ಬೆಂಗಳೂರು: ಸಾಫ್ಟ್‌ವೇರ್ ಸಲಹೆಗಾರ, ಅವರ ಪತ್ನಿ ಮತ್ತು ಅವರ ಇಬ್ಬರು ಮಕ್ಕಳು ಸೇರಿದಂತೆ ನಾಲ್ವರ ಕುಟುಂಬವು ಬೆಂಗಳೂರಿನ ತಮ್ಮ ಬಾಡಿಗೆ ಮನೆಯಲ್ಲಿ ಶವವಾಗಿ ಪತ್ತೆಯಾಗಿದೆ. ಪ್ರಕರಣವನ್ನು ಕೊಲೆ-ಆತ್ಮಹತ್ಯೆ ಎಂದು ಶಂಕಿಸಿ ತನಿಖೆ ನಡೆಸಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಮೃತರನ್ನು ಅನೂಪಕುಮಾರ (38), ಅವರ ಪತ್ನಿ ರಾಖಿ (35), ಅವರ 5 ವರ್ಷದ ಮಗಳು ಅನುಪ್ರಿಯಾ ಮತ್ತು ಅವರ 2 ವರ್ಷದ ಮಗ ಪ್ರಿಯಾಂಶ ಎಂದು ಗುರುತಿಸಲಾಗಿದೆ. ಖಾಸಗಿ ಸಂಸ್ಥೆಯಲ್ಲಿ ಸಾಫ್ಟ್‌ವೇರ್ ಸಲಹೆಗಾರರಾಗಿ ಅನೂಪಕುಮಾರ ಅವರ ಕೆಲಸ ಮಾಡುತ್ತಿದ್ದುದರಿಂದ ಉತ್ತರ ಪ್ರದೇಶದ ಪ್ರಯಾಗರಾಜದ ಕುಟುಂಬವು ಬೆಂಗಳೂರಿನಲ್ಲಿ ನೆಲೆಸಿತ್ತು.
ಸೋಮವಾರ ಬೆಳಗ್ಗೆ ಮನೆ ಕೆಲಸದವರು ಕೆಲಸಕ್ಕೆ ಆಗಮಿಸಿದ್ದರು. ಕುಟುಂಬವನ್ನು ಸಂಪರ್ಕಿಸಲು ಪದೇ ಪದೇ ಪ್ರಯತ್ನಿಸಿದರೂ ಯಾವುದೇ ಉತ್ತರ ಬಾರದ ಕಾರಣಕಾರಣ, ಮನೆಯವರು ನೆರೆಹೊರೆಯವರಿಗೆ ವಿಷಯ ತಿಳಿಸಿದ್ದಾರೆ. ನಂತರ ಪೊಲೀಸರಿಗೆ ಮಾಹಿತಿ ನೀಡಿದರು. ಪೊಲೀಸರು ಮನೆಯೊಳಗೆ ಪ್ರವೇಶಿಸಿದಾಗ ದಂಪತಿ ಮತ್ತು ಅವರ ಮಕ್ಕಳ ಶವವಾಗಿ ಪತ್ತೆಯಾಗಿದ್ದಾರೆ.
ಅನೂಪ ಮತ್ತು ರಾಖಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಳ್ಳುವ ಮೊದಲು ತಮ್ಮ ಮಕ್ಕಳಿಗೆ ವಿಷವುಣಿಸಿದ್ದರು ಎಂದು ಪ್ರಾಥಮಿಕ ತನಿಖೆಯಿಂದ ತಿಳಿದುಬಂದಿದೆ ಎಂದು ವರದಿಯಾಗಿದೆ. ತಮ್ಮ ಹಿರಿಯ ಮಗುವಿನ ಆರೋಗ್ಯ ಸ್ಥಿತಿಯಿಂದಾಗಿ ದಂಪತಿ ನೊಂದಿದ್ದರು. ಅನುಪ್ರಿಯಾ ವಿಶೇಷ ಅಗತ್ಯವಿರುವ ಮಗುವಾಗಿದ್ದು, ಹೀಗಾಗಿ ಪೋಷಕರು ಒತ್ತಡದಲ್ಲಿದ್ದರು ಎಂದು ಅವರ ಮನೆಯ ಸಹಾಯಕತ ಹೇಳಿಕೆಗಳು ತಿಳಿಸಿವೆ.
ಇಂದು, ಸೋಮವಾರ ಬೆಳಗ್ಗೆ 11 ಗಂಟೆಗೆ ಪಾಂಡಿಚೇರಿಗೆ ಹೋಗಲಿದ್ದೇವೆ. ಬೇಗ ಕೆಲಸಕ್ಕೆ ಬನ್ನು ಎಂದು ಕೆಲಸದವರಿಗೆ ಅನೂಪ್ ಹೇಳಿದ್ದರು. ಹೀಗಾಗಿ ಬೆಳಗ್ಗಿಯೇ ಕೆಲಸವರು ಮನೆಗೆ ಬಂದಿದ್ದಾರೆ. ಭಾನುವಾರ ಸಹ ಪ್ಯಾಕಿಂಗ್ ಮಾಡಲು ಕೆಲಸದವರನ್ನು ಕರೆಸಿಕೊಂಡಿದ್ದರು.
ದಂಪತಿ ಸಂತೋಷವಾಗಿದ್ದಂತೆ ಕಾಣುತ್ತಿದ್ದರು ಮತ್ತು ಪಾಂಡಿಚೇರಿಗೆ ಭೇಟಿ ನೀಡುವ ಯೋಜನೆಯನ್ನೂ ಸಹ ಮಾಡಿದ್ದರು. ಭಾನುವಾರ ಪ್ಯಾಕಿಂಗ್ ಪೂರ್ಣಗೊಂಡಿತ್ತು ಎಂದು ಮನೆಯ ಸಹಾಯಕರನ್ನು ಉಲ್ಲೇಖಿಸಿ ಪೊಲೀಸರು ತಿಳಿಸಿದ್ದಾರೆ. ಕುಟುಂಬವು ಮೂರು ವ್ಯಕ್ತಿಗಳನ್ನು ನೇಮಿಸಿಕೊಂಡಿದೆ, ಇಬ್ಬರು ಅಡುಗೆಯವರು ಮತ್ತು ಮಕ್ಕಳಿಗೆ ಒಬ್ಬ ಆರೈಕೆದಾರರು ಸೇರಿದಂತೆ, ಪ್ರತಿಯೊಬ್ಬರೂ ತಿಂಗಳಿಗೆ 15,000 ರೂ.ಸಂಬಂ ನೀಡುತ್ತಿತ್ತು.
ಘಟನಾ ಸ್ಥಳದಲ್ಲಿ ಇದುವರೆಗೆ ಯಾವುದೇ ಆತ್ಮಹತ್ಯೆ ಪತ್ರ ಪತ್ತೆಯಾಗಿಲ್ಲ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ