ಭಾರತದ ವಾರಣಾಸಿಯ ಕುಸುಮಾವತಿ ಎಂಬ 80 ವರ್ಷದ ಮಹಿಳೆ ತಾನು ಕಳೆದ 65 ವರ್ಷಗಳಿಂದ ಮರಳು ಮತ್ತು ಜಲ್ಲಿಕಲ್ಲು ತಿನ್ನುತ್ತಿದ್ದೇನೆ ಎಂದು ಹೇಳಿದ್ದಾಳೆ.
ಹೊಟ್ಟೆಯ ಅಸ್ವಸ್ಥತೆಯನ್ನು ನಿವಾರಿಸಲು ಮರಳು ಮತ್ತು ಜಲ್ಲಿಕಲ್ಲುಗಳನ್ನು ಮೊದಲ ಸಲ ಸೇವಿಸಿದಾಗ ತಾನು 15 ವರ್ಷ ವಯಸ್ಸಿನವಳಾಗಿದ್ದೆ ಎಂದು ಅವಳು ಹೇಳಿದ್ದು, ಅಂದಿನಿಂದ ಮರಳು ಮತ್ತು ಜಲ್ಲಿಕಲ್ಲು ತನ್ನ ಆಹಾರದ ಭಾಗವಾಯಿತು ಎಂದು ಹೇಳಿದ್ದಾಳೆ.
ಅನೇಕರು, ಅವಳ ಮೊಮ್ಮಕ್ಕಳು ಈ ವಿಚಿತ್ರ ಆಹಾರವು ಆಕೆಯ ಆರೋಗ್ಯದ ಮೇಲೆ ಬೀರುವ ಅಡ್ಡಪರಿಣಾಮಗಳ ಬಗ್ಗೆ ಚಿಂತಿತರಾಗಿದ್ದರೂ ಮರಳು ಮತ್ತು ಜಲ್ಲಿಕಲ್ಲು ಅಗಿಯುವುದರಿಂದ ಅಜ್ಜಿಯಾದರೂ ಕುಸುಮಾವತಿಯ ಹಲ್ಲುಗಳು ತುಂಬಾ ಗಟ್ಟಿಯಾಗಿವೆ ಎಂದು ಅವರು ನಂಬುತ್ತಾರೆ.
ನಾನು ಸುಮಾರು 63 ವರ್ಷಗಳಿಂದ ಮರಳು ಮತ್ತು ಜಲ್ಲಿ ತಿನ್ನುತ್ತಿದ್ದೇನೆ, ನಾನು ಅವುಗಳನ್ನು ತಿನ್ನಲು ಇಷ್ಟಪಡುತ್ತೇನೆ ಮತ್ತು ಅವುಗಳು ನನ್ನ ಮೇಲೆ ಯಾವುದೇ ಹಾನಿಕಾರಕ ಪರಿಣಾಮಗಳನ್ನು ಮಾಡಿಲ್ಲ ಎಂದು ನಾನು ಭಾವಿಸುತ್ತೇನೆ ಎಂದು ಕುಸುಮಾವತಿ ಹೇಳಿದ್ದಾರೆ.
ಅವುಗಳನ್ನು ತಿನ್ನುವುದರಿಂದ ನಾನು ಹೊಟ್ಟೆ ಮತ್ತು ಬಾಯಿಯಲ್ಲಿ ನಾನು ಯಾವುದೇ ಸಮಸ್ಯೆಗಳನ್ನು ಅನುಭವಿಸಿಲ್ಲ ಮತ್ತು ನನ್ನ ಹಲ್ಲುಗಳು ಸಂಪೂರ್ಣವಾಗಿ ಗಟ್ಟಿಯಾಗಿವೆ. ಈಗಲೂ ನಾನು ಯಾವುದೇ ತೊಂದರೆಯಿಲ್ಲದೆ ಕಠಿಣವಾದ ಕಲ್ಲನ್ನು ಕಡಿಯಬಲ್ಲೆ ಎಂದು ಅವರು ಹೇಳುತ್ತಾರೆ.
ಆದರೆ ಕುಸುಮಾವತಿಯ ಮೊಮ್ಮಕ್ಕಳು ತಮ್ಮ ಅಜ್ಜಿ ಮರಳು ಹಾಗೂ ಜಲ್ಲಿಕಲ್ಲುಗಳನ್ನು ತಿನ್ನುವುದನ್ನು ನಿಲ್ಲಿಸಬೇಕೆಂದು ಬಯಸುತ್ತಾರೆ ಆದರೆ ಮರಳಿನಲ್ಲಿರುವ ಖನಿಜಗಳು ನನ್ನ ಆರೋಗ್ಯವನ್ನು ಕಾಪಾಡಿವೆ ಎಂದು ಕುಸುಮಾವತಿ ಹೇಳುತ್ತಾರೆ.
ನನ್ನ ಮೊಮ್ಮಕ್ಕಳು ಈ ವ್ಯಸನವನ್ನು ತೊಡೆದುಹಾಕಲು ವೈದ್ಯಕೀಯ ಸಹಾಯವನ್ನು ಪಡೆಯಬೇಕೆಂದು ಒತ್ತಾಯಿಸುತ್ತಾರೆ. ಆದರೆ ಅದರ ಅಗತ್ಯವಿಲ್ಲ ಎಂದು ನನಗೆ ತೋರುತ್ತದೆ. ನಾನು ಆರೋಗ್ಯವಾಗಿದ್ದೇನೆ ಮತ್ತು ನನ್ನ ಆರೋಗ್ಯದ ರಹಸ್ಯವಾದ ಮರಳಿಗೆ ನಾನು ಸಂಪೂರ್ಣವಾಗಿ ಹೊಂದಿಕೊಂಡಿದ್ದೇನೆ ಎಂದು ಅವರು ಹೇಳುತ್ತಾರೆ.
ನಾನು ವೈದ್ಯರನ್ನು ನೋಡಿಲ್ಲ. ನಾನು ಸಂಪೂರ್ಣವಾಗಿ ಚೆನ್ನಾಗಿಯೇ ಇದ್ದೇನೆ. ಮರಳಿನಲ್ಲಿರುವ ಖನಿಜಗಳು ನನಗೆ ಹೊಲಗಳಲ್ಲಿ ಕೆಲಸ ಮಾಡಲು ಶಕ್ತಿಯನ್ನು ನೀಡಿದಂತೆ ನನಗೆ ಅನಿಸುತ್ತದೆ ಎನ್ನುವ ಅವರು, ಮರಳು ಮತ್ತು ಜಲ್ಲಿಕಲ್ಲುಗಳನ್ನು ಸಂಗ್ರಹಿಸಿ, ಮಣ್ಣಿನ ಪಾತ್ರೆಯಲ್ಲಿ ಸಂಗ್ರಹಿಸಿ ಅದನ್ನು ಸೇವಿಸುವ ಮೊದಲು ಸಂಪೂರ್ಣವಾಗಿ ಒಣಗಿಸುತ್ತಾರಂತೆ.
ಕುಸುಮಾವತಿ ಅವರು ಮರಳು ಮತ್ತು ಜಲ್ಲಿಕಲ್ಲು ತಿನ್ನುವ ವ್ಯಸನಿಯಾಗಿದ್ದು, ತನ್ನ ಪ್ರಧಾನ ಆಹಾರಕ್ಕಾಗಿ ಗಂಟೆಗಟ್ಟಲೆ ಕಳೆಯುತ್ತಾರೆ ಮತ್ತು ಮರಳು ಪಡೆಯಲು ಸಾಧ್ಯವಾಗದಿದ್ದಾಗ ಅವರು ತನ್ನ ಮನೆಯ ಗೋಡೆಗಳಿಂದ ಕಲ್ಲುಗಳನ್ನು ಆರಿಸಿಕೊಳ್ಳುತ್ತಾರಂತೆ..!
ನಿಮ್ಮ ಕಾಮೆಂಟ್ ಬರೆಯಿರಿ