ನವದೆಹಲಿ: ಆರೋಗ್ಯ ಮತ್ತು ವಿಮಾ ಪಾಲಿಸಿಗಳ ಮೇಲಿನ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ಶೇ. 18 ರಷ್ಟಿತ್ತು, ಇದನ್ನು ಬುಧವಾರ ವಿಮಾ ಕಂತುಗಳ ತೆರಿಗೆಯನ್ನು ಶೂನ್ಯಕ್ಕೆ ಇಳಿಸಲಾಗಿದೆ ಎಂದು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಪ್ರಕಟಿಸಿದ್ದಾರೆ.
ಜಿಎಸ್ಟಿ ಮಂಡಳಿ ಈ ನಿರ್ಧಾರವನ್ನು ಸಂಪೂರ್ಣ ಒಮ್ಮತದಿಂದ ತೆಗೆದುಕೊಂಡಿದೆ ಮತ್ತು ಎಲ್ಲಾ ಸಚಿವರು ಇದನ್ನು ಬೆಂಬಲಿಸಿದ್ದಾರೆ ಎಂದು ಅವರು ಬುಧವಾರ ರಾತ್ರಿ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದರು.
ತಮ್ಮ ಅಧ್ಯಕ್ಷತೆಯಲ್ಲಿ ಮತ್ತು ಎಲ್ಲ ರಾಜ್ಯಗಳ ಸಚಿವರನ್ನು ಒಳಗೊಂಡ ಜಿಎಸ್ಟಿ ಮಂಡಳಿಯು ಬುಧವಾರ ಆರೋಗ್ಯ ಮತ್ತು ಜೀವ ವಿಮಾ ಕಂತುಗಳನ್ನು ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ತೆರಿಗೆಯಿಂದ ವಿನಾಯಿತಿ ನೀಡಲು ನಿರ್ಧರಿಸಿದೆ ಎಂದು ಕೇಂದ್ರ ಹಣಕಾಸು ಸಚಿವರು ತಿಳಿಸಿದರು. “ಮರುವಿಮೆ ಜೊತೆ ಎಲ್ಲಾ ವೈಯಕ್ತಿಕ ಆರೋಗ್ಯ ವಿಮೆಗಳು; ಮತ್ತು ಮರುವಿಮೆ ಜೊತೆ ಎಲ್ಲಾ ವೈಯಕ್ತಿಕ ಜೀವ ವಿಮೆಗಳು ಜಿಎಸ್ಟಿಯಿಂದ ವಿನಾಯಿತಿ ಪಡೆದಿವೆ” ಎಂದು ಅಧಿಕೃತ ಪ್ರಕಟಣೆ ತಿಳಿಸಿದೆ.
ವಿಮಾ ಪ್ರೀಮಿಯಂ ಎಷ್ಟು ಕಡಿಮೆಯಾಗುತ್ತದೆ?
ಪ್ರಸ್ತುತ, ಆರೋಗ್ಯ ಮತ್ತು ಅವಧಿ ವಿಮಾ ಉತ್ಪನ್ನಗಳು ಶೇಕಡಾ 18 ರಷ್ಟು ಜಿಎಸ್ಟಿ ದರವನ್ನು ಹೊಂದಿತ್ತು. ಈಗ ಅದಕ್ಕೆ ಜಿಎಸ್ಟಿಯಿಂದ ವಿನಾಯಿತಿ ನೀಡಲಾಗಿದೆ. ಎಚ್ಎಸ್ಬಿಸಿ ಸೆಕ್ಯುರಿಟೀಸ್ ಮತ್ತು ಕ್ಯಾಪಿಟಲ್ ಮಾರ್ಕೆಟ್ಸ್ (ಭಾರತ) ವರದಿಯ ಪ್ರಕಾರ, ವಿಮೆಗೆ ಜಿಎಸ್ಟಿಯಿಂದ ಪೂರ್ಣ ವಿನಾಯಿತಿಯು ಆರೋಗ್ಯ ವಿಮಾ ಕಂತುಗಳನ್ನು ಸುಮಾರು ಶೇಕಡಾ 15 ರಷ್ಟು ಕಡಿಮೆ ಮಾಡಬಹುದು. ಜಿಎಸ್ಟಿ ವಿನಾಯಿತಿಯ ಪರಿಣಾಮವಾಗಿ, ಆರೋಗ್ಯ ಮತ್ತು ಅವಧಿ ವಿಮಾ ಕಂತುಗಳು ಈಗ ಅಗ್ಗವಾಗಲಿದೆ ಎಂದು ನಿರೀಕ್ಷಿಸಲಾಗಿದೆ.
ಆದಾಗ್ಯೂ, ವಿಮೆ ಪ್ರೀಮಿಯಂಗಳಿಗೆ ವಿನಾಯಿತಿಗಳನ್ನು ನೀಡಿದರೆ, ಸರ್ಕಾರವು ವಾರ್ಷಿಕವಾಗಿ $1.2-1.4 ಶತಕೋಟಿ ಆದಾಯ ಕೊರತೆಯನ್ನು ಎದುರಿಸಬೇಕಾಗುತ್ತದೆ ಎಂದು ವರದಿ ಗಮನಿಸಿದೆ. ಸರ್ಕಾರವು ಆರ್ಥಿಕ ವರ್ಷ 2024ರಲ್ಲಿ ಆರೋಗ್ಯ ರಕ್ಷಣೆ ಮತ್ತು ಜೀವ ವಿಮೆಯ ಮೇಲೆ ವಿಧಿಸಲಾದ ಸರಕು ಮತ್ತು ಸೇವಾ ತೆರಿಗೆಯಿಂದ 16,398 ಕೋಟಿ ರೂ.ಗಳನ್ನು ಸಂಗ್ರಹಿಸಿದೆ. ಇದರಲ್ಲಿ, ಜೀವ ವಿಮೆಯಿಂದ 8,135 ಕೋಟಿ ರೂ.ಗಳು ಮತ್ತು ಆರೋಗ್ಯ ವಿಮೆಯಿಂದ 8,263 ಕೋಟಿ ರೂ.ಗಳಾಗಿವೆ. ಹೆಚ್ಚುವರಿಯಾಗಿ, ಕಳೆದ ಆರ್ಥಿಕ ವರ್ಷದಲ್ಲಿ ಜೀವ ಮತ್ತು ಆರೋಗ್ಯ ವಿಮೆಯ ಮೇಲಿನ ಮರುವಿಮೆಯಿಂದ 2,045 ಕೋಟಿ ರೂ.ಗಳನ್ನು ಜಿಎಸ್ಟಿಯಾಗಿ ಸಂಗ್ರಹಿಸಲಾಗಿದೆ, ಇದರಲ್ಲಿ ಜೀವ ಮರುವಿಮೆಯಿಂದ 561 ಕೋಟಿ ರೂ.ಗಳು ಮತ್ತು ಆರೋಗ್ಯ ರಕ್ಷಣೆಯ ಮೇಲಿನ 1,484 ಕೋಟಿ ರೂ.ಗಳು ಸೇರಿವೆ.
ಕಡಿಮೆ ಪ್ರೀಮಿಯಂಗಳು ಬೇಡಿಕೆಯನ್ನು ಹೆಚ್ಚಿಸುವ ನಿರೀಕ್ಷೆಯಿದ್ದರೂ, ವಿಮಾ ಕಂಪನಿಗಳು ಚಿಲ್ಲರೆ ಆರೋಗ್ಯ ವಿಭಾಗದಲ್ಲಿ ಸಂಯೋಜಿತ ಅನುಪಾತಗಳ (CR) ಮೇಲೆ ಇದು ಶೇಕಡಾ 3-6 ರಷ್ಟು ಪರಿಣಾಮ ಬೀರಬಹುದು.
ಜಿಎಸ್ಟಿ ರಚನೆಯನ್ನು ಪ್ರಸ್ತುತ ನಾಲ್ಕು ಸ್ಲ್ಯಾಬ್ಗಳಾದ – 5%, 12%, 18% ಮತ್ತು 28% ಬದಲಿಗೆ 5% ಮತ್ತು 18%ರ ಎರಡು ಸ್ಲ್ಯಾಬ್ಗೆ ಸರಳೀಕರಿಸಲು ಸಮಿತಿಯು ಅನುಮೋದನೆ ನೀಡಿದೆ. ಹೈ-ಎಂಡ್ ಕಾರುಗಳು, ತಂಬಾಕು ಮತ್ತು ಸಿಗರೇಟ್ಗಳಂತಹ ಆಯ್ದ ಕೆಲವು ವಸ್ತುಗಳಿಗೆ ವಿಶೇಷ 40% ವಿಶೇಷ ಸ್ಲ್ಯಾಬ್ ಅನ್ನು ರಚಿಸಲಾಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ