ಅಹಮದಾಬಾದ್‌ : ಭಾನುವಾರ (ನವೆಂಬರ್ 19) ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ವಿಶ್ವಕಪ್ ಫೈನಲ್‌ ನಲ್ಲಿ ಭಾರತ ತಂಡವನ್ನು ಆರು ವಿಕೆಟ್‌ಗಳಿಂದ ಸೋಲಿಸುವ ಮೂಲಕ ಆಸ್ಟ್ರೇಲಿಯಾ ದಾಖಲೆಯ ಆರನೇ ವಿಶ್ವಕಪ್ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿತು.
ಆಸ್ಟ್ರೇಲಿಯಾದ ಆರಂಭಿಕ ಆಟಗಾರ ಟ್ರಾವಿಸ್ ಹೆಡ್ (120 ಎಸೆತಗಳಲ್ಲಿ 137) ಪಂದ್ಯದ ಆಟಗಾರ ಪ್ರಶಸ್ತಿಗೆ ಭಾಜನರಾದರು. ಅಂತಿಮ ಪಂದ್ಯದಲ್ಲಿ ಅರ್ಧ ಶತಕಗಳಿಸಿದ ವಿರಾಟಕ ಕೊಹ್ಲಿ ವಿಶ್ವಕಪ್ ಪಂದ್ಯಾವಳಿ ಆಟಗಾರ ಪ್ರಶಸ್ತಿಗೆ ಭಾಜನರಾದರು.
ಗೆಲ್ಲಲು 241 ರನ್‌ಗಳ ಸಾಧಾರಣ ಮೊತ್ತವನ್ನು ಬೆನ್ನಟ್ಟಿದ ಕಾಂಗರೂಗಳು ಡೇವಿಡ್ ವಾರ್ನರ್ (3 ಎಸೆತಗಳಲ್ಲಿ 7), ಮಿಚೆಲ್ ಮಾರ್ಷ್ (15 ಎಸೆತಗಳಲ್ಲಿ 15) ಮತ್ತು ಸ್ಟೀವನ್ ಸ್ಮಿತ್ (9 ಎಸೆತಗಳಲ್ಲಿ 4) ಔಟಾಗುವ ಮೂಲಕ ಆರಂಭದ ಏಳು ಓವರ್‌ಗಳಲ್ಲಿ ಆಘಾತ ಅನುಭವಿಸಿದರು. ಒಂದು ಹಂತದಲ್ಲಿ ತಂಡವು ಕೇವಲ 47 ರನ್ ಗಳಿಸುವಷ್ಟರಲ್ಲಿ ಮೂವರು ಅತ್ಯುತ್ತಮ ಬ್ಯಾಟರ್‌ ಗಳನ್ನು ಕಳೆದುಕೊಂಡಿತ್ತು.
ಹೊಸ ಚೆಂಡಿನೊಂದಿಗೆ ಬೌಲಿಂಗ್ ಮಾಡಲು ಮೊಹಮ್ಮದ್ ಶಮಿ ಅವರನ್ನು ಮೊಹಮ್ಮದ್ ಸಿರಾಜ್‌ಗಿಂತ ಮುಂಚೆ ತರುವ ಮೂಲಕ ಭಾರತದ ನಾಯಕ ರೋಹಿತ್ ಶರ್ಮಾ ಅವರು ತಂತ್ರ ಮಾಡಿದರು. ಅದು ಫಲ ನೀಡಿತು. ವಾರ್ನರ್ ಅವರು ಮೊದಲ ಸ್ಲಿಪ್‌ನಲ್ಲಿ ವಿರಾಟ್ ಕೊಹ್ಲಿಗೆ ಕ್ಯಾಚ್ ಇತ್ತು ನಿರ್ಗಮಿಸಿದರು. ಅವರನ್ನು ಮಾರ್ಷ್ ಅನುಸರಿಸಿದರು ಆದರೆ ಏಳನೇ ಓವರ್‌ನಲ್ಲಿ ಸ್ಮಿತ್ ಅವರನ್ನು ಕಳೆದುಕೊಂಡ ನಂತರ ಆಸ್ಟ್ರೇಲಿಯಾ ತೀವ್ರ ಹಿನ್ನಡೆ ಅನುಭವಿಸಿತು. ಮಾರ್ಷ್ ಹಾಗೂ ಸ್ಮಿತ್ ವಿಕೆಟ್ ಅನ್ನು ಬೂಮ್ರಾ ಪಡೆದರು. ಜಸ್‌ಪ್ರೀತ್ ಬುಮ್ರಾ ಅವರ ಬೌಲಿಂಗ್‌ನಲ್ಲಿ ಮಾರ್ಷ್ ವಿಕೆಟ್ ಕೀಪರ್‌ ಗೆ ಕ್ಯಾಚಿತ್ತು ಔಟಾದರೆ, ಸ್ಮಿತ್ ಎಲ್‌ಬಿ ಬಲೆಗೆ ಬಿದ್ದರು, ಭಾರತವು 47 ರನ್‌ಗಳಿಗೆ ಮೂರು ವಿಕೆಟ್‌ಗಳನ್ನು ಪಡೆಯುವ ಮೂಲಕ ಆಸ್ಟ್ರೇಲಿಯಾದ ವಿರುದ್ಧ ಮೇಲುಗೈ ಸಾಧಿಸಿತ್ತು. ಆದರೆ ಬ್ಯಾಟರ್‌ ಟ್ರಾವೆರ್‌ ಹೆಡ್ ಮತ್ತು ಮಾರ್ನಸ್ ಲ್ಯಾಬುಸ್ಚಾಗ್ನೆ ಅವರ ಅದ್ಭುತ ಬ್ಯಾಟಿಂಗ್‌ ನಿಂದ ಆಸ್ಟ್ರೇಲಿಯಾ ಗೆಲುವಿನ ದಡ ಸೇರಿತು.
ಲ್ಯಾಬುಸ್ಚಾಗ್ನೆ (110 ಎಸೆತಗಳಲ್ಲಿ 58*) ಮತ್ತು ಹೆಡ್ ಅವರು ಹೆಡ್ ಜೊತೆಗೆ ನಾಲ್ಕನೇ ವಿಕೆಟ್‌ಗೆ 192 ರನ್‌ಗಳ ಜೊತೆಯಾಟ ಆಡಿದರು. ಇದು ಭಾರತದ ಗೆಲುವಿನ ಆಸೆಗೆ ತಣ್ಣೀರೆರಚಿತು. ಆಸೀಸ್ ಜೋಡಿಯು ಲೆಕ್ಕಾಚಾರದ ಆಟವಾಡಿತು ಮತ್ತು ಭಾರತೀಯ ಬೌಲರ್‌ಗಳನ್ನು ಬೆರಗುಗೊಳಿಸುವಂತೆ ಮೈದಾನವನ್ನು ಎದುರಿಸಿತು. ಹೆಡ್ ಆಕ್ರಮಣಕಾರಿ ಆಟವಾಡಿದರೆ ಲ್ಯಾಬುಸ್ಚಾಗ್ನೆ ಟೆಸ್ಟ್‌ ಮಾದರಿಯ ಆಟವಾಡಿದರು. ಹೆಡ್ 11ನೇ ಏಕದಿನ ಪಂದ್ಯದ ಶತಕವನ್ನು ಗಳಿಸಿದರು. 43ನೇ ಓವರ್‌ನಲ್ಲಿ ಆಸೀಸ್ ನಿಗಿದತ ಮೊತ್ತವನ್ನು ಬೆನ್ನಟ್ಟಿ ಆರನೇ ಬಾರಿಗೆ ವಿಶ್ವ ಕಪ್‌ ಪ್ರಶಸ್ತಿ ಗೆದ್ದಿತು.
ಟಾಸ್‌ ಗೆದ್ದ ಆಸ್ಟ್ರೇಲಿಯಾದ ನಾಯಕ ಪ್ಯಾಟ್ ಕಮ್ಮಿನ್ಸ್ ಮೊದಲು ಫೀಲ್ಡಿಂಗ್ ಮಾಡಲು ನಿರ್ಧರಿಸಿದರು. ಭಾರತದ ಇನ್ನಿಂಗ್ಸ್‌ನ ಐದನೇ ಓವರ್‌ನಲ್ಲಿ ಶುಬ್‌ಮನ್ ಗಿಲ್ ಅವರನ್ನು ಔಟ್ ಮಾಡುವ ಮೂಲಕ ಮಿಚೆಲ್ ಸ್ಟಾರ್ಕ್ ಭಾರತಕ್ಕೆ ಮೊದಲ ಆಘಾತ ನೀಡಿದರು. ಗಿಲ್ ಔಟಾದ ಹೊರತಾಗಿಯೂ ರೋಹಿತ ವೇಗವಾಗಿ ಬ್ಯಾಟ್‌ ಮಾಡಿದರು, ಆದರೆ ಅರ್ಧ ಶತಕದ ಹೊಸ್ತಿಲಲ್ಲಿ ಎಡವಿದರು. ಗ್ಲೆನ್‌ ಮ್ಯಾಕ್‌ ಗ್ರಾಥ್‌ ಬೌಲಿಂಗ್‌ನಲ್ಲಿ ಭರ್ಜರಿ ಹೊಡೆತಕ್ಕೆ ಹೋಗಿ ಔಟಾದರು.
ರೋಹಿತ್ ಕೆಲವು ಗುಣಮಟ್ಟದ ಸ್ಟ್ರೋಕ್‌ಗಳನ್ನು ಹೊಡೆದರು. ರೋಹಿತ್ ಔಟಾದ ಬೆನ್ನಲ್ಲೇ ಶ್ರೇಯಸ್ ಅಯ್ಯರ್ ಸಹ ಔಟಾದರು. ಭಾರತ 10.2 ಓವರ್ ಗಳಲ್ಲಿ ಮೂರು ವಿಕೆಟ್ ನಷ್ಟಕ್ಕೆ 81 ರನ್ ಗಳಿಸಿ ತತ್ತರಿಸಿತು. ಅಯ್ಯರ್ ಅವರ ಔಟಾಗುವಿಕೆಯು ವಿರಾಟ್ ಕೊಹ್ಲಿ ಮತ್ತು ಕೆಎಲ್ ರಾಹುಲ್ ರಕ್ಷಣಾತ್ಮಕವಾಗಿ ಆಟವಾಡಿದರು. ವಿರಾಟ್ (63 ಎಸೆತಗಳಲ್ಲಿ 54) ಮತ್ತು ರಾಹುಲ್ (107 ಎಸೆತಗಳಲ್ಲಿ 66) ನಾಲ್ಕನೇ ವಿಕೆಟ್‌ಗೆ 67 ರನ್‌ಗಳ ಜೊತೆಯಾಟವನ್ನು ಸೇರಿಸಿದರು ಆದರೆ ಆಸೀಸ್ ಬೌಲರ್‌ಗಳ ದಾಳಿಯನ್ನು ಎದುರಿಸಲು ಸಾಧ್ಯವಾಗಲಿಲ್ಲ. ಆಸ್ಟ್ರೇಲಿಯಾಕ್ಕೆ 241 ರನ್‌ಗಳ ಗುರಿಯನ್ನು ನೀಡಿತು. ಇದಕ್ಕೆ ಉತ್ತರವಾಗಿ ಆಸ್ಟ್ರೇಲಿಯಾ ಟ್ರಾವಿಸ್ ಹೆಡ್ 120 ಎಸೆತಗಳಲ್ಲಿ 147 ರನ್ ಗಳಿಸುವುದರೊಂದಿಗೆ ಕೇವಲ 43 ಓವರ್‌ಗಳಲ್ಲಿ ಗುರಿ ತಲುಪಿತು.
ನಿಮ್ಮ ಕಾಮೆಂಟ್ ಬರೆಯಿರಿ