‘ಅಕ್ಷತೆ ಪೂಜೆ’ಯೊಂದಿಗೆ ಅಯೋಧ್ಯೆ ರಾಮಮಂದಿರ ಪ್ರತಿಷ್ಠಾಪನೆಯ ವಿಧಿವಿಧಾನಗಳು ಆರಂಭ

ಅಯೋಧ್ಯೆ : ಇಲ್ಲಿನ ರಾಮ ಮಂದಿರದ ಪ್ರತಿಷ್ಠಾಪನೆಯ ವಿಧಿವಿಧಾನಗಳು ಭಾನುವಾರ ‘ಅಕ್ಷತೆ ಪೂಜೆ’ಯೊಂದಿಗೆ ಆರಂಭಗೊಂಡವು.
‘ಅಕ್ಷತೆ ಪೂಜೆ’ಯನ್ನು ಮಂದಿರದಲ್ಲಿರುವ ‘ರಾಮ ದರ್ಬಾರ್’ ಅಥವಾ ಶ್ರೀರಾಮನ ಆಸ್ಥಾನದಲ್ಲಿ ಸುಮಾರು 100 ಕ್ವಿಂಟಾಲ್ ಧಾನ್ಯದ ಅಕ್ಕಿಯನ್ನು ಅರಿಶಿನ ಮತ್ತು ದೇಸಿ ತುಪ್ಪದೊಂದಿಗೆ ಬೆರೆಸಿ ಪೂಜಿಸಲಾಗುತ್ತಿದೆ ಎಂದು ಶ್ರೀ ರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್ ತಿಳಿಸಿದೆ.
ದೇಶದ 45 ಸಾಂಸ್ಥಿಕ ಪ್ರಾಂತ್ಯಗಳಿಂದ ಇಲ್ಲಿ ಸೇರಿರುವ ವಿಶ್ವ ಹಿಂದೂ ಪರಿಷತ್ (ವಿಎಚ್‌ಪಿ)ನ 90 ಪ್ರಮುಖ ಪದಾಧಿಕಾರಿಗಳಿಗೆ ಪೂಜಿಸಿದ ಅಕ್ಷತೆಯನ್ನು ವಿತರಿಸಲಾಗುತ್ತದೆ. ಈ ವಿಶ್ವ ಹಿಂದೂ ಪರಿಷತ್ ಸದಸ್ಯರು ಜನವರಿ 22 ರ ಮೊದಲು ರಾಷ್ಟ್ರದಾದ್ಯಂತ ಅಕ್ಕಿಯನ್ನು ವಿತರಿಸುತ್ತಾರೆ ಎಂದು ಟ್ರಸ್ಟ್ ತಿಳಿಸಿದೆ.