಖಾಮುಖಿಯಾದಾಗ ಅವರು ಕೊನೆಯದಾಗಿ ಏಕದಿನದ ಪಂದ್ಯವನ್ನಾಡಿದರು.
ನಿಮ್ಮ ಕಾಮೆಂಟ್ ಬರೆಯಿರಿ