ರಾಜಸ್ಥಾನದ ಶಾಲಾ ಶಿಕ್ಷಕಿಯೊಬ್ಬಳು ತನ್ನ ಲಿಂಗವನ್ನು ಬದಲಾಯಿಸಿಕೊಂಡು ಪುರುಷನಾದ ನಂತರ ತನ್ನ ವಿದ್ಯಾರ್ಥಿಯೊಬ್ಬಳನ್ನೇ ಭಾನುವಾರ ವಿವಾಹವಾಗಿದ್ದಾರೆ…!
ಭರತ್‌ಪುರದ ದೈಹಿಕ ಶಿಕ್ಷಣ ಶಿಕ್ಷಕಿಯಾಗಿರುವ ಮೀರಾ, ಕಲ್ಪನಾ ಫೌಜ್‌ದಾರ್‌ ಎಂಬವರನ್ನು ಪ್ರೀತಿಸುತ್ತಿದ್ದರು ಮತ್ತು ಆಕೆಯನ್ನು ಮದುವೆಯಾಗಲು ಲಿಂಗ ಬದಲಾವಣೆ ಮಾಡಿಕೊಂಡರು.
ಪ್ರೀತಿಯಲ್ಲಿ ಎಲ್ಲವೂ ನ್ಯಾಯೋಚಿತವಾಗಿದೆ ಮತ್ತು ಅದಕ್ಕಾಗಿಯೇ ನಾನು ನನ್ನ ಲಿಂಗವನ್ನು ಬದಲಾಯಿಸಿಕೊಂಡಿದ್ದೇನೆ” ಎಂದು ಈಗ ಆರವ್ ಕುಂತಲ್ ಎಂದು ಹೆಸರು ಬದಲಾಯಿಸಿಕೊಂಡಿರುವ ಮೀರಾ ಸುದ್ದಿಗಾರರಿಗೆ ತಿಳಿಸಿದರು.
ಶಾಲೆಯಲ್ಲಿ ದೈಹಿಕ ಶಿಕ್ಷಣ ತರಗತಿಗಳ ಸಮಯದಲ್ಲಿ ಮೀರಾ ಅವರು ಕಲ್ಪನಾ ಎಂಬ ವಿದ್ಯಾರ್ಥಿನಿಯನ್ನು ಭೇಟಿಯಾದರು. ಕಲ್ಪನಾ ರಾಜ್ಯ ಮಟ್ಟದಲ್ಲಿ ಕಬಡ್ಡಿ ಆಡಿದ್ದು, ಜನವರಿಯಲ್ಲಿ ಅಂತಾರಾಷ್ಟ್ರೀಯ ಕಬಡ್ಡಿ ಪಂದ್ಯಾವಳಿಗಾಗಿ ದುಬೈಗೆ ತೆರಳಲಿದ್ದಾರೆ ಎಂದು ವರದಿಯಾಗಿದೆ.
ಮೀರಾ ಶಾಲೆಯಲ್ಲಿ ನಮ್ಮ ದೈಹಿಕ ಶಿಕ್ಷಣ ಶಿಕ್ಷಕಿಯಾಗಿದ್ದರು. ಆಗ ನಾನು ಪ್ರೀತಿಯಲ್ಲಿ ಬಿದ್ದೆ. ಮತ್ತು ಮೂರು ವರ್ಷಗಳ ಹಿಂದೆ ಮೀರಾ ತನ್ನ ಲಿಂಗವನ್ನು ಬದಲಾಯಿಸಿಕೊಂಡಳು. ನಮ್ಮ ಎರಡೂ ಕುಟುಂಬಗಳು ಒಪ್ಪಿಗೆ ನೀಡಿದ ನಂತರ ನಾವು ಮದುವೆಯಾದೆವು ಎಂದು ಕಲ್ಪನಾ ಹೇಳಿದ್ದಾರೆ ಎಂದು ಇಂಡಿಯಾ ಟುಡೇ ವರದಿ ಮಾಡಿದೆ.
ಲಿಂಗ ಬದಲಾವಣೆಯ ಬಗ್ಗೆ ಮಾತನಾಡುತ್ತಾ, ಆರವ್ ಕುಂತಲ್ (ಮೀರಾ) ಅವರು ನನ್ನ ಲಿಂಗವನ್ನು ಬದಲಾಯಿಸಿಕೊಳ್ಳಲು ನಾನು ಯಾವಾಗಲೂ ಶಸ್ತ್ರಚಿಕಿತ್ಸೆಗೆ ಒಳಗಾಗಲು ಬಯಸುತ್ತಿದ್ದೆ. ಡಿಸೆಂಬರ್ 2019 ರಲ್ಲಿ ನನ್ನ ಮೊದಲ ಶಸ್ತ್ರಚಿಕಿತ್ಸೆ ನಡೆಯಿತು ಎಂದು ತನ್ನ ಲಿಂಗವನ್ನು ಬದಲಾಯಿಸಿಕೊಂಡಿದ್ದಕ್ಕೆ ಶಿಕ್ಷಕರಾಗಿರುವ ಆರವ್ ಕುಂತಲ್ (ಮೀರಾ) ಹೇಳಿದರು.
2019 ಮತ್ತು 2021 ರ ನಡುವೆ, ಆರವ್ ಲಿಂಗ ಬದಲಾವಣೆಯ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು ಮತ್ತು ಪ್ರಕ್ರಿಯೆ ಮುಗಿದ ನಂತರ, ಆರವ್ ಮತ್ತು ಕಲ್ಪನಾ ತಮ್ಮ ಎರಡೂ ಕುಟುಂಬಗಳ ಆಶೀರ್ವಾದದೊಂದಿಗೆ ವಿವಾಹವಾದರು. ಎರಡು ದಿನಗಳ ಹಿಂದಷ್ಟೇ ಈ ಜೋಡಿ ವಿವಾಹವಾಗಿದ್ದು, ಎರಡೂ ಕುಟುಂಬಗಳು ಈ ಮದುವೆಯಿಂದ ಸಂತಸಗೊಂಡಿವೆ.
ಆರವ್‌ಗೆ ನಾಲ್ವರು ಹಿರಿಯ ಸಹೋದರಿಯರಿದ್ದಾರೆ ಆದರೆ ಸಹೋದರ ಇಲ್ಲ. ಆರವ್, ನನಗೆ ನಾಲ್ವರು ಅಕ್ಕಂದಿರಿದ್ದಾರೆ, ಎಲ್ಲರಿಗೂ ಮದುವೆಯಾಗಿದೆ. ನಾನು ಹುಡುಗಿಯಾಗಿದ್ದಾಗ, ನಾನು ಹುಡುಗಿ ಅಲ್ಲ ಹುಡುಗ ಎಂದು ಭಾವಿಸುತ್ತಿದ್ದೆ ಎಂದು ಹೇಳಿದ್ದಾರೆ.
ಲಿಂಗ ಬದಲಾವಣೆಯ ನಂತರ ಆರವ್ ಎದುರಿಸಿದ ತೊಂದರೆಗಳ ಬಗ್ಗೆ ಮಾತನಾಡುತ್ತಾ, “ಎಲ್ಲವೂ ಸರಿಯಾಗಿದೆ, ಆದರೆ ಪ್ರಸ್ತುತ ಉದ್ಯೋಗ ಪೇಪರ್‌ಗಳಲ್ಲಿ ಹೆಸರುಗಳನ್ನು ಬದಲಾಯಿಸಲು ಮತ್ತು ಹೆಣ್ಣಿನಿಂದ ಪುರುಷನಿಗೆ ಲಿಂಗ ಬದಲಾವಣೆಯನ್ನು ಒಳಗೊಂಡಿರುವ ಕಾಗದದ ಪತ್ರಗಳಲ್ಲಿ ಬಹಳಷ್ಟು ತೊಂದರೆಗಳಿವೆ” ಎಂದು ಹೇಳಿದರು.
ಆರವ್ ಅವರ ತಂದೆ ಬಿರಿ ಸಿಂಗ್, “ನನಗೆ ಐದು ಹೆಣ್ಣು ಮಕ್ಕಳಿದ್ದರು ಮತ್ತು ಮಗನಿರಲಿಲ್ಲ. ಚಿಕ್ಕವಳಾದ ಮೀರಾ ಹೆಣ್ಣಾದರೂ ಹುಡುಗನಂತೆಯೇ ಬದುಕಿದ್ದಳು. ಅವಳ ಎಲ್ಲಾ ನಡೆಗಳು ಹುಡುಗನಂತೆಯೇ ಇತ್ತು, ಮತ್ತು ಹುಡುಗರೊಂದಿಗೆ ಆಟವಾಡುತ್ತಿದ್ದಳು. ಈಗ ಲಿಂಗ ಬದಲಿಸಿ ಗಂಡು ಮಗುವಾಗಿದ್ದಾಳೆ. ಆರವ್ ಈಗ ಮದುವೆಯಾಗಿರುವುದು ನನಗೆ ತುಂಬಾ ಖುಷಿ ತಂದಿದೆ ಎಂದು ಹೇಳಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ