ಚಂಡೀಗಡ: ಶಿರೋಮಣಿ ಅಕಾಲಿದಳ (ಅಮೃತಸರ) ಮುಖ್ಯಸ್ಥ ಸಿಮ್ರನ್‌ ಜಿತ್ ಸಿಂಗ್ ಮಾನ್ ಕೇಂದ್ರದ ‘ಹರ್ ಘರ್ ತಿರಂಗ’ ಅಭಿಯಾನವನ್ನು ಬಹಿಷ್ಕರಿಸುವಂತೆ ಕರೆ ನೀಡುವ ಮೂಲಕ ವಿವಾದಕ್ಕೆ ನಾಂದಿ ಹಾಡಿದ್ದಾರೆ.
ಆಗಸ್ಟ್ 14-15 ರಂದು ಮನೆ ಮತ್ತು ಕಚೇರಿಗಳಲ್ಲಿ ನಿಶಾನ್ ಸಾಹಿಬ್ ಅನ್ನು ಹಾರಿಸಲು ನಾನು ನಿಮ್ಮನ್ನು ವಿನಂತಿಸುತ್ತೇನೆ. ನಮ್ಮ ನಡುವೆ ಇಲ್ಲದ ದೀಪ್ ಸಿಧು, ಸಿಖ್ಖರು ಸ್ವತಂತ್ರ ಮತ್ತು ವಿಭಿನ್ನ ಸಮುದಾಯ ಎಂದು ಹೇಳಿದ್ದಾರೆ” ಎಂದು ತ್ರಿವರ್ಣ ಧ್ವಜವನ್ನು ಬಹಿಷ್ಕರಿಸುವ ಸಂದರ್ಭದಲ್ಲಿ ಸಿಮ್ರನ್ಜಿತ್ ಸಿಂಗ್ ಮಾನ್ ಹೇಳಿದ್ದಾರೆ.
ಪ್ರತ್ಯೇಕತಾವಾದಿ ನಾಯಕ ಮಾನ್ ಭಾರತೀಯ ಸೇನಾ ಪಡೆಗಳನ್ನು “ಶತ್ರು” ದ ಪಡೆಗಳು ಎಂದು ಉಲ್ಲೇಖಿಸಿದ್ದಾರೆ. “ಜರ್ನೈಲ್ ಸಿಂಗ್ ಭಿಂದ್ರನ್ವಾಲೆ (ಹತ್ಯೆಯಾದ ಖಲಿಸ್ತಾನಿ ಭಯೋತ್ಪಾದಕ) ಶತ್ರುಗಳ ಪಡೆಗಳೊಂದಿಗೆ ಹೋರಾಡುವಾಗ ಹುತಾತ್ಮರಾದರು” ಎಂದು ಅವರು ಹೇಳಿದರು.
ಕಾನೂನುಬಾಹಿರ ಸಿಖ್ಸ್ ಫಾರ್ ಜಸ್ಟಿಸ್ (SFJ) ಅನ್ನು ಪ್ರತಿನಿಧಿಸುವ ನಿಯೋಜಿತ ಭಯೋತ್ಪಾದಕ ಗುರುಪತ್ವಂತ್ ಸಿಂಗ್ ಪನ್ನುನ್, ಪಂಜಾಬ್‌ನ ಜನರನ್ನು ತ್ರಿವರ್ಣ ಧ್ವಜವನ್ನು ಸುಡುವಂತೆ ಮತ್ತು ಖಲಿಸ್ತಾನಿ ಧ್ವಜವನ್ನು ಹಾರಿಸಲು ವೀಡಿಯೊ ಸಂದೇಶದಲ್ಲಿ ಪ್ರಚೋದಿಸಲು ಪ್ರಯತ್ನಿಸಿದರು.
ಬಿಜೆಪಿ, ಎಎಪಿ ಸಿಮ್ರನ್ಜಿತ್ ಸಿಂಗ್ ಮಾನ್ ಮತ್ತು ಪನ್ನುನ್ ಅವರನ್ನು ಟೀಕಿಸಿವೆ.‘ಹರ್ ಘರ್ ತಿರಂಗಾ’ ಅಭಿಯಾನದ ಬಗ್ಗೆ ಶಿರೋಮಣಿ ಅಕಾಲಿದಳದ ನಾಯಕ ತನ್ನ ನಿಲುವಿಗೆ ಟೀಕೆಗೆ ಗುರಿಯಾಗಿದ್ದಾರೆ.
ಎಎಪಿ ವಕ್ತಾರ ಮಲ್ವಿಂದರ್ ಸಿಂಗ್ ಕಾಂಗ್ ಅವರು ಸಿಮ್ರನ್ಜಿತ್ ಅವರನ್ನು ತರಾಟೆಗೆ ತೆಗೆದುಕೊಂಡರು ಮತ್ತು ತಿರಂಗಾ ಅಭಿಯಾನ ಬಹಿಷ್ಕರಿಸುವಂತೆ ಕರೆ ನೀಡುವುದು ಅವರ ನಿಜ ಬಣ್ಣವನ್ನು ತೋರಿಸುತ್ತದೆ ಎಂದು ಹೇಳಿದ್ದಾರೆ.
“ಸಾವಿರಾರು ಪಂಜಾಬಿಗಳು ದೇಶಕ್ಕಾಗಿ ತಮ್ಮ ಪ್ರಾಣವನ್ನು ತ್ಯಾಗ ಮಾಡಿರುವುದರಿಂದ ಅವರಿಗೆ ಹೆಚ್ಚಿನ ಪ್ರಾಮುಖ್ಯತೆ ನೀಡಬಾರದು. ನಾವು ಯಾವಾಗಲೂ ರಾಷ್ಟ್ರಧ್ವಜದ ಬಗ್ಗೆ ಗೌರವವನ್ನು ಹೊಂದಿದ್ದೇವೆ” ಎಂದು ಮಲ್ವಿಂದರ್ ಸಿಂಗ್ ಕಾಂಗ್ ಹೇಳಿದರು.
ಶಿರೋಮಣಿ ಅಕಾಲಿದಳ (SAD ನಾಯಕರಲ್ಲಿ ಒಬ್ಬರಾದ ಡಾ ದಲ್ಜಿತ್ ಚೀಮಾ, ಭಾರತೀಯ ಧ್ವಜವು ಪ್ರತಿಯೊಬ್ಬರಿಗೂ ಸೇರಿದ್ದು ಮತ್ತು ಪಂಜಾಬ್ ಜನರು ಅದರ ಬಗ್ಗೆ ಹೆಮ್ಮೆಪಡುತ್ತಾರೆ ಎಂದು ಹೇಳಿದರು.
ತಿರಂಗ ಎಲ್ಲರಿಗೂ ಸೇರಿದ್ದು ಮತ್ತು ಪಂಜಾಬ್‌ನ ಜನರು ತ್ರಿವರ್ಣ ಧ್ವಜದ ಬಗ್ಗೆ ಹೆಮ್ಮೆಪಡುತ್ತಾರೆ, ಏಕೆಂದರೆ ದೇಶಕ್ಕಾಗಿ ಹೆಚ್ಚಿನ ತ್ಯಾಗವನ್ನು ಪಂಜಾಬ್ ಜನರು ಮಾಡಿದ್ದಾರೆ. ಹೆಚ್ಚಿನ ಹುತಾತ್ಮರು ಸಿಖ್ ಕುಟುಂಬಗಳಿಂದ ಬಂದವ ಚೀಮಾ ಹೇಳಿದರು.
ಬಿಜೆಪಿ ನಾಯಕ ವಿನೀತ್ ಜೋಶಿ ಗುರ್ಪತ್‌ವಂತ್ ಸಿಂಗ್ ಪನುನ್ ಅವರನ್ನು ಕಟುವಾಗಿ ಟೀಕಿಸಿದರು ಮತ್ತು ಜನರು ಖಲಿಸ್ತಾನವನ್ನು ತಿರಸ್ಕರಿಸಿದ್ದಾರೆ ಮತ್ತು ಕಷ್ಟಪಟ್ಟು ಸಂಪಾದಿಸಿದ ಶಾಂತಿಯ ಮೌಲ್ಯವನ್ನು ಅರ್ಥಮಾಡಿಕೊಂಡಿದ್ದಾರೆ ಎಂದು ಹೇಳಿದರು.
ಗುರುಪತ್ವಂತ್ ಸಿಂಗ್ ಪನ್ನೂನ್‌ ಐಎಸ್‌ಐ ತಾಳಕ್ಕೆ ತಕ್ಕಂತೆ ಕುಣಿದು ದೇಶದಲ್ಲಿ ಅಶಾಂತಿ ಸೃಷ್ಟಿಸಲು ಯತ್ನಿಸುತ್ತಿದ್ದಾರೆ. ಆದರೆ ಅವರು ನೀಡಿದ ಬಹುತೇಕ ಕರೆಗಳು ಜನರಿಂದ ಸ್ಪಂದನೆ ಪಡೆಯುವಲ್ಲಿ ವಿಫಲವಾಗಿವೆ. ಆತನನ್ನು ಗಡಿಪಾರು ಮಾಡಲು ಸರಕಾರ ಪ್ರಯತ್ನಿಸಬೇಕು ಎಂದು ವಿನೀತ್ ಜೋಶಿ ಹೇಳಿದರು.
ನಿಮ್ಮ ಕಾಮೆಂಟ್ ಬರೆಯಿರಿ