ಜಯಲಲಿತಾ ಜನ್ಮದಿನವನ್ನು ವಿಶಿಷ್ಟ ಶೈಲಿಯಲ್ಲಿ ಆಚರಿಸಿದ ಎಐಎಡಿಎಂಕೆ : ಅವರ ಎಐ ರಚಿತ ಧ್ವನಿ ಕ್ಲಿಪ್ ಬಿಡುಗಡೆ | ಆಲಿಸಿ

ಚೆನ್ನೈ: ಎಐಎಡಿಎಂಕೆಯು ಪಕ್ಷದ ದಿವಂಗತ ಮುಖ್ಯಸ್ಥೆ ಜೆ.ಜಯಲಲಿತಾ ಅವರ 76 ನೇ ಜನ್ಮದಿನದ ಸಂದರ್ಭದಲ್ಲಿ ಕೃತಕಬುದ್ಧಿಮತ್ತೆ-ರಚಿಸಿದ ಧ್ವನಿ ಕ್ಲಿಪ್ (AI-generated voice clip) ಅನ್ನು ಶನಿವಾರ ಬಿಡುಗಡೆ ಮಾಡಿದೆ.
ಇಂಡಿಯಾ ಟುಡೇ ವರದಿಯ ಪ್ರಕಾರ, ಎಐಎಡಿಎಂಕೆ ಪ್ರಧಾನ ಕಾರ್ಯದರ್ಶಿ ಎಡಪ್ಪಾಡಿ ಕೆ ಪಳನಿಸ್ವಾಮಿ ಸೇರಿದಂತೆ ಹಿರಿಯ ನಾಯಕರು ತಮಿಳುನಾಡು ಮಾಜಿ ಮುಖ್ಯಮಂತ್ರಿಗೆ ಶ್ರದ್ಧಾಂಜಲಿ ಸಲ್ಲಿಸಿದ ನಂತರ ಪಕ್ಷದ ಪ್ರಧಾನ ಕಚೇರಿಯಲ್ಲಿ ಜಯಲಲಿತಾ ಅವರ AI- ರಚಿತ ಧ್ವನಿಯನ್ನು ಕೇಳಿಸಲಾಯಿತು.
ಜಯಲಲಿತಾ ಅವರ ಮರಣದ ಏಳು ವರ್ಷಗಳ ನಂತರ ರಚಿಸಲಾದ ತಮಿಳು ಭಾಷೆಯಲ್ಲಿನ ಜಯಲಲಿತಾ ಅವರ ಧ್ವನಿಯ ಎಐ (AI) ಕ್ಲಿಪ್ ಪಕ್ಷದ ಸದಸ್ಯರನ್ನು ಉದ್ದೇಶಿಸಿ, “ಹಲೋ, ನಾನು ನಿಮ್ಮ ಜೆ. ಜಯಲಲಿತಾ ಮಾತನಾಡುತ್ತಿದ್ದೇನೆ. ನಿಮ್ಮೊಂದಿಗೆ ಮಾತನಾಡಲು ನನಗೆ ಅವಕಾಶ ನೀಡಿದ ಈ ತಂತ್ರಜ್ಞಾನಕ್ಕಾಗಿ ನಾನು ನನ್ನ ಕೃತಜ್ಞತೆಯನ್ನು ವ್ಯಕ್ತಪಡಿಸುತ್ತೇನೆ ಎಂದು ಹೇಳುತ್ತದೆ.

ನಮ್ಮ ಪಕ್ಷ ಹಲವು ಏಳುಬೀಳುಗಳನ್ನು ಕಂಡಿದೆ. ನಾವು ಅಧಿಕಾರದಲ್ಲಿದ್ದಾಗ ಮಹಿಳೆಯರು, ವಿದ್ಯಾರ್ಥಿನಿಯರಿಗೆ ಅನೇಕ ಕಲ್ಯಾಣ ಯೋಜನೆಗಳನ್ನು ಜಾರಿಗೆ ತಂದಿದ್ದೇವೆ ಎಂದು ಹೇಳುತ್ತದೆ.
ಎಐಎಡಿಎಂಕೆಯ ‘ಜನರ ಸರ್ಕಾರ’ ಪುನಃ ಅಧಿಕಾರಕ್ಕೆ ಬರುವುದಕ್ಕೆ ಖಾತ್ರಿಪಡಿಸಿಕೊಳ್ಳಲು ಮತ್ತು ಇಪಿಎಸ್‌ಗೆ ಬೆಂಬಲವನ್ನು ಗಳಿಸಲು ಪಕ್ಷದ ಜನರನ್ನು AI ಕ್ಲಿಪ್ ಕೋರುತ್ತದೆ.

ಪ್ರಮುಖ ಸುದ್ದಿ :-   ತಮಿಳುನಾಡು ಸಾರಾಯಿ ದುರಂತ: ಅಕ್ರಮ ಮದ್ಯ ಸೇವಿಸಿ 33 ಮಂದಿ ಸಾವು

ಈಗ, ಒಂದು ಕಡೆ, ನಮಗೆ ದ್ರೋಹ ಮಾಡುತ್ತಿರುವ ಕೇಂದ್ರ ಸರ್ಕಾರವಿದೆ ಮತ್ತು ಮತ್ತೊಂದೆಡೆ, ರಾಜ್ಯ ಸರ್ಕಾರವು ಭ್ರಷ್ಟ ಮತ್ತು ನಿಷ್ಪ್ರಯೋಜಕವಾಗಿದೆ. ನನ್ನ ಜನ್ಮದಿನದ ಸಂದರ್ಭದಲ್ಲಿ, ನಾನು ಎಐಎಡಿಎಂಕೆಯ ‘ಜನರ ಸರ್ಕಾರ’ ಮರಳಿ ಬರಬೇಕೆಂದು ನಿಮ್ಮನ್ನು ಕೇಳಿಕೊಳ್ಳುತ್ತೇನೆ. ನಮ್ಮ ಕಾರ್ಯಕರ್ತರು ನನ್ನ ಹಾದಿಯಲ್ಲಿ ನಿಲ್ಲಬೇಕು ಮತ್ತು ಸಹೋದರ ಎಡಪ್ಪಡ್ಡಿ ಕೆ ಪಳನಿಸ್ವಾಮಿ ಅವರ ಕೈಗಳನ್ನು ಬಲಪಡಿಸಬೇಕೆಂದು ನಾನು ವಿನಂತಿಸುತ್ತೇನೆ. ನಾವು ಜನರ ಕಾರಣ, ಮತ್ತು ನಾವು ಜನರಿಗಾಗಿ ಎಂದು ಎಐ ರಚಿತ ಜಯಲಲಿತಾ ಅವರ ಧ್ವನಿಯ ಕ್ಲಿಪ್‌ ಹೇಳುತ್ತದೆ.
ಓ ಪನ್ನೀರಸೆಲ್ವಂ (OPS) ಅವರನ್ನು ಹೊರಹಾಕಿದ ನಂತರ 2022 ರಲ್ಲಿ ಎಐಎಡಿಎಂಕೆ ಮುಖ್ಯಸ್ಥರಾಗಿ ಇಪಿಎಸ್ ಆಯ್ಕೆಯಾದರು, ಇದು ಪಕ್ಷದ ಹಿಂದಿನ ದ್ವಿ-ನಾಯಕತ್ವದ ಮಾದರಿಯನ್ನು ಕೊನೆಗೊಳಿಸಿತು.

ಪ್ರಮುಖ ಸುದ್ದಿ :-   ಅಬಕಾರಿ ನೀತಿ ಹಗರಣ: ದೆಹಲಿ ಸಿಎಂ ಅರವಿಂದ ಕೇಜ್ರಿವಾಲಗೆ ಜಾಮೀನು

0 / 5. 0

ಶೇರ್ ಮಾಡಿ :

ನಿಮ್ಮ ಕಾಮೆಂಟ್ ಬರೆಯಿರಿ

advertisement