ಮಹಾರಾಷ್ಟ್ರದಲ್ಲಿ ಶುಕ್ರವಾರ ಈವರೆಗಿನ ಅತಿಹೆಚ್ಚು ದೈನಂದಿನ ಕೊರೊನಾ ಸೋಂಕು ದಾಖಲು..!

ಮುಂಬೈ: 63,729 ಹೊಸ ಕೋವಿಡ್‌ -19 ಪ್ರಕರಣಗಳೊಂದಿಗೆ, ಮಹಾರಾಷ್ಟ್ರವು ಶುಕ್ರವಾರ (ಏಪ್ರಿಲ್ 16) ಸಾಂಕ್ರಾಮಿಕ ರೋಗದ ನಂತರದ ಅತಿ ಹೆಚ್ಚು ಏಕದಿನ ಉಲ್ಬಣ ದಾಖಲಿಸಿದೆ. ಹಿಂದಿನ ಏಕದಿನ ಗರಿಷ್ಠ 63,294 ಆಗಿದ್ದು, ಇದು ಏಪ್ರಿಲ್ 11 ರಂದು ದಾಖಲಾಗಿತ್ತು.
ಇದೇ ಅವಧಿಯಲ್ಲಿ 398 ಕೋವಿಡ್‌-19 ಸಾವುಗಳು ದಾಖಲಾಗಿದ್ದು, ಸಾವಿನ ಸಂಖ್ಯೆ 59,551 ಕ್ಕೆ ತಲುಪಿದೆ. ಈ ವರ್ಷ ಸಂಭವಿಸಿದ ಸಾವುನೋವುಗಳಲ್ಲಿ ಇದು ಅತಿ ಹೆಚ್ಚು. ರಾಜ್ಯದಲ್ಲಿ ಸಾವಿನ ಪ್ರಮಾಣ 1.61%.
ದಿನದಲ್ಲಿ 45,335 ರೋಗಿಗಳನ್ನು ಬಿಡುಗಡೆ ಮಾಡಲಾಗಿದ್ದು, ಒಟ್ಟು ಬಿಡುಗಡೆಯಾದವರ ಸಂಖ್ಯೆ 30,04,391 ಕ್ಕೆ ತಲುಪಿದೆ. ರಾಜ್ಯದಲ್ಲಿ ಚೇತರಿಕೆ ಪ್ರಮಾಣ 81.12% ರಷ್ಟಿದೆ. ಮಹಾರಾಷ್ಟ್ರದಲ್ಲಿ ಒಟ್ಟು ಸಕ್ರಿಯ ಪ್ರಕರಣಗಳ ಸಂಖ್ಯೆ 6,38,034.
ಮುಂಬೈ ವಲಯ 17,635 ಹೊಸ ಪ್ರಕರಣಗಳನ್ನು ದಾಖಲಿಸಿದೆ.ನಾಸಿಕ್ ವಲಯ 9,286, ಪುಣೆ ವಲಯದಲ್ಲಿ 13,891 ಹೊಸ ಪ್ರಕರಣಗಳು ದಾಖಲಾಗಿವೆ.