ನವದೆಹಲಿ: ಸೌದಿ ಅರೇಬಿಯಾದ ಜೆಡ್ಡಾದಲ್ಲಿ ಎರಡು ದಿನಗಳ ಐಪಿಎಲ್ 2025 ಹರಾಜು ಭಾನುವಾರ ಆರಂಭವಾಗಿದ್ದು, ರಿಷಬ್ ಪಂತ್ ಮತ್ತು ಶ್ರೇಯಸ್ ಅಯ್ಯರ್ ಭಾನುವಾರ (ನವೆಂಬರ್ 24) ಈ ಇಬ್ಬರು ಆಟಗಾರರು ಐಪಿಎಲ್ ಇತಿಹಾಸದಲ್ಲೇ ಅತ್ಯಂತ ದುಬಾರಿ ಬೆಲೆಗೆ ಮಾರಾಟವಾಗುವ ಮೂಲಕ ಸಾರ್ವಕಾಲಿಕ ದಾಖಲೆ ಸ್ಥಾಪಿಸಿದ್ದಾರೆ. ಮಾಜಿ ಡೆಲ್ಲಿ ಕ್ಯಾಪಿಟಲ್ಸ್ ಜೋಡಿಯನ್ನು ಪ್ರಾಂಚೈಸಿಗಳಾದ ಎಲ್‌ಸಿಜಿ ಮತ್ತು ಪಂಜಾಬ್ ಕಿಂಗ್ಸ್ ಕ್ರಮವಾಗಿ ರೂ 27 ಕೋಟಿ ರೂ. ಮತ್ತು 26.75 ಕೋಟಿ ರೂ.ಗಳಿಗೆ ಖರೀದಿಸಲು ಸಹಿ ಹಾಕಿದವು.
ಇದಕ್ಕೂ ಮೊದಲು, ಐಪಿಎಲ್ 2025 ರ ಹರಾಜಿನಲ್ಲಿ ಅರ್ಶ್ದೀಪ್ ಸಿಂಗ್ ಅವರು ಆರ್‌ಟಿಎಂ ಕಾರ್ಡ್ ಮೂಲಕ, ಪಿಬಿಕೆಎಸ್ ತಂಡಕ್ಕೆ 18 ಕೋಟಿ ರೂ.ಗಳಿಗೆ ಮಾರಾಟವಾದ ಮೊದಲ ಆಟಗಾರ. ಭಾರತದ ಮತ್ತೊಬ್ಬ ಸ್ಟಾರ್ ವೇಗಿ ಮೊಹಮ್ಮದ್ ಶಮಿ ಅವರನ್ನು ಸನ್ ರೈಸರ್ಸ್ ಹೈದರಾಬಾದ್ 10 ಕೋಟಿ ರೂ.ಗಳಿಗೆ ಖರೀದಿ ಮಾಡಿತು.ಮಾರ್ಕ್ಯೂ ಸೆಟ್‌ಗಳು, ಕ್ಯಾಪ್ಡ್ ಬ್ಯಾಟರ್‌ಗಳು, ಆಲ್ ರೌಂಡರ್‌ಗಳು, ವಿಕೆಟ್‌ಕೀಪರ್‌ಗಳು, ಕ್ಯಾಪ್ಡ್ ಬೌಲರ್‌ಗಳು ಈ ಕ್ರಮದಲ್ಲಿ ಹರಾಜು ನಡೆಯಲಿದೆ: 1 ನೇ ದಿನದ ಅಂತಿಮ ಸೆಟ್ ಮೊದಲ ಅನ್‌ಕ್ಯಾಪ್ಡ್ ಪ್ಲೇಯರ್ಸ್ ಸೆಟ್ ಅನ್ನು ಹೊಂದಿರುತ್ತದೆ. .
ಐಪಿಎಲ್ ಇತಿಹಾಸದಲ್ಲಿ ಐದು ದುಬಾರಿ ಭಾರತೀಯ ಆಟಗಾರರು…
ರಿಷಭ್ ಪಂತ್ (ಎಲ್‌ಎಸ್‌ಜಿ): 27 ಕೋಟಿ ರೂ.
ಸ್ಟಾರ್ ಇಂಡಿಯನ್ ವಿಕೆಟ್‌ಕೀಪರ್-ಬ್ಯಾಟರ್ ರಿಷಭ್ ಪಂತ್ IPL 2025 ರಲ್ಲಿ ಎಲ್‌ಎಸ್‌ಜಿ ತಂಡಕ್ಕೆ ಆಡಲಿದ್ದಾರೆ. 27 ವರ್ಷದ ಸದ್ಯ ಭಾರತದ ತಂಡದ ವಿಕೆಟ್ ಕೀಪರ್‌ ಆಗಿರುವ ರಿಷಭ ಪಂತ ಅವರು ಎಲ್‌ಎಸ್‌ಜಿ (LSG) ತಂಡವು ಖರೀದಿಸಿದ್ದು, 27 ಕೋಟಿ ರೂ.ಗಳಿಗೆ ಸಹಿ ಹಾಕಿದರು. ಐಪಿಎಲ್ 2025 ರ ಮೆಗಾ ಹರಾಜು, ಭಾನುವಾರ ಜೆಡ್ಡಾದಲ್ಲಿ ನಡೆಯುತ್ತಿದೆ.
ಶ್ರೇಯಸ್ ಅಯ್ಯರ್ (ಡಿಸಿ): 26.75 ಕೋಟಿ ರೂ.
ಐಪಿಎಲ್ 2025 ರ ಮೆಗಾ ಹರಾಜಿನಲ್ಲಿ ಐಪಿಎಲ್ 2024 ರ ವಿಜೇತ ಕೊಲ್ಕತ್ತಾ ನೈಟ್‌ ರೈಡರ್ಸ್‌ ತಂಡದ ನಾಯಕ ಶ್ರೇಯಸ್ ಅಯ್ಯರ್ ಅವರನ್ನು 26.75 ಕೋಟಿ ರೂ.ಗಳಿಗೆ ಪಂಜಾಬ್ ಕಿಂಗ್ಸ್ ತಂಡವು ಸಹಿ ಹಾಕಿದೆ. ಅಯ್ಯರ್ 2015 ರಿಂದ 2021 ರವರೆಗೆ IPL ನಲ್ಲಿ ಡೆಲ್ಲಿ ಕ್ಯಾಪಿಟಲ್‌ (DC)ಗಾಗಿ ಆಡಿದ್ದಾರೆ. ಅವರು ಐಪಿಎಲ್ 2022 ರ ಮೆಗಾ ಹರಾಜಿನಲ್ಲಿ 12.25 ಕೋಟಿ ರೂ.ಗಳಿಗೆ ಕೆಕೆಆರ್‌ ತಂಡಕ್ಕೆ ಸೇರಿದ್ದರು. ಆದರೆ 2024 ರ ಋತುವಿನಲ್ಲಿ ಕೆಕೆಆರ್‌ ತಂಡವು ಅವರ ನಾಯಕತ್ವದಲ್ಲಿ ಐಪಿಎಲ್ ಪ್ರಶಸ್ತಿ ಪಡೆದರೂ ಫ್ರಾಂಚೈಸಿ ಉಳಿಸಿಕೊಳ್ಳಲಿಲ್ಲ.
ವಿರಾಟ್ ಕೊಹ್ಲಿ (ಆರ್‌ಸಿಬಿ): 21 ಕೋಟಿ ರೂ.
ಐಪಿಎಲ್‌ನಲ್ಲಿ 8000ಕ್ಕೂ ಹೆಚ್ಚು ರನ್ ಗಳಿಸಿದ ಏಕೈಕ ಆಟಗಾರ ಬ್ಯಾಟಿಂಗ್ ಸೂಪರ್‌ಸ್ಟಾರ್ ವಿರಾಟ್ ಕೊಹ್ಲಿ, ಐಪಿಎಲ್ 2025 ರ ಮೆಗಾ ಹರಾಜಿಗೆ ಮುಂಚಿತವಾಗಿ ಆರ್‌ಸಿಬಿ 21 ಕೋಟಿ ರೂ.ಗಳಿಗೆ ಅವರನ್ನು ಉಳಿಸಿಕೊಂಡಿದೆ. 36 ವರ್ಷದ ಬಲಗೈ ಬ್ಯಾಟರ್ ಐಪಿಎಲ್ 2024 ರಲ್ಲಿ ಆರೆಂಜ್ ಕ್ಯಾಪ್ ಗೆದ್ದರು.
ಅರ್ಷದೀಪ್ ಸಿಂಗ್ (ಪಿಬಿಕೆಎಸ್): 18 ಕೋಟಿ ರೂ.
ಐಪಿಎಲ್ 2025 ರ ಮೆಗಾ ಹರಾಜಿನಲ್ಲಿ ಭಾರತದ ಎಡಗೈ ವೇಗಿ ಅರ್ಷ್‌ದೀಪ್ ಸಿಂಗ್ 18 ಕೋಟಿ ರೂಪಾಯಿಗೆ ಸಹಿ ಹಾಕಲು ಪಂಜಾಬ್ ಕಿಂಗ್ಸ್ ಆರ್‌ಟಿಎಂ (RTM) ಕಾರ್ಡ್ ಅನ್ನು ಬಳಸಿದೆ. ಅರ್ಶ್ದೀಪ್ 2019 ರಲ್ಲಿ ಪಂಜಾಬ್ ಕಿಂಗ್ಸ್ (PBKS) ಮೂಲಕ ಐಪಿಎಲ್(IPL)ನಲ್ಲಿ ಪಾದಾರ್ಪಣೆ ಮಾಡಿದರು.
ಯುಜ್ವೇಂದ್ರ ಚಹಾಲ್ (ಭಾರತ): 18 ಕೋಟಿ ರೂ.
ಐಪಿಎಲ್ ಇತಿಹಾಸದಲ್ಲಿ 200 ಕ್ಕೂ ಹೆಚ್ಚು ವಿಕೆಟ್ ಪಡೆದ ಏಕೈಕ ಬೌಲರ್ ಆಗಿರುವ ಭಾರತದ ಸ್ಟಾರ್ ಸ್ಪಿನ್ನರ್ ಯುಜ್ವೇಂದ್ರ ಚಾಹಲ್, ಐಪಿಎಲ್ 2025 ರ ಮೆಗಾ ಹರಾಜಿನಲ್ಲಿ ಮೊಹಾಲಿ ಮೂಲದ ಫ್ರಾಂಚೈಸ್ 18 ಕೋಟಿಗೆ ಸಹಿ ಹಾಕಿದ ನಂತರ ಐಪಿಎಲ್ 2025 ರಲ್ಲಿ ಪಂಜಾಬ್ ಕಿಂಗ್ಸ್ ಪರ ಆಡಲಿದ್ದಾರೆ. ಭಾನುವಾರ (ನವೆಂಬರ್ 24).
ನಿಮ್ಮ ಕಾಮೆಂಟ್ ಬರೆಯಿರಿ