ರಾತ್ರಿಯ ಸಮಯದಲ್ಲಿ ಎರಡು ಸಿಂಹಗಳು ಮತ್ತು ಎರಡು ಸಾಕು ನಾಯಿಗಳು ಮುಖಾಮುಖಿಯಾದ ವೀಡಿಯೊವೊಂದು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ. ಮನೆಯ ಒಂದು ಗೇಟ್ ಮಾತ್ರ ಅವುಗಳ ಮಧ್ಯೆ ಬೇರ್ಪಟ್ಟಿದೆ. ಸಿಂಹಗಳು ಆಕ್ರಮಣ ಮಾಡುವುದನ್ನು ಕೈಬಿಟ್ಟು ಅಲ್ಲಿಂದ ಹೊರಡುವ ಮೊದಲು ಒಂದು ನಿಮಿಷ ಘರ್ಷಣೆಗಳು ನಡೆದವು.
ಸಿಸಿಟಿವಿ ಕ್ಯಾಮೆರಾದಲ್ಲಿ ದಾಖಲಾದ ದೃಶ್ಯಾವಳಿಯು ಗುಜರಾತಿನ ಅಮ್ರೇಲಿ ಜಿಲ್ಲೆಯ ಸಾವರ್ಕುಂಡ್ಲಾ್‌ ಪ್ರದೇಶದ್ದಾಗಿದೆ. ಇದು ಭಾರತದಲ್ಲಿನ ಏಷ್ಯಾಟಿಕ್ ಸಿಂಹದ ಏಕೈಕ ವಾಸಸ್ಥಾನವಾಗಿರುವ ಗಿರ್ ರಾಷ್ಟ್ರೀಯ ಉದ್ಯಾನವನದಿಂದ ಸುಮಾರು 76 ಕಿಮೀ ದೂರದಲ್ಲಿದೆ.
ವೀಡಿಯೊದಲ್ಲಿ, ನಾಯಿಯೊಂದು ಇದ್ದಕ್ಕಿದ್ದಂತೆ ಗೇಟ್‌ನ ಇನ್ನೊಂದು ಬದಿಯ ಚೌಕಟ್ಟಿನೊಳಗೆ ನುಗ್ಗಿದಾಗ ಹೊರಗಿನಿಂದ ಸಿಂಹವೊಂದು ಗೇಟ್‌ನ ಕಡೆಗೆ ಬರುತ್ತಿರುವುದು ಕಾಣುತ್ತದೆ. ಮತ್ತೊಂದು ನಾಯಿಯ ಆಗಮನವೂ ಆಗುತ್ತದೆ. ಕೆಲವು ಸೆಕೆಂಡುಗಳ ಕಾಲ ಇಬ್ಬರೂ ಒಬ್ಬರಿಗೊಬ್ಬರು ಗುರಿಯಾಗಿಸಕೊಂಡು ಕೂಗುತ್ತಾರೆ.
ಇದ್ದಕ್ಕಿದ್ದಂತೆ, ಮತ್ತೊಂದು ಸಿಂಹದ ಆಗಮನವಾಗುತ್ತದೆ. ಅದು ಗೇಟಿಗೆ ತಮ್ಮ ಪಂಜಗಳಿಂದ ನಿರಂತರವಾಗಿ ಬಡಿಯುತ್ತದೆ. ಸಿಂಹಗಳಲ್ಲಿ ಒಂದು ಆಕ್ರಮಣಕಾರಿಯಾದ ನಂತರ ಗೇಟಿಗೆ ಪಂಜಾಗಳಿಂದ ಬಲವಾಗಿ ಬಡಿದಾಗ ಸ್ವಲ್ಪ ತೆರೆದುಕೊಳ್ಳುತ್ತದೆ ಮತ್ತು ಆಗ ನಾಯಿಗಳು ಹೆಸರು ಅಲ್ಲಿಂದ ಹಿಂದೆ ಸರಿಯುತ್ತವೆ. ಆ ವೇಳೆ ಯಾವುದೋ ಚಲನೆಗಳನ್ನು ಗ್ರಹಿಸಿದ ಸಿಂಹಗಳು ಹತ್ತಿರದ ಪೊದೆಯೊಳಗೆ ಹೋಗಿ ಕಣ್ಮರೆಯಾಗುತ್ತವೆ.
ನಾಯಿಗಳಲ್ಲೊಂದು ನಂತರ ಹಿಂತಿರುಗಿ ಹೊರಗೆ ಹೆಜ್ಜೆ ಹಾಕುತ್ತದೆ, ಜೊತೆಗೆ ಟಾರ್ಚ್‌ಲೈಟ್ ಅನ್ನು ಹಿಡಿದ ಕಾವಲುಗಾರ ಆಗಮಿಸುತ್ತಾನೆ. ಕಾವಲುಗಾರನು ಹೋಗಿ ಹೊರಗೆ ಹೋಗಿ ಏನಾಗಿದೆ ಎಂದು ಪರಿಶೀಲಿಸುತ್ತಾನೆ, ಒಳಗೆ ಹಿಂತಿರುಗುತ್ತಾನೆ ಮತ್ತು ಗೇಟ್ ಅನ್ನು ಹಾಕುತ್ತಾನೆ.
ಗಿರ್ ರಾಷ್ಟ್ರೀಯ ಉದ್ಯಾನವನ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಿಂದ ಈ ಹಿಂದೆಯೂ ಇಂತಹ ಕೆಲವು ಘಟನೆಗಳು ವರದಿಯಾಗಿವೆ.
ಮಾನವನ ಅತ್ಯುತ್ತಮ ನಂಬಿಗಸ್ಥ ಪ್ರಾಣಿಯಾದ ನಾಯಿ ತನ್ನ ಪ್ರದೇಶವನ್ನು ಬಲವಾಗಿ ರಕ್ಷಿಸಿಕೊಳ್ಳುತ್ತದೆ. ಸಿಂಹಗಳು ಸಹ ಹೆಚ್ಚು ಪ್ರಾದೇಶಿಕ ಪ್ರಾಣಿಗಳಾಗಿವೆ ಮತ್ತು ದೀರ್ಘಕಾಲದವರೆಗೆ ಅದೇ ಪ್ರದೇಶವನ್ನು ಆಕ್ರಮಿಸಿಕೊಳ್ಳುತ್ತವೆ. 2020 ರ ಜನಗಣತಿಯ ಪ್ರಕಾರ ಗುಜರಾತ್‌ ರಾಜ್ಯವು 674 ಏಷ್ಯಾಟಿಕ್ ಸಿಂಹಗಳನ್ನು ಹೊಂದಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ