ಸರ್ವರಿಗೂ ಕ್ರೋಧಿ ಸಂವತ್ಸರದ ಯುಗಾದಿಯ ಹಾರ್ದಿಕ ಶುಭಾಶಯಗಳು

ಮಯಾಂಕ ಯಾದವ್ 2 ವರ್ಷಗಳಿಂದ ಸಸ್ಯಾಹಾರಿಯಾಗಿದ್ದಾನೆ : ಐಪಿಎಲ್ 2024ರಲ್ಲಿ ಗಮನಸೆಳೆದ ಯುವ ವೇಗಿ ತಾಯಿಯ ಹೇಳಿಕೆ

ನವದೆಹಲಿ : ಲಕ್ನೋ ಸೂಪರ್ ಜೈಂಟ್ಸ್ (ಎಲ್‌ಎಸ್‌ಜಿ) ವೇಗಿ ಮಯಾಂಕ ಯಾದವ್ ತನ್ನ ವೇಗದ ಬೌಲಿಂಗ್‌ನಿಂದ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2024 ನಲ್ಲಿ ಗಮನ ಸೆಳೆದಿದ್ದಾರೆ. ಅವರ ಗಂಟೆಗೆ 150 ಕಿಮೀಗಿಂತಲೂ ಹೆಚ್ಚಿನ ವೇಗದ ಎಸೆತಗಳು ಎದುರಾಳಿ ಬ್ಯಾಟರ್‌ ಅನ್ನು ಕಂಗೆಡಿಸುತ್ತಿವೆ. ಅವರ ವೇಗದ ಬೌಲಿಂಗ್‌ ಲಕ್ನೋ ಸೂಪರ್ ಜೈಂಟ್ಸ್ ತಂಡಕ್ಕೆ T20 ಐಪಿಎಲ್ ಲೀಗ್‌ನಲ್ಲಿ ಕೆಲವು ಅದ್ಭುತ ವಿಜಯಗಳನ್ನು ಗಳಿಸಿವೆ. ಆದರೆ, ವೇಗಿಯ ವೇಗದ ಎಸೆತದ ಹಿಂದಿನ ರಹಸ್ಯವೇನು? ಯುವ ಸ್ಪೀಡ್‌ಸ್ಟರ್‌ನ ಆಹಾರ ಪದ್ಧತಿಯ ಬಗ್ಗೆ ಅವರ ತಾಯಿ ಮಮತಾ ಯಾದವ್ ಅವರು ಮಾತನಾಡಿದ್ದಾರೆ. ಕಳೆದ ಎರಡು ವರ್ಷಗಳಿಂದ ತನ್ನ ಮಗ ಸಸ್ಯಾಹಾರಿಯಾಗಿದ್ದಾನೆ ಎಂದು ಅವರು ಹೇಳಿದ್ದಾರೆ. ಆದರೆ ಮೊದಲು ನನ್ನ ಮಗ ಮಾಂಸಾಹಾರ ಸೇವಿಸುತ್ತಿದ್ದ. ಎರಡು ವರ್ಷಗಳಿಂದ ಸಂಪೂರ್ಣ ಸಸ್ಯಾಹಾರಿಯಾಗಿದ್ದಾನೆ ಎಂದು ತಾಯಿ ಹೇಳಿದ್ದಾರೆ.

“ಮಯಾಂಕ್ ಇತ್ತೀಚಿಗೆ ಸಸ್ಯಾಹಾರಿಯಾಗಿದ್ದಾನೆ. ಮೊದಲು ಅವರು ಮಾಂಸಾಹಾರಿ ಆಹಾರವನ್ನು ಸೇವಿಸುತ್ತಿದ್ದರು, ಅವರು ಕಳೆದ 2 ವರ್ಷಗಳಿಂದ ಸಸ್ಯಾಹಾರಿ ಆಹಾರವನ್ನು ಸೇವಿಸುತ್ತಿದ್ದಾನೆ. ಆತ ನಮ್ಮಿಂದ ಏನು ಆಹಾರ ಮಾಡಬೇಕೆಂದು ಕೇಳಿದರೂ, ಆತನ ಡಯಟ್ ಚಾರ್ಟ್ ಆಧರಿಸಿ, ನಾವು ಅವನಿಗೆ ತಯಾರಿಸುತ್ತೇವೆ. ಆತ ವಿಶೇಷವಾದದ್ದನ್ನು ಏನೂ ತಿನ್ನುವುದಿಲ್ಲ. ಆತ ದಾಲ್, ರೊಟ್ಟಿ, ಅನ್ನ, ಹಾಲು, ತರಕಾರಿಗಳು, ಇತ್ಯಾದಿ ತಿನ್ನುತ್ತಾನೆ” ಎಂದು ಮಯಾಂಕ ಅವರ ತಾಯಿ ಮಮತಾ ಆಜ್ ತಕ್ ಜೊತೆಗಿನ ಮಾತುಕತೆ ವೇಳೆ ಹೇಳಿದ್ದಾರೆ.
ಮಯಾಂಕ ಯಾದವ್‌ ಮಾಂಸಾಹಾರವನ್ನು ಏಕೆ ತ್ಯಜಿಸಿದ್ದಾನೆಂದು ಆತನ ತಾಯಿಗೆ ಸಂಪೂರ್ಣವಾಗಿ ತಿಳಿದಿಲ್ಲವಾದರೂ, ತನಗೆ ತಿಳಿದಿರುವ ಎರಡು ಕಾರಣಗಳಿವೆ ಎಂದು ಅವರು ಹೇಳಿದ್ದಾರೆ.

ಪ್ರಮುಖ ಸುದ್ದಿ :-   ವೀಡಿಯೊ | ಪೊಲೀಸರ "ನಿಷ್ಕ್ರಿಯತೆ"ಗೆ ಹತಾಶೆಗೊಂಡು ಠಾಣೆಗೆ ಬಂದು ಪೊಲೀಸ್ ಅಧಿಕಾರಿಗೆ 'ಆರತಿ' ಮಾಡಿದ ದಂಪತಿ..!. ಆದರೆ...

ಮೊದಲ ಕಾರಣವೆಂದರೆ ಆತನಿಗೆ ಶ್ರೀಕೃಷ್ಣನಲ್ಲಿರುವ ಅಚಲವಾದ ನಂಬಿಕೆ, ಮತ್ತು ಎರಡನೆಯದಾಗಿ ಮಾಂಸಾಹಾರವು ತನ್ನ ದೇಹಕ್ಕೆ ಸರಿಹೊಂದುವುದಿಲ್ಲ ಎಂದು ಆತ ಭಾವಿಸಿದ್ದಾನೆ. ಆದರೆ ನಾವು ಯಾಕೆ ಎಂದು ಹೇಳುವಂತೆ ಒತ್ತಾಯಿಸಲಿಲ್ಲ ಎಂದು ಅವರು ಹೇಳಿದರು.
ಮಾತುಕತೆ ಸಮಯದಲ್ಲಿ, ಮಮತಾ ತನ್ನ ಮಗ ಶೀಘ್ರದಲ್ಲೇ ಭಾರತ ತಂಡಕ್ಕೆ ಆಯ್ಕೆಯಾಗುವುದನ್ನು ಮತ್ತು ಆತ ಅಂತಾರಾಷ್ಟ್ರೀಯ ಪಂದ್ಯ ಆಡುವುದನ್ನು ನೋಡುವ ಭರವಸೆಯಲ್ಲಿದ್ದೇನೆ ಎಂದು ತಾಯಿ ಹೇಳಿದ್ದಾರೆ.
ಪಂಜಾಬ್‌ನ ಬಾಗ್‌ನಲ್ಲಿ ನೆಲೆಸಿರುವ ಮಯಾಂಕ್ ಅವರು ಮಾರ್ಚ್ 30 ರ ಶನಿವಾರ ಪಂಜಾಬ್ ಕಿಂಗ್ಸ್ (PBKS) ಹಾಗೂ ಲಕ್ನೋ ಸೂಪರ್ ಜೈಂಟ್ಸ್ (LSG) ತಮ್ಮ ಚೊಚ್ಚಲ ಪಂದ್ಯದಲ್ಲಿ 155.6 KM/H ವೇಗದಲ್ಲಿ ಬೌಲ್ ಮಾಡಿದರು. ಇದು ಋತುವಿನ ವೇಗದ ಬೌಲ್ ಆಗಿತ್ತು.
ಐಪಿಎಲ್‌ನ ಆರಂಭಿಕ ಹಂತದಲ್ಲಿ ಮಯಾಂಕ ಅವರ ಪ್ರದರ್ಶನವನ್ನು ನೋಡಿದ ಅನೇಕ ಮಾಜಿ ಕ್ರಿಕೆಟಿಗರು ಅವರನ್ನು ಭಾರತ ತಂಡಕ್ಕೆ ವೇಗವಾಗಿ ಟ್ರ್ಯಾಕ್ ಮಾಡುವಂತೆ ಕೇಳಿಕೊಂಡಿದ್ದಾರೆ. ಜೂನ್‌ನಲ್ಲಿ ಪ್ರಾರಂಭವಾಗುವ 2024 ರ T20 ವಿಶ್ವಕಪ್‌ನಲ್ಲಿ ಭಾರತಕ್ಕಾಗಿ ಆಡಲು ಅವಕಾಶ ನೀಡಬೇಕು ಎಂದು ಕೆಲವರು ಮಯಾಂಕ ಅವರನ್ನು ಬೆಂಬಲಿಸಿದ್ದಾರೆ.

ಪ್ರಮುಖ ಸುದ್ದಿ :-   ವಿಜಯವಾಡ : ರೋಡ್ ಶೋ ವೇಳೆ ಕಲ್ಲೆಸೆತ ; ಆಂಧ್ರ ಸಿಎಂ ಜಗನ್ ಮೋಹನ್ ರೆಡ್ಡಿಗೆ ಗಾಯ

5 / 5. 1

ಶೇರ್ ಮಾಡಿ :

ನಿಮ್ಮ ಕಾಮೆಂಟ್ ಬರೆಯಿರಿ

advertisement