ಫ್ರಾನ್ಸ್‌ನಲ್ಲಿ ನಡೆದ ವಿಶ್ವ ಮಕ್ಕಳ ಕ್ರೀಡಾಕೂಟ; ಬ್ಯಾಡ್ಮಿಂಟನ್’ ಫೈನಲ್‌ನಲ್ಲಿ ಜಯಿಸಿ ಬಂಗಾರದ ಪದಕ ಗೆದ್ದ ಶಿರಸಿಯ ಪ್ರೇರಣಾ ಶೇಟ್

ಶಿರಸಿ: ಫ್ರಾನ್ಸ್ ನಲ್ಲಿ ನಡೆಯುತ್ತಿರುವ ವಿಶ್ವ ಮಕ್ಕಳ ಕ್ರೀಡಾಕೂಟದಲ್ಲಿ ಭಾರತವನ್ನು ಪ್ರತಿನಿಧಿಸಿದ್ದ ಶಿರಸಿಯ ಪ್ರೇರಣಾ ನಂದಕುಮಾರ್ ಶೇಟ್ ಬ್ಯಾಂಡ್ಮಿಂಟನ್ ಕ್ರೀಡೆಯಲ್ಲಿ ಬಂಗಾರ ಪದಕ ಗೆಲ್ಲುವ ಮೂಲಕ ದೇಶದ ಹಿರಿಮೆಯನ್ನು ಹೆಚ್ಚಿಸಿದ್ದಾಳೆ.
ಬ್ಯಾಡ್ಮಿಂಟನ್ ಫೈನಲ್ ಪಂದ್ಯದಲ್ಲಿ ಚಿನೀ ತೈಪೆ ಆಟಗಾರ್ತಿ ವಿರುದ್ಧ 3 ಸೆಟ್ ಗಳಲ್ಲಿ ನಡೆದ ರೋಚಕ ಹೋರಾಟದಲ್ಲಿ ಪ್ರೇರಣಾ ಶೇಟ್‌ ಅಂತಿಮವಾಗಿ 13/21, 21/12, 21/16 ಸೆಟ್‌ಗಳಲ್ಲಿ ಗೆಲುವ ಮೂಲಕ ಚಿನ್ನದ ಪದಕ ಗೆದ್ದಿದ್ದಾಳೆ.

ಇದಕ್ಕೂ ಮೊದಲು ನಡೆದ ಸೆಮಿಫೈನಲ್‌ ಪಂದ್ಯದಲ್ಲಿ ಪ್ರೇರಣಾ ಶೇಟ್‌ ಫ್ರಾನ್ಸ್‌ ವಿರುದ್ಧ ೨೧/೧೫ ಹಾಗೂ ೨೧/೧೪ ನೇರ ಸೆಟ್‌ಗಳಿಂದ ಜಯಗಳಿಸಿದ್ದರು., ಪದಕ ಗೆದ್ದಿದ್ದಾಳೆ. ಪ್ರೇರಣಾ ಶೇಟ್‌ , ಶಿರಸಿಯ ಇಂಜಿನಿಯರ್‌ ನಂದಕುಮಾರ ಶೇಟ್‌ ಅವರ ಪುತ್ರಿ. ಇವಳು ಶಿರಸಿ ಲಯನ್ಸ್ ಶಾಲೆಯ ವಿದ್ಯಾರ್ಥಿನಿಯಾಗಿದ್ದು, ಇವಳ ಸಾಧನೆಗೆ ಪಾಲಕರು, ಶಾಲಾ ಶಿಕ್ಷಕರು, ಆಡಳಿತ ಮಂಡಳಿಯವರು ಅಭಿನಂಧಿಸಿದ್ದಾರೆ.