ಗದಗ: ಜಿಎಂಆರ್‌ ಗ್ರುಪ್‌ನ ರಕ್ಷಾ ಸೆಕ್ಯುರಿಟಿ ಸರ್ವಿಸಸ್‌ ಪ್ರೈವೇಟ್‌ ಲಿಮಿಟೆಡ್‌ ವತಿಯಿಂದ ಸೆಕ್ಯುರಿಟಿಗಳನ್ನು ಕಂಪನಿ ನೇರ ನೇಮಕಾತಿ ಮಾಡಿಕೊಳ್ಳಲಾಗುತ್ತಿದ್ದು, ಇದರ ವಾಕ್‌ ಇನ್‌ ಸಂದರ್ಶನ ಗದಗದ ಹತಲಗೇರಿ ನಾಕಾದ ಸಮೀಪದ ಕೆಎಸ್‌ಎಸ್‌ ಆರ್ಟ್ಸ್‌ ಮತ್ತು ಕಾಮರ್ಸ್‌ ಕಾಲೇಜಿನಲ್ಲಿ ನವೆಂಬರ್‌ 27ರಂದು ಬೆಳಿಗ್ಗೆ 10 ಗಂಟೆಗೆ ಆಯೋಜಿಸಲಾಗಿದೆ.
ನೇಮಕಾತಿ ಸಂದರ್ಶನಕ್ಕೆ ಹಾಜರಾಗುವವರು ಎಸ್‌ಎಸ್‌ಎಲ್‌ಸಿ, ದ್ವಿತೀಯ ಪಿಯುಸಿ, ಯಾವುದೇ ಪದವಿಧರರಾಗಿರಬೇಕು. ವಯಸ್ಸು 18ರಿಂದ 35 ವರ್ಷ ಆಗಿರಬೇಕು, ಅಭ್ಯರ್ಥಿ ಎತ್ತರ 167 ಸೆಂಮೀ ಇರಬೇಕು, ತೂಕ 50 ಕಿಗ್ರಾಂ ಅಥವಾ ಅದಕ್ಕಿಂತ ಹೆಚ್ಚಿಗೆ ಇರಬೇಕು. ಎದೆ ಅಗಲ 80-85 ಸೆಂಮೀ ಇರಬೇಕು. ವೈದ್ಯಕೀಯ ಪ್ರಮಾಣ ಪತ್ರ ಹಾಗೂ ವಿಮೆ ಹೊಂದಿರಬೇಕು. ಕೆಲಸದ ಪ್ರದೇಶ ಅಖಿಲ ಭಾರತ ಮಟ್ಟದಲ್ಲಿ ಎಂದು ತಿಳಿಸಲಾಗಿದ್ದು, ಆದರೆ ಕರ್ನಾಟಕದವರಿಗೆ ಕರ್ನಾಟಕದಲ್ಲಿಯೇ ಉದ್ಯೋಗದ ಸ್ಥಳ ನಿಗದಿ ಮಾಡಲಾಗುತ್ತದೆ ಎಂದೂ ತಿಳಿಸಲಾಗಿದೆ.
ಕೆಲಸವು ಹೈದರಾಬಾದ್‌, ದೆಹಲಿ, ಬೀದರ ವಿಮಾನ ನಿಲ್ದಾಣಗಳು, ಹೈವೇ ಟೋಲ್‌ಗೇಟ್‌ಗಳು, ಬೆಂಗಳೂರಿನ ಆಸ್ತ್ರಾ ಝೆಂಕಾ ಇಂಡಿಯಾ ಪ್ರೈವೇಟ್‌ ಲಿಮಿಟೆಡ್‌ ಕಂಪನಿ, ಬೆಂಗಳೂರಿನ ಕಾರ್ಪೋರೇಟ್‌ ಆಫೀಸ್‌, ಬೆಂಗಳೂರಿನ ಬಾಶ್‌ ಕಂಪನಿ, ಕೃಷ್ಣಗಿರಿ ಎಸ್‌ಇಝಡ್‌, ವಿದ್ಯುತ್‌ ಘಟಕಗಳು ಹಾಗೂ ಕಾರ್ಗೋ ಸೇವೆಗಳು ಕೆಲಸದ ಸ್ಥಳದಲ್ಲಿ ಸೇರಿವೆ ಎಂದು ತಿಳಿಸಲಾಗಿದೆ.
ಉಚಿತ ಊಟ ಹಾಗೂ ವಸತಿ ನೀಡಲಾಗುತ್ತದೆ. ಪ್ರಯಾಣದ ವೆಚ್ಚ, ಉಚಿತ ಸಮವಸ್ತ್ರ, ಬೂಟು ಇತ್ಯಾದಿ ನೀಡಲಾಗುತ್ತದೆ. ವೈದ್ಯಕೀಯ ವೆಚ್ಚ ಹಾಗೂ ವಿಮೆ ಸಹ ನೀಡಲಾಗುತ್ತದೆ ಎಂದು ತಿಳಿಸಲಾಗಿದೆ.
ಹೆಚ್ಚಿನ ಮಾಹಿತಿ ಬೇಕಾದವರು ಮೊಬೈಲ್‌ ಸಂಖ್ಯೆ-6363101143, 7975111674 ಸಂಪರ್ಕಿಸಬಹುದಾಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ