ಪಶ್ಚಿಮ ಆಸ್ಟ್ರೇಲಿಯಾದ ಕರಾವಳಿಯಲ್ಲಿ 18 ಮೀಟರ್ ಉದ್ದದ ಬೃಹತ್‌ ಪಿಗ್ಮಿ ನೀಲಿ ತಿಮಿಂಗಿಲದ ಮೇಲೆ 60 ಕ್ಕೂ ಹೆಚ್ಚು ಓರ್ಕಾ(ಕಿಲ್ಲರ್‌ ವೇಲ್ಸ್‌)ಗಳ ಗುಂಪೊಂದು ದಾಳಿ ಮಾಡಿ ಕೊಲ್ಲುತ್ತಿರುವುದು ಕಂಡುಬಂದಿದೆ. ಇದು ಈ ರೀತಿ ಬೃಹತ್‌ ಪಿಗ್ಮಿ ನೀಲಿ ತಿಮಿಂಗಿಲದ ಮೇಲೆ ಓರ್ಕಾ(ಕಿಲ್ಲರ್‌ ವೇಲ್ಸ್‌)ಗಳು ದಾಳಿ ಮಾಡಿ ಕೊಂದು ಹಾಕಿದ ನಾಲ್ಕನೇ ದಾಖಲಿತ ನಿದರ್ಶನ ಎಂದು ವಿವರಿಸಲಾಗಿದೆ.
ಏಪ್ರಿಲ್ 7ರಂದು ಪಶ್ಚಿಮ ಆಸ್ಟ್ರೇಲಿಯಾದ ಬ್ರೆಮರ್ ಕೊಲ್ಲಿಯ ಕರಾವಳಿಯಲ್ಲಿರುವ ಸಮುದ್ರ ಉದ್ಯಾನವನವಾದ ಬ್ರೆಮರ್ ಕ್ಯಾನ್ಯನ್‌ನಲ್ಲಿ ಈ ನಾಟಕೀಯ ಘಟನೆ ಸಂಭವಿಸಿದ್ದು, ಸಾಗರದಲ್ಲಿ ಹತ್ತಿರದ ತಿಮಿಂಗಿಲ ವೀಕ್ಷಣೆ ಮಾಡುತ್ತಿದ್ದ ಪ್ರವಾಸಿಗರು ಈ ಘಟನೆಯನ್ನು ವೀಡಿಯೊ ಮಾಡಿದ್ದಾರೆ.
ಪಿಗ್ಮಿ ನೀಲಿ ತಿಮಿಂಗಿಲವನ್ನು ಅಳಿವಿನಂಚಿನಲ್ಲಿರುವ ಪ್ರಾಣಿ ಎಂದು ಪಟ್ಟಿ ಮಾಡಲಾಗಿದೆ ಮತ್ತು ಇದು ಭೂಮಿಯ ಮೇಲಿನ ಅತಿದೊಡ್ಡ ಪ್ರಾಣಿಯಾದ ನೀಲಿ ತಿಮಿಂಗಿಲದ ಸಣ್ಣ ಉಪಜಾತಿಯಾಗಿದೆ. ಎಬಿಸಿಯಲ್ಲಿನ ವರದಿಯ ಪ್ರಕಾರ, ಕೊಲೆಗಾರ ತಿಮಿಂಗಿಲ (killer whales)ಗಳು ಪಿಗ್ಮಿ ತಿಮಿಂಗಿಲವನ್ನು ಬೆನ್ನಟ್ಟಿ ಅದು ದಣಿದ ನಂತರ ಅದನ್ನು ಕೊಂದು ಹಾಕಿದವು. ಒಂದು ಹಂತದಲ್ಲಿ, ತಪ್ಪಿಸಿಕೊಳ್ಳಲು ಹೆಣಗಾಡಿದ ಒಂಟಿ ತಿಮಿಂಗಿಲದ ಮೇಲೆ 30 ಕ್ಕೂ ಹೆಚ್ಚು ಓರ್ಕಾಗಳು ಒಮ್ಮೆಲೇ ದಾಳಿ ಮಾಡಿವೆ.
“ಇಲ್ಲಿ ಓರ್ಕಾಗಳು ನೀಲಿ ತಿಮಿಂಗಿಲವನ್ನು ಬೇಟೆಯಾಡುತ್ತಿರುವ ನಾಲ್ಕನೇ ದಾಖಲಿತ ನಿದರ್ಶನ ಇದು ಎಂದು ವೀಡಿಯೊ ಹಂಚಿಕೊಂಡ ನ್ಯಾಚುರಲ್‌ ಚಾರ್ಟರ್ಸ್‌ ಹೇಳಿದೆ.
ಓರ್ಕಾಗಳು ತಿಮಿಂಗಲ ಶಾರ್ಕ್‌ಗಳನ್ನೂ ಕೊಲ್ಲುತ್ತವೆ…
ಕಳೆದ ವರ್ಷ ನವೆಂಬರ್‌ನಲ್ಲಿ, ಓರ್ಕಾಗಳು 40 ಅಡಿಗಳವರೆಗೆ ಬೆಳೆಯುವ ವಿಶ್ವದ ಅತಿದೊಡ್ಡ ಶಾರ್ಕ್ ಪ್ರಭೇದವಾದ ತಿಮಿಂಗಿಲ ಶಾರ್ಕ್(whale sharks)ಗಳನ್ನು ಬೇಟೆಯಾಡಿವೆ ಎಂಬುದಕ್ಕೆ ವಿಜ್ಞಾನಿಗಳು ಪುರಾವೆಗಳನ್ನು ದಾಖಲಿಸಿದ್ದಾರೆ. ಓರ್ಕಾ ಪಾಡ್, ಒಂದು ನವೀನ ಮತ್ತು ಕುತಂತ್ರದ ತಂತ್ರವನ್ನು ಬಳಸಿಕೊಂಡು, ಮೆಕ್ಸಿಕೋದ ಕರಾವಳಿಯ ಪೆಸಿಫಿಕ್ ಮಹಾಸಾಗರದಲ್ಲಿ ತಿಮಿಂಗಿಲ ಶಾರ್ಕ್‌ಗಳನ್ನು ಬೇಟೆಯಾಡಿ ಕೊಲ್ಲುತ್ತಿರುವುದು ಕಂಡುಬಂದಿದೆ ಎಂದು ಹೇಳಿದೆ.
2018 ಮತ್ತು 2024 ರ ನಡುವೆ ಸಂಗ್ರಹಿಸಲಾದ ಮಾಧ್ಯಮ ದೃಶ್ಯಗಳನ್ನು ಸಂಗ್ರಹಿಸಿ ವಿಶ್ಲೇಷಿಸಿದ ನಂತರ, ಓರ್ಕಾಗಳು ತಿಮಿಂಗಿಲ ಶಾರ್ಕ್‌ಗಳನ್ನು ಕೊಲ್ಲಲು ಗುಂಪು ಬೇಟೆಯ ತಂತ್ರವನ್ನು ಪ್ರದರ್ಶಿಸಿವೆ ಎಂದು ವಿಜ್ಞಾನಿಗಳು ಕಂಡುಕೊಂಡಿದ್ದಾರೆ. ಓರ್ಕಾಗಳು ಅಥವಾ ನೀಲಿ ತಿಮಿಂಗಲಗಳು ಗುಂಪಾಗಿ ದಾಳಿ ಮಾಡಿ ತಿಮಿಂಗಿಲ ಶಾರ್ಕ್‌ಗಳನ್ನು ಹೆಚ್ಚಿನ ವೇಗದಲ್ಲಿ ಹೊಡೆದು ಅದಕ್ಕೆ ರಕ್ತಸ್ರಾವವಾಗುವಂತೆ ಮಾಡಿ ಕೊಲ್ಲುತ್ತವೆ ಎಂದು ವಿಜ್ಞಾನಿಗಳು ಕಂಡುಕೊಂಡಿದ್ದಾರೆ.
ಓರ್ಕಾಗಳು ಮತ್ತು ಅವುಗಳ ಆಹಾರ ಪದ್ಧತಿ
ಜನಪ್ರಿಯ ನಂಬಿಕೆಗೆ ವಿರುದ್ಧವಾಗಿ, ಓರ್ಕಾಗಳು ಡಾಲ್ಫಿನ್‌ ಪ್ರಭೇದಗಳಲ್ಲಿ ದೊಡ್ಡದಾಗಿದ್ದು, ಅವುಗಳ ವಿಶಿಷ್ಟ ಕಪ್ಪು-ಬಿಳುಪು ಮೈಬಣ್ಣದಿಂದ ತಕ್ಷಣ ಗುರುತಿಸಲ್ಪಡುತ್ತವೆ. ಅವು ವೈವಿಧ್ಯಮಯ ಆಹಾರವನ್ನು ಹೊಂದಿರುತ್ತವೆ – ಹೆಚ್ಚಾಗಿ ಮೀನು, ಪೆಂಗ್ವಿನ್‌ಗಳು ಮತ್ತು ಸಮುದ್ರ ಸಿಂಹಗಳನ್ನು ಬೇಟೆಯಾಡುತ್ತವೆ.
ಅವುಗಳ ನಡವಳಿಕೆಯು ತೋಳದ ಪ್ಯಾಕ್‌ನಂತೆಯೇ ಇರುತ್ತದೆ. ಏಕೆಂದರೆ ಮಾರಕ ದಾಳಿ ಮಾಡುವ ಅವುಗಳ ಗುಂಪು 40 ಒರ್ಕಾಗಳನ್ನು ಒಳಗೊಂಡಿರಬಹುದು. ಅವೆಲ್ಲವೂ ಪರಿಣಾಮಕಾರಿ, ಒಂದಕ್ಕೊಂದು ಪೂರಕವಾದ ಬೇಟೆಯ ತಂತ್ರಗಳನ್ನು ಬಳಸುತ್ತವೆ, ಇದು ಅವುಗಳನ್ನು ನೀರಿನ ಒಳಗಿನ ಮಾರಕ ಜೀವಿಗಳಲ್ಲಿ ಒಂದು ಎಂದು ಪರಿಗಣಿಸಲಾಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ