ನವದೆಹಲಿ: ಭಾರತೀಯ ಜೀವ ವಿಮಾ ನಿಗಮ (LIC) ಒಂದೇ ದಿನದಲ್ಲಿ ಅತಿ ಹೆಚ್ಚು ಜೀವ ವಿಮಾ ಪಾಲಿಸಿಗಳನ್ನು ಮಾರಾಟ ಮಾಡುವ ಮೂಲಕ ಗಿನ್ನೆಸ್ ವಿಶ್ವ ದಾಖಲೆಯನ್ನು ನಿರ್ಮಿಸಿದೆ. ಈ ಸಾಧನೆಯನ್ನು ಜನವರಿ 20, 2025 ರಂದು ಎಲ್‌ಐಸಿ (LIC)ಯ ಯ ಏಜೆನ್ಸಿ ನೆಟ್‌ವರ್ಕ್ 24 ಗಂಟೆಗಳ ಒಳಗೆ ದಾಖಲೆಯ 5,88,107 ಪಾಲಿಸಿಗಳನ್ನು ಬಿಡುಗಡೆ ಮಾಡಿತು.
ಶನಿವಾರ ಎಲ್‌ಐಸಿ ಬಿಡುಗಡೆ ಮಾಡಿದ ಹೇಳಿಕೆಯ ಪ್ರಕಾರ, ಭಾರತದಾದ್ಯಂತ 4,52,839 ಏಜೆಂಟ್‌ಗಳು ಈ ಗಮನಾರ್ಹ ಮೈಲಿಗಲ್ಲನ್ನು ಸಾಧಿಸಿದ್ದಾರೆ. ಈ ಪ್ರಯತ್ನವನ್ನು ಗಿನ್ನೆಸ್ ವಿಶ್ವ ದಾಖಲೆ ಅಧಿಕೃತವಾಗಿ ಗುರುತಿಸಿದೆ ಹಾಗೂ ಇದು ಜೀವ ವಿಮಾ ವಲಯಕ್ಕೆ ಏಜೆಂಟ್ ಉತ್ಪಾದಕತೆಯಲ್ಲಿ ಹೊಸ ಜಾಗತಿಕ ಮಾನದಂಡವಾಗಿದೆ.
“ಈ ಮನ್ನಣೆಯು ನಮ್ಮ ಏಜೆಂಟ್‌ಗಳ ನಿರಂತರ ಸಮರ್ಪಣೆ, ಕೌಶಲ್ಯ ಮತ್ತು ದಣಿವರಿಯದ ಕೆಲಸದ ಪ್ರಬಲ ಮೌಲ್ಯೀಕರಣವಾಗಿದೆ” ಎಂದು ನಿಗಮವು ಹೇಳಿದೆ. ದೇಶಾದ್ಯಂತ ವ್ಯಕ್ತಿಗಳು ಮತ್ತು ಕುಟುಂಬಗಳಿಗೆ ಆರ್ಥಿಕ ರಕ್ಷಣೆ ನೀಡುವ ಎಲ್‌ಐಸಿಯ ಧ್ಯೇಯವನ್ನು ಸಹ ಇದು ಪುನರುಚ್ಚರಿಸಿದೆ ಎಂದು ಅದು ತಿಳಿಸಿದೆ. ದಾಖಲೆ ನಿರ್ಮಿಸುವ ಕಾರ್ಯಕ್ರಮವು ಎಲ್‌ಐಸಿ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ (CEO) ಸಿದ್ಧಾರ್ಥ ಮೊಹಂತಿ ನೇತೃತ್ವದ ‘ಮ್ಯಾಡ್ ಮಿಲಿಯನ್ ಡೇ’ (Mad Million Day) ಎಂಬ ವಿಶೇಷ ಅಭಿಯಾನದ ಭಾಗವಾಗಿತ್ತು. ಈ ಅಭಿಯಾನವು ಪ್ರತಿಯೊಬ್ಬ ಏಜೆಂಟ್ ನಿಗದಿತ ದಿನದಂದು ಕನಿಷ್ಠ ಒಂದು ಪಾಲಿಸಿಯನ್ನು ಪೂರ್ಣಗೊಳಿಸಲು ಪ್ರೋತ್ಸಾಹಿಸಿತು.
ಪಾಲಿಸಿದಾರರು, ಏಜೆಂಟರು ಮತ್ತು ಉದ್ಯೋಗಿಗಳಿಗೆ ಧನ್ಯವಾದ ಹೇಳಿದ ಮೊಹಾಂತಿ, “ಈ ದಾಖಲೆ ಕೇವಲ ಸಂಖ್ಯೆಯಲ್ಲ – ಇದು ಜೀವಗಳಿಗೆ ವಿಮೆ ಮಾಡುವ ಮತ್ತು ಭವಿಷ್ಯವನ್ನು ಸುರಕ್ಷಿತಗೊಳಿಸುವ ನಮ್ಮ ಹಂಚಿಕೆಯ ಬದ್ಧತೆಯ ಪ್ರತಿಬಿಂಬವಾಗಿದೆ” ಎಂದು ಹೇಳಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ