ನವದೆಹಲಿ: 45 ದಿನಗಳ ಕ್ರಿಕೆಟ್ ವಿಶ್ವಕಪ್ 2023 ಇಂದು ಭಾನುವಾರ ಮುಕ್ತಾಯಗೊಳ್ಳುತ್ತಿದೆ. ಭಾರತ ಮತ್ತು ಆಸ್ಟ್ರೇಲಿಯಾ ತಂಡಗಳು ಅಹಮದಾಬಾದ್‌ನಲ್ಲಿ ಫೈನಲ್‌ನಲ್ಲಿ ಸೆಣಸಲಿವೆ.
ಪಂದ್ಯಾವಳಿಯ ಲೀಗ್‌ ಹಂತದಲ್ಲಿ ಉಭಯ ತಂಡಗಳು ಅದ್ಭುತ ಪ್ರದರ್ಶನ ನೀಡಿದ್ದು, ಭಾರತ ಇದುವರೆಗಿನ ಎಲ್ಲ 10 ಪಂದ್ಯಗಳನ್ನೂ ಗೆದ್ದಿದೆ, ಆದರೆ ಆಸ್ಟ್ರೇಲಿಯಾ 10 ರಲ್ಲಿ 8ರಲ್ಲಿ ಗೆದ್ದಿದೆ. ಅಂತಾರರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ICC) ವಿಶ್ವಕಪ್ ವಿಜೇತರು ಮತ್ತು ರನ್ನರ್-ಅಪ್‌ಗಳಿಗೆ ದೊಡ್ಡ ಬಹುಮಾನದ ಹಣವನ್ನು ಸಹ ವಾಗ್ದಾನ ಮಾಡಿದೆ.
ಏಕದಿನ ವಿಶ್ವ ಕಪ್ 2023 ಅಭಿಯಾನವು ಪ್ರಾರಂಭವಾಗುವ ಮೊದಲು ಐಸಿಸಿ ಒಂದು ಹೇಳಿಕೆಯಲ್ಲಿ ಬಹುಮಾನದ ಮೊತ್ತವನ್ನು ಬಹಿರಂಗಪಡಿಸಿದೆ. ಅದರ ಪ್ರಕಾರ, ವಿಶ್ವಕಪ್ ವಿಜೇತರು USD 40 ಲಕ್ಷ (ಸುಮಾರು 33,31,67,000 ರೂ. ) ಮತ್ತು ರನ್ನರ್-ಅಪ್ USD 20 ಲಕ್ಷ (ಸುಮಾರು 16,65,83,500 ರೂ.) ಗಳಿಸುತ್ತಾರೆ.
ಪಂದ್ಯಾವಳಿಯು ಒಟ್ಟು USD 1 ಕೋಟಿ ಬಹುಮಾನ ಮೊತ್ತವನ್ನು ಹೊಂದಿದೆ. ಎರಡು ಫೈನಲಿಸ್ಟ್‌ಗಳನ್ನು ಹೊರತುಪಡಿಸಿ, 10 ತಂಡಗಳು ಪ್ರತಿ ಗುಂಪು ಹಂತದ ಗೆಲುವಿಗೆ USD 40,000 ಪಡೆಯುತ್ತವೆ.
“ತಮ್ಮ ಗುಂಪು ಹಂತದ ಪಂದ್ಯಗಳನ್ನು ಗೆದ್ದವರಿಗೂ ಬಹುಮಾನದ ಹಣವಿದೆ, ಪ್ರತಿ ಗೆಲುವಿಗಾಗಿ ತಂಡಗಳು USD 40,000 ಪಡೆಯುತ್ತವೆ. ಗುಂಪು ಹಂತದ ಕೊನೆಯಲ್ಲಿ, ನಾಕೌಟ್‌ಗಳನ್ನು ತಲುಪಲು ವಿಫಲವಾದ ತಂಡಗಳು ತಲಾ USD 1,00,000 ಪಡೆಯುತ್ತವೆ ಎಂದು ಐಸಿಸಿ (ICC) ಹೇಳಿದೆ.
ಹಂತ: ಪ್ರತಿ ಪಂದ್ಯಕ್ಕೆ USD | ಒಟ್ಟು USD
ವಿಜೇತರು: 4,000,000 | 4,000,000
ರನ್ನರ್-ಅಪ್: 2,000,000 | 2,000,000
ಸೋತ ಸೆಮಿ-ಫೈನಲಿಸ್ಟ್‌ಗಳು: 800,000 | 1,600,000
ಗುಂಪು ಹಂತದಲ್ಲಿ ಹೊರಬಿದ್ದ ತಂಡಗಳು 100,000 | 600,000
ಗುಂಪು ಹಂತದ ಪಂದ್ಯದ ವಿಜೇತರು (45): 40,000 | 1,800,000
ಒಟ್ಟು: | 10,000,000
ಕ್ರಿಕೆಟ್ ವಿಶ್ವಕಪ್ 2023 ರ ಫೈನಲ್ ಪಂದ್ಯವು ಅಹಮದಾಬಾದ್‌ನ 1,32,000 ಆಸನ ಸಾಮರ್ಥ್ಯದ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಇಂದು ಭಾನುವಾರ ನಡೆಯಲಿದೆ. ಇದು ಕೊನೆಯ ಎರಡು IPL ಫೈನಲ್‌ಗಳನ್ನು ಆಯೋಜಿಸಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ