ರಷ್ಯಾ ಆಕ್ರಮಿತ ಕ್ರೈಮಿಯಾ ಬಳಿ ಉದ್ದೇಶಿತ ಕಾರ್ಯಾಚರಣೆಯಲ್ಲಿ ಕಪ್ಪು ಸಮುದ್ರದ ಫ್ಲೀಟ್‌ನಿಂದ ರಷ್ಯಾದ ಕ್ಷಿಪಣಿ ಬೋಟ್ ಅನ್ನು ನಾಶಪಡಿಸಿದ್ದೇವೆ ಎಂದು ಉಕ್ರೇನಿಯನ್ ಪಡೆಗಳು ಹೇಳಿಕೊಂಡಿವೆ.
ಇವನೊವೆಟ್ಸ್ ಎಂಬ ಸಣ್ಣ ಯುದ್ಧನೌಕೆ ಮೇಲೆ ರಾತ್ರಿಯಿಡೀ ” ನೇರ ದಾಳಿಗಳು ನಡೆಯಿತು. ನಂತರ ಅದು ಮುಳುಗಿತು ಎಂದು ಮಿಲಿಟರಿ ಗುಪ್ತಚರ ಹೇಳಿದೆ. ಉಕ್ರೇನಿಯನ್ ಪಡೆಗಳು ವೀಡಿಯೋ ತುಣುಕನ್ನು ಸಹ ಹಂಚಿಕೊಂಡಿವೆ, ಅದರಲ್ಲಿ ಬೋಟ್ ಭಾರಿ ಸ್ಫೋಟವಾಗಿರುವುದು ಕಂಡುಬರುತ್ತದೆ.
ಘಟನೆಯ ಬಗ್ಗೆ ರಷ್ಯಾದ ಅಧಿಕಾರಿಗಳು ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ ಎಂದು ಬಿಬಿಸಿ ವರದಿ ಮಾಡಿದೆ. ಏತನ್ಮಧ್ಯೆ, ನೌಕಾಪಡೆಯ ಡ್ರೋನ್‌ ದಾಳಿಗಳು ಮೂರು ಬಾರಿ ಅಪ್ಪಳಿಸಿದ ನಂತರ ದೋಣಿ ಮುಳುಗಿತು ಎಂದು ರಷ್ಯಾದ ಮಿಲಿಟರಿ ಬ್ಲಾಗರ್ “ವೊಂಕೋರ್ ಕೊಟೆನೊಕ್” ಟೆಲಿಗ್ರಾಮ್‌ನಲ್ಲಿ ಬರೆದಿದ್ದಾರೆ.
ಉಕ್ರೇನಿಯನ್ ವೀಡಿಯೊವು ಹಡಗಿನ ಮೇಲೆ ಹಲವಾರು ದಾಳಿಗಳನ್ನು ತೋರಿಸುತ್ತದೆ. ಇದನ್ನು ಪ್ರಾಜೆಕ್ಟ್ 12411 ಎಂದೂ ಕರೆಯುತ್ತಾರೆ. ಇವನೊವೆಟ್ಸ್ ಸಣ್ಣ ಯುದ್ಧ ನೌಕೆಯು ರಷ್ಯಾಕ್ಕೆ ಮತ್ತು ಇತರ ನೌಕಾಪಡೆಗಳು ಬಳಸುವ ಕ್ಷಿಪಣಿ ಬೋಟ್ ವರ್ಗಕ್ಕೆ ಸೇರಿದೆ.
ಉಕ್ರೇನ್‌ನ ಮುಖ್ಯ ಗುಪ್ತಚರ ನಿರ್ದೇಶನಾಲಯದ ಪ್ರಕಾರ, ಬೋಟ್ ಅನ್ನು ಅದರ ವಿಶೇಷ ಘಟಕ “ಗುಂಪು 13” ನ ಸದಸ್ಯರು ಲೇಕ್ ಡೊನುಜ್ಲಾವ್‌ನಲ್ಲಿ ನಾಶಪಡಿಸಿದೆ. ಈ ಉಪ್ಪುನೀರಿನ ಕೊಲ್ಲಿಯು ಕ್ರಿಮಿಯನ್ ಪರ್ಯಾಯ ದ್ವೀಪದ ಪಶ್ಚಿಮ ಭಾಗದಲ್ಲಿದೆ ಮತ್ತು ನೌಕಾ ನೆಲೆಯನ್ನು ಹೊಂದಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ