ಪುರಾತತ್ತ್ವಜ್ಞರು ಪನಾಮದಲ್ಲಿ 1,200 ವರ್ಷಗಳಷ್ಟು ಹಳೆಯದಾದ ಸಮಾಧಿಯೊಂದನ್ನು ಪತ್ತೆಹಚ್ಚಿದ್ದಾರೆ, ಇದರಲ್ಲಿ ಚಿನ್ನದ ನಿಧಿಗಳು ಮತ್ತು ಮಾನವ ಅವಶೇಷಗಳು ಇವೆ ಎಂದು ದಿ ಮೆಟ್ರೋ ವರದಿ ಮಾಡಿದೆ.
ಪನಾಮ ನಗರದಿಂದ ಸುಮಾರು 110 ಮೈಲುಗಳಷ್ಟು ದೂರದಲ್ಲಿರುವ ಎಲ್ ಕ್ಯಾನೊ ಆರ್ಕಿಯಾಲಾಜಿಕಲ್ ಪಾರ್ಕ್‌ನಲ್ಲಿನ ಆವಿಷ್ಕಾರದಲ್ಲಿ ಚಿನ್ನದ ಶಾಲು, ಬೆಲ್ಟ್‌ಗಳು, ಆಭರಣಗಳು ಮತ್ತು ತಿಮಿಂಗಿಲ ಹಲ್ಲುಗಳಿಂದ ಅಲಂಕರಿಸಲ್ಪಟ್ಟ ಕಿವಿಯೋಲೆಗಳಂತಹ ಅಮೂಲ್ಯ ವಸ್ತುಗಳು ಕಂಡುಬಂದಿದೆ. ಸುದ್ದಿವಾಹಿನಿಯ ಪ್ರಕಾರ, ಕೋಕ್ಲ್ ಸಂಸ್ಕೃತಿಯ ಉನ್ನತ ಶ್ರೇಣಿಯ ಮುಖ್ಯಸ್ಥರೊಂದಿಗೆ ವಸ್ತುಗಳನ್ನು ಸಮಾಧಿ ಮಾಡಲಾಗಿದೆ ಎಂದು ಅಧಿಕಾರಿಗಳು ನಂಬುತ್ತಾರೆ. ಸಮಾಧಿಯಲ್ಲಿ ಕಂಡುಬಂದ ಇತರ ಕಲಾಕೃತಿಗಳಲ್ಲಿ ಕಡಗಗಳು, ಮಾನವ ಆಕೃತಿಯ ಕಿವಿಯೋಲೆಗಳು, ಮೊಸಳೆ ಕಿವಿಯೋಲೆ, ಗಂಟೆಗಳು, ನಾಯಿಯ ಹಲ್ಲುಗಳಿಂದ ಮಾಡಿದ ಸ್ಕರ್ಟ್, ಮೂಳೆ ಕೊಳಲುಗಳು ಮತ್ತು ಸೆರಾಮಿಕ್ ವಸ್ತುಗಳು ಸೇರಿವೆ.
ಸಮಾಧಿಯಲ್ಲಿ 32 ಜನರ ಅವಶೇಷಗಳು ಕಂಡುಬಂದಿವೆ, ಈ ಶವಗಳೆಲ್ಲವೂ ನರಬಲಿಯ ಪರಿಣಾಮ ಇರಬಹುದು ಎಂದು ಭಾವಿಸಲಾಗಿದೆ. ಕೋಕಲ್ ಸಂಸ್ಕೃತಿಯ ಮುಖ್ಯಸ್ಥನ ಸಾವಿನ ನಂತರದ ಆತನ ಜೀವನಕ್ಕೆ ಜತೆಗೂಡುವ ಸಲುವಾಗಿ ಇವರನ್ನು ಬಲಿ ನೀಡಿರುವ ಸಾಧ್ಯತೆ ಇದೆ ಎಂದು ಅಭಿಪ್ರಾಯಪಡಲಾಗಿದೆ. ಆದರೆ ನಿಜಕ್ಕೂ ಎಷ್ಟು ಜನರನ್ನು ಹೀಗೆ ಬಲಿಕೊಟ್ಟಿರಬಹುದು ಎಂಬುದನ್ನು ಪತ್ತೆ ಮಾಡಲು ಇನ್ನೂ ತನಿಖೆ ನಡೆಸಲಾಗುತ್ತಿದೆ.
ಸಮಾಧಿಯನ್ನು 750 AD ಯಲ್ಲಿ ಉನ್ನತ ಸ್ಥಾನಮಾನದ ಪುರುಷ ನಾಯಕನಿಗಾಗಿ ನಿರ್ಮಿಸಲಾಗಿದೆ ಎಂದು ನಂಬಲಾಗಿದೆ.
ಕೋಕಲ್ ಸಂಸ್ಕೃತಿಯ ಅತ್ಯುನ್ನತ ದರ್ಜೆಯ ಮುಖ್ಯಸ್ಥನ ಪಾರ್ಥಿವ ಶರೀರದೊಂದಿಗೆ ಈ ವಸ್ತುಗಳನ್ನು ಸಮಾಧಿಯಲ್ಲಿ ಹೂತುಹಾಕಿರಬಹುದು. ಆ ಕಾಲದಲ್ಲಿ ಗಣ್ಯರನ್ನು ಅವರ ಮಹಿಳಾ ಸಂಗಾತಿಯ ಮೇಲ್ಭಾಗದಲ್ಲಿ ಮುಖ ಕೆಳಗೆ ಮಾಡಿ ಹೂಳುವ ಸಂಸ್ಕೃತಿ ಇತ್ತು. ಇಲ್ಲಿ ಕೂಡ ಆ ಸಂಪ್ರದಾಯವನ್ನು ಅನುಸರಿಸಲಾಗಿದೆ ಎಂದು ದಿ ಮೆಟ್ರೋ ಸುದ್ದಿ ಮಾಧ್ಯಮ ವರದಿ ಮಾಡಿದೆ.
ಎಲ್ ಕ್ಯಾನೊದಲ್ಲಿ ಉತ್ಖನನಗಳು 2008 ರಿಂದ ನಡೆಯುತ್ತಿವೆ. ಸಮಾಧಿಯನ್ನು ಮಹತ್ವದ ಐತಿಹಾಸಿಕ ಮತ್ತು ಸಾಂಸ್ಕೃತಿಕ ಆವಿಷ್ಕಾರವೆಂದು ಪರಿಗಣಿಸಲಾಗಿದೆ, ಅಮೆರಿಕಾದಲ್ಲಿ ಯುರೋಪಿಯನ್ ಆಗಮನದ ಮೊದಲು ಸ್ಥಳೀಯ ಬುಡಕಟ್ಟುಗಳ ಜೀವನದ ಬಗ್ಗೆ ಬೆಳಕು ಚೆಲ್ಲುತ್ತವೆ ಎಂದು ಭಾವಿಸಲಾಗಿದೆ. ಸಮಾಧಿ ಸಂಕೀರ್ಣವನ್ನು ನೆಕ್ರೋಪೊಲಿಸ್ ಅಥವಾ ಸತ್ತವರ ನಗರ ಎಂದು ಕರೆಯಲಾಗುತ್ತದೆ, ಇದನ್ನು ಸುಮಾರು 700 AD ಯಲ್ಲಿ ನಿರ್ಮಿಸಲಾಯಿತು ಮತ್ತು 1000 AD ನಂತರ ಅವುಗಳು ಅನಾಥವಾದವು.
ನಿಮ್ಮ ಕಾಮೆಂಟ್ ಬರೆಯಿರಿ