ಕ್ರಿಕೆಟ್ ಆಟವು ವರ್ಷಗಳಲ್ಲಿ ಸುಂದರವಾಗಿ ವಿಕಸನಗೊಂಡಿದೆ. ಇತ್ತೀಚಿನ ದಿನಗಳಲ್ಲಿ ಬ್ಯಾಟಿಂಗ್ ಹೆಚ್ಚು ನವೀನ ಮತ್ತು ಪ್ರಭಾವಶಾಲಿಯಾಗಿದೆ ಮತ್ತು ಅದನ್ನು ಎದುರಿಸಲು ಬೌಲಿಂಗ್ ಕೂಡ ಅಭಿವೃದ್ಧಿಗೊಂಡಿದೆ. ಕ್ರಿಕೆಟ್ ಆಟದ ಮತ್ತೊಂದು ನಿರ್ಣಾಯಕ ಭಾಗವಾದ ಫೀಲ್ಡಿಂಗ್ ಕೂಡ ಈಗ ಬಹಳಷ್ಟು ಸುದಾರಣೆಗಳನ್ನು ಕಂಡಿದೆ. ಇವೆಲ್ಲದರ ನಡುವೆ, ಕ್ರಿಕೆಟ್ ನಲ್ಲಿ ತಮಾಷೆ ಮತ್ತು ವಿಲಕ್ಷಣ ಘಟನೆಗಳು ಪದೇ ಪದೇ ನಡೆಯುತ್ತವೆ.
ಯುರೋಪಿಯನ್ ಲೀಗ್‌ನ ಕ್ರಿಕೆಟ್ ಪಂದ್ಯವೊಂದರಲ್ಲಿ ಬ್ಯಾಟರ್‌ ವಿಲಕ್ಷಣ ಶೈಲಿಯಲ್ಲಿ ಔಟಾದದ್ದು ಇಂತಹ ಕ್ಷಣಕ್ಕೆ ಸಾಕ್ಷಿಯಾಯಿತು. ಭರ್ಜರಿ ಹೊಡೆತಕ್ಕೆ ಪ್ರಯತ್ನಿಸಲು ಹೋದಾಗ ಬ್ಯಾಟ್ಸ್‌ಮನ್ ಎಡ್ಜ್ ಆಗಿ ಚೆಂಡು ವಿಕೆಟ್ ಕೀಪರ್‌ನ ಹೆಲ್ಮೆಟ್‌ನಲ್ಲಿ ಸಿಲುಕಿಕೊಂಡಿತು. ಬ್ಯಾಟರ್‌ ಔಟ್‌ ಎಂದು ಘೋಷಿಸಲಾಯಿತು.
ಯುರೋಪಿಯನ್ ಲೀಗ್ ತನ್ನ ವಿಲಕ್ಷಣ ಘಟನೆಗಳು ಮತ್ತು ಸಿಲ್ಲಿ ತಪ್ಪುಗಳಿಗೆ ಹೆಸರುವಾಸಿಯಾಗಿದೆ ಏಕೆಂದರೆ ಕೆಳಮಟ್ಟದ ಲೀಗ್‌ಗಳಲ್ಲಿ ಅನೇಕ ಯೋಚಿಸಲಾಗದ ಸಂಗತಿಗಳು ಸಂಭವಿಸುತ್ತವೆ. ಈ ಘಟನೆಯಲ್ಲಿ ಬೌಲರ್ ಎಡಗೈ ಬ್ಯಾಟ್ಸ್‌ಮನ್‌ನ ಆಫ್-ಸ್ಟಂಪ್ ಮೇಲೆ ಚೆಂಡನ್ನು ಬೌಲ್‌ ಮಾಡಿದರು. ಬ್ಯಾಟ್ಸ್‌ಮನ್ ಅದನ್ನು ಭರ್ಜರಿಯಾಗಿ ಹೊಡೆಯಲು ಯತ್ನಿಸಿದರು. ಆದರೆ ಅದನ್ನು ಎಡ್ಜ್ ಆಯಿತು ಮತ್ತು ಚೆಂಡು ಕೀಪರ್‌ನ ಹೆಲ್ಮೆಟ್‌ನ ಗ್ರಿಲ್‌ನಲ್ಲಿ ಸಿಲುಕಿತು.
ಮೈದಾನದಲ್ಲಿದ್ದವರು ಒಂದು ಸೆಕೆಂಡ್ ಗೊಂದಲಕ್ಕೊಳಗಾದರು ಮತ್ತು ದುರ್ಬಲವಾಗಿ ಮನವಿ ಮಾಡುವಾಗ ಮುಗುಳ್ನಕ್ಕರು ಮತ್ತು ಅಂಪೈರ್ ಅದನ್ನು ಔಟ್‌ ಎಂದು ಘೋಷಿಸಿದರು. ಬ್ಯಾಟ್ಸ್‌ಮನ್‌ಗೆ ತನ್ನ ಅದೃಷ್ಟವನ್ನು ನಂಬಲಾಗಲಿಲ್ಲ, ಅವರು ಗೊಂದಲದಿಂದಲೇ ಪೆವಿಲಿಯನ್‌ಗೆ ಹಿಂತಿರುಗಿದರು.
ಈ ವಿಲಕ್ಷಣ ಘಟನೆಯ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಅಭಿಮಾನಿಗಲೂ ಗೊಂದಲ ಉಂಟಾಗಿದೆ. ಆದಾಗ್ಯೂ, ನಿಯಮ ಪುಸ್ತಕದ ಕಾನೂನು 32 ರ ಪ್ರಕಾರ, ‘ಕ್ಯಾಚ್’ ಔಟ್‌ ಬಗ್ಗೆ ಷರತ್ತುಗಳನ್ನು ಹೇಳುತ್ತದೆ, ಫೀಲ್ಡ್‌ಮ್ಯಾನ್ ಧರಿಸಿರುವ ರಕ್ಷಣಾತ್ಮಕ ಹೆಲ್ಮೆಟ್‌ನಲ್ಲಿ ಚೆಂಡು ಬಿದ್ದರೆ ಸ್ಟ್ರೈಕರ್ ಕ್ಯಾಚ್ ಔಟ್‌ ಆಗುವುದಿಲ್ಲ, ಈ ಸಂದರ್ಭದಲ್ಲಿ ಅಂಪೈರ್ “ಡೆಡ್ ಬಾಲ್” ಎಂದು ಹೇಳಬೇಕು ಎಂದು ಸ್ಪೋರ್ಟ್ಸ್‌ ಟೈಗರ್‌.ಕಾಮ್‌ ವರದಿ ಹೇಳಿದೆ.
ಇದೇ ವಿಷಯವನ್ನು ಕಾನೂನು 23 ರಲ್ಲಿ ಪುನರುಚ್ಚರಿಸಲಾಗಿದೆ, ಇದು ಡೆಡ್ ಬಾಲ್‌ನ ಷರತ್ತುಗಳನ್ನು ಹೇಳುತ್ತದೆ ಏಕೆಂದರೆ ಅದು ಫೀಲ್ಡಿಂಗ್ ತಂಡದ ಸದಸ್ಯರು ಧರಿಸಿರುವ ರಕ್ಷಣಾತ್ಮಕ ಹೆಲ್ಮೆಟ್‌ನಲ್ಲಿ ಬಾಲ್ ಲಾಡ್ಜ್ ಮಾಡಿದಾಗ ಅದು ಡೆಡ್ ಬಾಲ್ ಎಂದು ಹೇಳುತ್ತದೆ ಎಂದು ವರದಿ ಹೇಳಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ