ಉಕ್ರೇನಿಯನ್ ಡ್ರೋನ್‌ಗಳು ರಷ್ಯಾದಲ್ಲಿನ ಬಹುಮಹಡಿ ಕಟ್ಟಡಗಳ ಮೇಲೆ ದಾಳಿ ನಡೆಸಿವೆ. ಇದು 2001 ರಲ್ಲಿ ಅಮೆರಿಕದ ನ್ಯೂಯಾರ್ಕ್‌ನ ವಿಶ್ವ ವಾಣಿಜ್ಯ ಕೇಂದ್ರದ ಅವಳಿ ಗೋಪುರಗಳನ್ನು ವಿಮಾನಗಳು ಢಿಕ್ಕಿ ಹೊಡೆಸಿದ 9/11 ದಾಳಿಯ ಹೋಲಿಕೆಯಂತೆ ಕಾಣುತ್ತದೆ.
X ನಲ್ಲಿ ಹಂಚಿಕೊಳ್ಳಲಾದ ಪರಿಶೀಲಿಸದ ವೀಡಿಯೊಗಳಲ್ಲಿ, ಮಾಸ್ಕೋದಿಂದ ಪೂರ್ವಕ್ಕೆ ಸುಮಾರು 500 ಮೈಲಿಗಳು (800 ಕಿಮೀ) ನಗರವಾದ ಕಜಾನ್‌ನಲ್ಲಿರುವ ಎರಡು ಗಗನಚುಂಬಿ ಕಟ್ಟಡಗಳಿಗೆ ವೈಮಾನಿಕ ವಸ್ತುಗಳು ಹಾರುತ್ತಿರುವುದನ್ನು ನೋಡಬಹುದು. ದಾಳಿಗೊಳಗಾದ ಎತ್ತರದ ಬಹುಮಹಡಿ ಕಟ್ಟಡಗಳು ವಸತಿ ಸಂಕೀರ್ಣಗಳು ಎಂದು ನಂಬಲಾಗಿದೆ. ಕಟ್ಟಡದ ಮೇಲೆ ದ್ರೋಣ್ಗಳು ದಾಳಿ ಮಾಡಿದಾಗ ಬಿಟ್ಟ ಬೃಹತ್ ಬೆಂಕಿಯ ಉಂಡೆಗಳು ಕಂಡುಬಂದವು.
ವರದಿಗಳ ಪ್ರಕಾರ, ಕಟ್ಟಡದ ಎಲ್ಲಾ ನಿವಾಸಿಗಳನ್ನು ಸುರಕ್ಷಿತವಾಗಿ ಸ್ಥಳಾಂತರಿಸಲಾಗಿದೆ ಮತ್ತು ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ. ರಷ್ಯಾದ ಮಾಧ್ಯಮಗಳ ಪ್ರಕಾರ, ಸೈರನ್‌ ಹೊಡೆಯಲಾಯಿತು ಮತ್ತು ನಗರದ ವಿಮಾನ ನಿಲ್ದಾಣವು ವಿಮಾನಗಳ ಆಗಮನ ಮತ್ತು ನಿರ್ಗಮನವನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಿತು. ಟಾಟರ್ಸ್ತಾನ್ ಗಣರಾಜ್ಯದ ರಾಜಧಾನಿಯಾದ ಕಜಾನ್ 13 ಲಕ್ಷಕ್ಕಿಂತಲೂ ಹೆಚ್ಚು ಜನಸಂಖ್ಯೆಯನ್ನು ಹೊಂದಿದೆ.
ಶನಿವಾರ ಬೆಳಿಗ್ಗೆ 7:40 ರಿಂದ 9:20 (0440 ಮತ್ತು 0620 GMT) ನಡುವೆ ಅನೇಕ ಬಾರಿ ಡ್ರೋನ್‌ಗಳಿಂದ ನಗರದ ಮೇಲೆ ದಾಳಿ ನಡೆಸಲಾಗಿದೆ ಎಂದು ರಷ್ಯಾದ ರಕ್ಷಣಾ ಸಚಿವಾಲಯ ತಿಳಿಸಿದೆ. ಆರು ಡ್ರೋನ್‌ಗಳನ್ನು ಹೊಡೆದುರುಳಿಸಲಾಗಿದೆ ಅಥವಾ ನಾಶಪಡಿಸಲಾಗಿದೆ ಎಂದು ಅದು ಹೇಳಿದೆ. ಆದರೆ ಎಷ್ಟು ದ್ರೋಣ್ಗಳು ಕಾರ್ಯಾಚರಣೆಯಲ್ಲಿದ್ದವು ಎಂಬ ಬಗ್ಗೆ ಹೇಳಿಲ್ಲ.
ಮುನ್ನೆಚ್ಚರಿಕೆಯಾಗಿ ಟಾರ್ಟಾರ್ಸ್ತಾನ್‌ನಲ್ಲಿ ಎಲ್ಲಾ ಪ್ರಮುಖ ಸಾರ್ವಜನಿಕ ಕಾರ್ಯಕ್ರಮಗಳನ್ನು ರದ್ದುಗೊಳಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಕಜಾನ್‌ನ ಈ ದಾಳಿಯು ಅಮೆರಿಕದ ಮಾರಣಾಂತಿಕ 9/11 ದಾಳಿಯಂತೆ ಕಾಣುತ್ತದೆ. ಅಮೆರಿಕದ ಅಪಹರಿಸಲಾಗಿದ್ದ ವಿಮಾನಗಳು ನ್ಯೂಯಾರ್ಕ್‌ನ ವಿಶ್ವ ವಾಣಿಜ್ಯ ಕೇಂದ್ರದ ಅವಳಿ ಗೋಪುರಗಳ ಮೇಲೆ 9/11 ನಡೆದ ದಾಳಿಯಲ್ಲಿ ಸುಮಾರು 3,000 ಜನರು ಸಾವಿಗೀಡಾಗಿದ್ದರು. ಮತ್ತು ವಾಷಿಂಗ್ಟನ್‌ನ ಪೆಂಟಗನ್‌ಗೆ ನುಗ್ಗಿ, ಪೆನ್ಸಿಲ್ವೇನಿಯಾ ಮೈದಾನದಲ್ಲಿ ಮತ್ತೊಂದು ಪತನಗೊಂಡ ನಂತರ ಕೊಲ್ಲಲ್ಪಟ್ಟರು.
ನವೆಂಬರ್ ಅಂತ್ಯದಲ್ಲಿ, ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಟ್ರಂಪ್ ಅವರೊಂದಿಗೆ ಉಕ್ರೇನ್‌ನಲ್ಲಿ ಕದನ ವಿರಾಮ ಒಪ್ಪಂದದ ಬಗ್ಗೆ ಚರ್ಚಿಸಲು ಮುಕ್ತರಾಗಿದ್ದಾರೆ ಮತ್ತು ಸಂಘರ್ಷವನ್ನು ನಿಲ್ಲಿಸಲು ಒಪ್ಪಿಕೊಳ್ಳಬಹುದು ಎಂದು ರಾಯಿಟರ್ಸ್ ವರದಿ ಮಾಡಿದೆ. ರಷ್ಯಾದ ಪಡೆಗಳು ಉಕ್ರೇನ್‌ನ ಸುಮಾರು 20 ಪ್ರತಿಶತದಷ್ಟು ಭೂಪ್ರದೇಶವನ್ನು ನಿಯಂತ್ರಿಸುತ್ತವೆ ಮತ್ತು ಇತ್ತೀಚಿನ ದಿನಗಳಲ್ಲಿ ಅತ್ಯಂತ ವೇಗದಲ್ಲಿ ಮುನ್ನಡೆಯುತ್ತಿವೆ.
ಫೆಬ್ರವರಿ 2022 ರಲ್ಲಿ ರಷ್ಯಾ ಉಕ್ರೇನ್ ಅನ್ನು ಆಕ್ರಮಿಸಿತು. ಯುದ್ಧವು ಹತ್ತಾರು ಸಾವಿರ ಜನರನ್ನು ಬಲಿ ತೆಗೆದುಕೊಂಡಿದೆ, ಲಕ್ಷಾಂತರ ಜನರನ್ನು ಸ್ಥಳಾಂತರಿಸಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ