ಕೋಪಗೊಂಡ ಓಲಾ ಎಲೆಕ್ಟ್ರಿಕ್ ಗ್ರಾಹಕರೊಬ್ಬರು ಕಂಪನಿಯ ಶೋರೂಂ ಮುಂದೆಯೇ ಸುತ್ತಿಗೆಯಿಂದ ಬಡಿದು ತನ್ನ ಓಲಾ ಸ್ಕೂಟರ್ ಅನ್ನು ಒಡೆದು ಹಾಕಿದ ಘಟನೆಯ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.
ವಾಹನವನ್ನು ಖರೀದಿಸಿದ ಕೇವಲ ಒಂದು ತಿಂಗಳ ನಂತರ ಸೇವಾ ಕೇಂದ್ರವು ನೀಡಿದ 90,000 ರೂ.ಗಳ ಬೃಹತ್ ಬಿಲ್ ನೋಡಿ ಹತಾಶೆಯಿಂದ ವ್ಯಕ್ತಿಯ ಆಕ್ರೋಶವು ಸ್ಪೋಟಗೊಂಡಿದೆ ಎಂದು ವರದಿಯಾಗಿದೆ.
ಇ-ಸ್ಕೂಟರ್ ರಿಪೇರಿಗೆ ಓಲಾ ಶೋ ರೂಮ್‌ 90 ಸಾವಿರ ಬಿಲ್ ಮಾಡಿದ್ದು, ದುಬಾರಿ ಬಿಲ್ ನೋಡಿ ಸಿಟ್ಟಿಗೆದ್ದ ಬಿಳಿ ಟಿ-ಶರ್ಟ್ ಮತ್ತು ನೀಲಿ ಜೀನ್ಸ್ ಧರಿಸಿದ್ದ ವ್ಯಕ್ತಿ, ಶೋರೂಂ ಮುಂದೆ ನೆಲದ ಮೇಲೆ ಮಲಗಿದ್ದ ಸ್ಕೂಟರ್ ಅನ್ನು ಪದೇ ಪದೇ ಸುತ್ತಿಗೆಯಿಂದ ಬಡಿದು ಒಡೆದು ಹಾಕುತ್ತಿರುವುದನ್ನು ಕ್ಲಿಪ್ ತೋರಿಸುತ್ತದೆ.
ಇತರರು ಆತನೊಂದಿಗೆ ಸೇರಿಕೊಂಡಾಗ ಕೋಪವು ಸ್ಪಷ್ಟವಾಗಿ ಕಂಡುಬರುತ್ತದೆ, ದ್ವಿಚಕ್ರ ವಾಹನವನ್ನು ಒಡೆದು ಹಾಕಲು ಸರದಿಯಂತೆ ಒಬ್ಬೊಬ್ಬರಾಗಿ ಸುತ್ತಿಗೆಯಿಂದ ಅದಕ್ಕೆ ಹೊಡೆದಿದ್ದಾರೆ.
ವೀಡಿಯೊವನ್ನು ರೆಕಾರ್ಡ್ ಮಾಡುತ್ತಿರುವ ವ್ಯಕ್ತಿಯು ಹಿಂದಿನ ಕಥೆಯನ್ನು ಹೇಳುವುದನ್ನು ಕೇಳಬಹುದು: “ಇಸ್ಸ್ ಗ್ರಾಹಕ ಕೋ ಓಲಾ ಇ-ಸ್ಕೂಟಿ ಲಿಯೇ ಏಕ್ ಮಹಿನಾ ಹುವಾ ಥಾ ಔರ್ ಸರ್ವೀಸ್ ಸೆಂಟರ್ ವಾಲೋ ನೆ 90,000 ರುಪಯ್ಯಾ ಕಾ ಬಿಲ್ ಪಕ್ಡಾ ದಿಯಾ [ಈ ಗ್ರಾಹಕರು ಒಂದು ತಿಂಗಳ ಹಿಂದೆ ಓಲಾ ಎಲೆಕ್ಟ್ರಿಕ್ ಸ್ಕೂಟರ್ ಖರೀದಿಸಿದ್ದರು, ಮತ್ತು ಸೇವಾ ಕೇಂದ್ರವು 90,000 ರೂ.ಗಳ ಬಿಲ್ ನೀಡಿತು. ಹತಾಶೆಯಿಂದ ಶೋರೂಂ ಮುಂದೆ ಸ್ಕೂಟರ್ ಒಡೆದು ಹಾಕಿದ್ದಾರೆ].”
ಗಮನಾರ್ಹವೆಂದರೆ, ಅಸಮರ್ಪಕ ಮಾರಾಟದ ನಂತರದ ಸೇವೆಗಳಿಗಾಗಿ ಓಲಾ ಎಲೆಕ್ಟ್ರಿಕ್ ಮತ್ತು ಅದರ ಸಿಇಒ ಭವೀಶ ಅಗರ್ವಾಲ್ ಅವರನ್ನು ಟೀಕಿಸಿದ ಹಾಸ್ಯನಟ ಕುನಾಲ್ ಕಮ್ರಾ ಸುದ್ದಿಯಾಗಿದ್ದರು. ಈ ಟೀಕೆಗಳ ನೆರಳಿನಲ್ಲೇ ಈ ಘಟನೆ ಬಂದಿದೆ. ವೈರಲ್ ವೀಡಿಯೊಗೆ ಓಲಾ ಎಲೆಕ್ಟ್ರಿಕ್ ಇನ್ನೂ ಪ್ರತಿಕ್ರಿಯಿಸಿಲ್ಲ.
ಕೆಲ ತಿಂಗಳುಗಳ ಹಿಂದೆಯಷ್ಟೆ ಓಲಾ ಎಲೆಕ್ಟ್ರಿಕ್ ಗಾಡಿಯಿಂದ ಬೇಸತ್ತಾ ಗ್ರಾಹಕನೊಬ್ಬ ಸಿಟ್ಟಿನಿಂದ ಓಲಾ ಇ-ಸ್ಕೂಟರ್ ಶೋರೂಮ್‌ಗೆ ಬೆಂಕಿ ಹಚ್ಚಿದ್ದ ಸುದ್ದಿಯೊಂದು ಭಾರೀ ವೈರಲ್ ಆಗಿತ್ತು.
ನಿಮ್ಮ ಕಾಮೆಂಟ್ ಬರೆಯಿರಿ