ನವದೆಹಲಿ: ಇಪ್ಸೋಸ್ ಇಂಡಿಯಾ ಬಸ್‌ (Ipsos IndiaBus) ಪಿಎಂ ಅನುಮೋದನೆ ರೇಟಿಂಗ್ ಪ್ರಕಾರ, ಭಾರತದ ಸಾರ್ವತ್ರಿಕ ಚುನಾವಣೆಗಳಲ್ಲಿ ನಿರೀಕ್ಷೆಗಿಂತ ಕಡಿಮೆ ಸ್ಥಾನಗಳನ್ನು ಪಡೆದುಕೊಂಡ ನಂತರವೂ, ಪ್ರಧಾನಿ ನರೇಂದ್ರ ಮೋದಿಯವರ ಅನುಮೋದನೆಯ ರೇಟಿಂಗ್ ಆಗಸ್ಟ್ 2024 ರಲ್ಲಿ 70%ರಷ್ಟಿತ್ತು ಹಾಗೂ ಅದು ಮೇ 2024ರಿಂದ ಬದಲಾಗದೆ ಉಳಿದಿದೆ.
ಪ್ರಧಾನಿ ಮೋದಿಯವರ ರೇಟಿಂಗ್‌ಗಳು ಉತ್ತರ ವಲಯದಲ್ಲಿ (ಶೇ 89) ಮತ್ತು ಪಶ್ಚಿಮ ವಲಯದಲ್ಲಿ (ಶೇ 77), ದಕ್ಷಿಣ ವಲಯದಲ್ಲಿ (ಶೇ 35) ಕಡಿಮೆ ರೇಟಿಂಗ್‌ಗಳನ್ನು ಹೊಂದಿದೆ ಎಂದು ಇಪ್ಸೋಸ್ ಸಮೀಕ್ಷೆ ಎತ್ತಿ ತೋರಿಸಿದೆ. ಹೆಚ್ಚಿನವರು ಅವರ ಕಾರ್ಯಕ್ಷಮತೆಗಾಗಿ ರೇಟಿಂಗ್‌ಗಳನ್ನು ನೀಡಿದ್ದಾರೆ . ಇದರಲ್ಲಿ ಪುರುಷರು (70 ಪ್ರತಿಶತ), ಮಹಿಳೆಯರು (70 ಪ್ರತಿಶತ), 18 ವರ್ಷದಿಂದ 45 ವರ್ಷಗಳು ಮತ್ತು ವಿಶಾಲ ವಯಸ್ಸಿನ ಬ್ಯಾಂಡ್‌ಗಳಲ್ಲಿ, ಅವರ ಕಾರ್ಯಕ್ಷಮತೆಯು ಸರಾಸರಿ 70%ರಷ್ಟನ್ನು ಹೊಂದಿದೆ.
ಇತ್ತೀಚಿನ ಪೇಪರ್ ಸೋರಿಕೆ ವಿವಾದಗಳ ನಡುವೆಯೂ ಮೋದಿ ಅವರ ಕಾರ್ಯಕ್ಷಮತೆಯ ಮೇಲೆ ವಿದ್ಯಾರ್ಥಿಗಳು (ಶೇ. 75), ಉದ್ಯೋಗಿ- ಅರೆಕಾಲಿಕ/ಪೂರ್ಣ ಸಮಯ (ಶೇ. 72), ಕಡಿಮೆ ಶಿಕ್ಷಣ ಇರುವವರು (ಶೇ.72), ಶ್ರೇಣಿ 3 (ಶೇ 70), ಉನ್ನತ ಶಿಕ್ಷಣ (ಶೇ 68), ಶ್ರೇಣಿ 2 (ಶೇ 67) ಇತ್ಯಾದಿ ರೇಟಿಂಗ್ ನೀಡಿದ್ದಾರೆ ಎಂದು ಸಮೀಕ್ಷೆ ತೋರಿಸಿದೆ.
ಇತ್ತೀಚಿನ ತಿಂಗಳುಗಳಲ್ಲಿ, ಪೇಪರ್ ಸೋರಿಕೆಯಂತಹ ಹಲವಾರು ಸಮಸ್ಯೆಗಳಿಗೆ ದೇಶದ ವಿದ್ಯಾರ್ಥಿಗಳು ಸಾಕ್ಷಿಯಾಗಿದ್ದಾರೆ. ಈ ಹಿಂದೆ, ಹಲವು ನೀಟ್ (NEET) ಆಕಾಂಕ್ಷಿಗಳು ಪ್ರಶ್ನೆ ಪತ್ರಿಕೆ ಸೋರಿಕೆ, ಪರಿಹಾರದ ಅಂಕಗಳನ್ನು ನೀಡುವುದು ಮತ್ತು ಪರೀಕ್ಷೆಯಲ್ಲಿನ ಪ್ರಶ್ನೆಗಳಲ್ಲಿ ವೈಪರೀತ್ಯಗಳ ಬಗ್ಗೆ ಪ್ರಸ್ತಾಪಿಸಿದ್ದಾರೆ.
ಸಮೀಕ್ಷೆಯ ವರದಿಯ ಪ್ರಕಾರ, ಪ್ರಧಾನಿ ಮೋದಿಯವರಿಗೆ ಸ್ವಯಂ ಉದ್ಯೋಗಿ (ಶೇ. 58) ಮತ್ತು ಮೆಟ್ರೋ (ಶೇ. 61) ನಿವಾಸಿಗಳು ಕಡಿಮೆ ರೇಟಿಂಗ್ ನೀಡಿದ್ದಾರೆ. “ಪ್ರಮುಖ ವಿಷಯಗಳಲ್ಲಿ ಮೋದಿ 3.0 ಸರ್ಕಾರದ ಕಾರ್ಯಕ್ಷಮತೆಯ ಬಗ್ಗೆ, ಇದು ಮಿಶ್ರ ಫಲಿತಾಂಶವಾಗಿದೆ ಮತ್ತು ಕಾರ್ಯಕ್ಷಮತೆಯನ್ನು ಅಳೆಯಲು ಸುಮಾರು ಎರಡು ತಿಂಗಳ ಹಿಂದೆ ಅಧಿಕಾರ ವಹಿಸಿಕೊಂಡ ಮೋದಿ 3.0 ಸರ್ಕಾರಕ್ಕೆ ಇದು ಆರಂಭಿಕ ದಿನಗಳು ಎಂದೇ ಹೇಳಬಹುದು ಎಂದು ಸಿಎಸ್‌ ಆರ್‌ (CSR) ಮತ್ತು ಇಎಸ್‌ಜಿ(ESG), ಇಪ್ಸೋಸ್ ಇಂಡಿಯಾ (Ipsos India) ಗ್ರೂಪ್ ನ ಪಾರಿಜಾತ ಚಕ್ರವರ್ತಿ ಹೇಳಿದ್ದಾರೆ.
ವಿವಿಧ ಪ್ರಮುಖ ಕ್ಷೇತ್ರಗಳಲ್ಲಿ ಮೋದಿ 3.0 ಪ್ರದರ್ಶನವು ಮಿಶ್ರ ಅಭಿಪ್ರಾಯಗಳನ್ನು ಗಳಿಸಿದೆ. 65 ರಷ್ಟು ಜನರು ಶಿಕ್ಷಣ ವ್ಯವಸ್ಥೆಯಲ್ಲಿ ಸರ್ಕಾರದ ನಿರ್ವಹಣೆಯನ್ನು ಅನುಮೋದಿಸಿದ್ದಾರೆ, ಆದರೆ ಶೇಕಡಾ 19 ರಷ್ಟು ಜನರು ಅನುಮೋದಿಸಿಲ್ಲ ಅಥವಾ ನಿರಾಕರಿಸಿಲ್ಲ ಮತ್ತು ಶೇಕಡಾ 15 ರಷ್ಟು ಜನರು ಅಸಮ್ಮತಿ ಸೂಚಿಸಿದ್ದಾರೆ. ಇದಕ್ಕೆ ವ್ಯತಿರಿಕ್ತವಾಗಿ, ನೈರ್ಮಲ್ಯ ಮತ್ತು ಶುಚಿತ್ವದಲ್ಲಿ ಸರ್ಕಾರದ ಪ್ರಯತ್ನಗಳು ಹೆಚ್ಚು ನೀರಸ ಪ್ರತಿಕ್ರಿಯೆಯನ್ನು ಪಡೆದಿವೆ, 49%ರಷ್ಟು ಜನರು ಅನುಮೋದಿಸಿದ್ದಾರೆ, 27% ತಟಸ್ಥ ಮತ್ತು 21% ಜನರು ನಿರಾಕರಿಸಿದ್ದಾರೆ.
ಗಮನಾರ್ಹವಾಗಿ, ಹೆಲ್ತ್‌ಕೇರ್ ವ್ಯವಸ್ಥೆಯು 43%ರಷ್ಟು ಸ್ವಲ್ಪ ಕಡಿಮೆ ಅನುಮೋದನೆಯ ರೇಟಿಂಗ್ ಪಡೆದಿದೆ. ಇದರಲ್ಲಿ 28% ತಟಸ್ಥ ನಿಲುವು ಮತ್ತು 25%ರಷ್ಟು ಜನರು ತಮ್ಮ ಅಸಮ್ಮತಿ ಸೂಚಿಸಿದ್ದಾರೆ.
ಮೋದಿ 3.0 ಸರ್ಕಾರದ ಕಾರ್ಯಕ್ಷಮತೆಯ ಕುರಿತು ಮಾತನಾಡಿದ ಪಾರಿಜಾತ ಚಕ್ರವರ್ತಿ, “ಪ್ರಧಾನಿ ಮೋದಿ ಮತ್ತು ಅವರ ಸರ್ಕಾರದ ಕಾರ್ಯಕ್ಷಮತೆಯ ಬಗ್ಗೆ ರೇಟ್ ಮಾಡಲು ಇದು ಸ್ವಲ್ಪ ಮೊದಲಾಯಿತು., ಆದರೆ,ಕೇಂದ್ರದಲ್ಲಿ ಸಮ್ಮಿಶ್ರ ಸರ್ಕಾರದ ಹೊರತಾಗಿಯೂ, ಪ್ರಧಾನಿ ಮೋದಿಯವರ ಜನಪ್ರಿಯತೆ ಕ್ಷೀಣಿಸಲಿಲ್ಲ ಎಂದು ನಮ್ಮ ಸಮೀಕ್ಷೆ ತೋರಿಸುತ್ತದೆ ಎಂದು ಹೇಳಿದ್ದಾರೆ.
ಅಂತಾರಾಷ್ಟ್ರೀಯ ಕಾರ್ಮಿಕ ಸಂಸ್ಥೆ (ILO) ತನ್ನ ಇತ್ತೀಚಿನ ವರದಿಯಲ್ಲಿ ಭಾರತೀಯ ಯುವಕರ ನಿರುದ್ಯೋಗ ಪ್ರಮಾಣವು ವಯಸ್ಕರಿಗಿಂತ ಹೆಚ್ಚಾಗಿದೆ ಎಂದು ಹೇಳಿದೆ. ಯುವ ನಿರುದ್ಯೋಗ ದರವು ಕಳೆದ ಹಲವು ದಶಕಗಳಲ್ಲಿ ಹೆಚ್ಚುತ್ತಿದೆ – 2000ದಲ್ಲಿ ಶೇಕಡಾ 5.6 ರಿಂದ 2012 ರಲ್ಲಿ ಶೇಕಡಾ 6.2 ಕ್ಕೆ ಮತ್ತು ನಂತರ ಮೂರು ಪಟ್ಟು ಹೆಚ್ಚಾಗಿದೆ, 2018 ರಲ್ಲಿ ಸುಮಾರು 18%ರಷ್ಟು ಹೆಚ್ಚಾಗಿದೆ. 2020 ರಲ್ಲಿ ಇದು ಸುಮಾರು 15.1% ಇದ್ದು ಸ್ವಲ್ಪಮಟ್ಟಿಗೆ ಕುಸಿತ ಕಂಡಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ