ಬೆಂಗಳೂರು : ಬೆಂಗಳೂರಿನಲ್ಲಿ ಕೋವಿಡ್ ಆಸ್ಪತ್ರೆಗಳ ಬೆಡ್ ಬ್ಲಾಕಿಂಗ್ ಹಗರಣ ಬಯಲಾಗುತ್ತಿದ್ದಂತೆಯೇ ಬುಧವಾರ ಬೆಂಗಳೂರಿನಲ್ಲಿ 3 ಸಾವಿರಕ್ಕಿಂತ ಅಧಿಕ ಬೆಡ್ಗಳು ಖಾಲಿ ಇರುವುದಾಗಿ ವೆಬ್ಸೈಟ್ ತೋರಿಸುತ್ತಿದೆ…!
ಮಂಗಳವಾರದ ನಗರದ ಆಸ್ಪತ್ರೆಗಳಲ್ಲಿ ಬೆಡ್ ಲಭ್ಯತೆಯ ಬಗ್ಗೆ ವೆಬ್ಸೈಟ್ಗಳಲ್ಲಿ ಕೆಲವೇ ಸಂಖ್ಯೆ ತೋರಿಸುತ್ತಿತ್ತು ಎಂದು ವರದಿಯಾಗಿತ್ತು. ಯಾವಾಗ ಆಸ್ಪತ್ರೆಗಳಲ್ಲಿನ ಬೆಡ್ಗಳನ್ನು ಆನ್ಲೈನ್ನಲ್ಲಿ ಬ್ಲಾಕ್ ಮಾಡಿ ಹಣ ಕೇಳಿದಷ್ಟು ಹಣ ಕೊಟ್ಟವರಿಗೆ ಬೆಡ್ ನೀಡುವ ದಂಧೆ ಬಯಲಾಗಿ ಕೆಲವರ ಬಂಧನವಾಯಿತೋ ಈಗ ಒಂದೇ ಸಮನೆ ಆಸ್ಪತ್ರೆಗಳಲ್ಲಿ ಬೆಡ್ಗಳ ಲಭ್ಯತೆ ಸಂಖ್ಯೆ ಏರಿಕೆಯಾಗಿದೆ. ಬರೋಬ್ಬರಿ 3,210 ಬೆಡ್ಗಳು ಖಾಲಿ ಇದೆ ಎಂದು ಈ ಸಂಜೆ ವರದಿ ಮಾಡಿದೆ.
ಬೆಂಗಳೂರು ನಗರದ ದಕ್ಷಿಣ ವಲಯದ ಕೋವಿಡ್ ವಾರ್ ರೂಂನಿಂದ ವಿವಿಧ ವಲಯಗಳ ಕೋವಿಡ್ ಸೋಂಕಿತರಿಗೆ ಅರಿವಿಲ್ಲದಂತೆಯೇ ಬೆಡ್ ಬುಕಿಂಗ್ ಮಾಡಿ ದಂಧೆ ನಡೆಸುತ್ತಿದ್ದ ಹಗರಣವನ್ನು ಸಂಸದ ತೇಜಸ್ವಿ ಸೂರ್ಯ , ಶಾಸಕರಾದ ಸತೀಶ ರೆಡ್ಡಿ, ರವಿ ಸುಬ್ರಹಣ್ಯ ಅವರು ಮಂಗಳವಾರ ಬಯಲು ಮಾಡಿದ್ದರು. ಬಳಿಕ ವಾರ್ ರೂಂ 17 ಮಂದಿ ಗುತ್ತಿಗೆ ಸಿಬ್ಬಂದಿಯನ್ನು ಕೆಲಸದಿಂದ ವಜಾಗೊಳಿಸಲಾಗಿತ್ತು.
ಈ ಸಂಜೆ ವರದಿ ಪ್ರಕಾರ, ಮಂಗಳವಾರದ ವರೆಗೂ 12,736 ಸರ್ಕಾರಿ ಕೋಟಾದ ಬೆಡ್ಗಳ ಪೈಕಿ ಐಸಿಯು, ವೆಂಟಿಲೇಟರ್ ಇರುವ ಕೇವಲ ಬೆರಳೆಣಿಕೆಯಷ್ಟು ಮಾತ್ರ ಬೆಡ್ಗಳು ಖಾಲಿ ತೋರಿಸುತ್ತಿದ್ದ ಲೈವ್ ಸೆಂಟ್ರಲ್ ಹಾಸ್ಪಿಟಲ್ ಬೆಡ್ ಮ್ಯಾನೇಜ್ಮೆಂಟ್ ವೆಬ್ಸೈಟ್, ಬುಧವಾರ ಬರೋಬ್ಬರಿ 3,210 ಬೆಡ್ಗಳು ಖಾಲಿ ಎಂದು ತೋರಿಸುತ್ತಿದೆ.
ಸರ್ಕಾರಿ ಮೆಡಿಕಲ್ ಕಾಲೇಜು ಆಸ್ಪತ್ರೆಯಲ್ಲಿ 12, ಸರ್ಕಾರಿ ಆಸ್ಪತ್ರೆಯಲ್ಲಿ 67, ಖಾಸಗಿ ಮೆಡಿಕಲ್ ಕಾಲೇಜಿನಲ್ಲಿ 1,197, ಖಾಸಗಿ ಆಸ್ಪತ್ರೆಯಲ್ಲಿ 402, ಸೇರಿ ಒಟ್ಟು 1,693 ಬೆಡ್ಗಳು ಖಾಲಿ ಇವೆ.ಅಲ್ಲದೆ ಶೇ.10 ರಷ್ಟು ಆಕ್ಸಿಜನ್ ಲಭ್ಯವಿರುವ ಕೋವಿಡ್ ಕೇರ್ ಸೆಂಟರ್ಗಳಲ್ಲೂ 1,517 ಬೆಡ್ಗಳು ಖಾಲಿ ಇವೆ. 127 ಖಾಸಗಿ ಆಸ್ಪತ್ರೆಗಳಲ್ಲಿ ಸರ್ಕಾರಿ ಕೋಟಾದ 29 ಐಸಿಯು, 13 ವೆಂಟಿಲೇಟರ್ ಬೆಡ್ಗಳು ಖಾಲಿ ಇವೆ.
ನಿಮ್ಮ ಕಾಮೆಂಟ್ ಬರೆಯಿರಿ