ನವದೆಹಲಿ: ಆರ್ಥಿಕವಾಗಿ ಸಂಕಷ್ಟಕ್ಕೆ ಸಿಲುಕಿರುವ ಎನ್ಎಂಸಿ (NMC) ಹೆಲ್ತ್ ಸಂಸ್ಥಾಪಕರ ವಿರುದ್ಧ ಸುಮಾರು $131 ಮಿಲಿಯನ್ ಹಣ (ಸುಮಾರು 968.27 ಕೋಟಿ ರೂ.ಗಳು) ಬಾರ್ಕ್ಲೇಸ್ ಕಾನೂನು ಹೋರಾಟವನ್ನು ಗೆದ್ದಿದೆ.
2020 ರಲ್ಲಿ ಬಾರ್ಕ್ಲೇಸ್ನೊಂದಿಗಿನ ವಹಿವಾಟು ಒಪ್ಪಂದವನ್ನು ಪೂರೈಸಲು ವಿದೇಶಿ ವಿನಿಮಯ ವ್ಯವಹಾರ ವಿಫಲವಾದ ನಂತರ ದುಬೈ ನ್ಯಾಯಾಧೀಶರು ಭಾರತದ ಅನಿವಾಸಿ ಉದ್ಯಮಿ ಬಿ.ಆರ್. ಶೆಟ್ಟಿ (ಬಾವಗುತ್ತು ರಘುರಾಮ ಶೆಟ್ಟಿ )ಅವರಿಗೆ ಹಣವನ್ನು ಪಾವತಿಸಲು ಆದೇಶಿಸಿದ ನಂತರ ಸಾಲದಾತ ಲಂಡನ್ ನ್ಯಾಯಾಲಯದ ಮೊರೆ ಹೋಗಿದ್ದರು. ಈಗ ಲಂಡನ್ ಕೋರ್ಟ್ ಬಿ.ಆರ್.ಶೆಟ್ಟಿ ಅವರಿಗೆ ಬಾರ್ಕ್ಲೇಸ್ಗೆ 968.27 ಕೋಟಿ ರೂ.ಪಾವತಿಸಬೇಕು ಎಂದು ಹೇಳಿದೆ.
ಬಿ.ಆರ್.ಶೆಟ್ಟಿ ಅವರು ಆರ್ಥಿಕವಾಗಿ ತೊಂದರೆಗೆ ಒಳಗಾಗಿದ್ದಾರೆ ಮತ್ತು ಅವರು ಸರಿಯಾದ ಕಾನೂನು ಪ್ರಾತಿನಿಧ್ಯವನ್ನು ಪಡೆಯಲು ಮೊಕದ್ದಮೆಯನ್ನು ಮುಂದೂಡುವಂತೆ ಶೆಟ್ಟಿ ಅವರ ವಕೀಲರು ಡಿಸೆಂಬರ್ ವಿಚಾರಣೆಯಲ್ಲಿ ಕೇಳೊಕೊಂಡಿದ್ದರು. ಆದರೆ ಲಂಡನ್ ನ್ಯಾಯಾಧೀಶರು ಸೋಮವಾರ ಆ ಅರ್ಜಿಯನ್ನು ತಿರಸ್ಕರಿಸಿದರು.
2020ರಲ್ಲಿ ಬಾರ್ಕ್ಲೇಸ್ ಜೊತೆ ಹಣಕಾಸು ವ್ಯವಹಾರ ಮಾಡಿಕೊಂಡಿದ್ದ ಬಿ.ಆರ್ ಶೆಟ್ಟಿ ಒಡೆತನದ ವಿದೇಶಿ ಹಣ ವಿನಿಮಯ ಸಂಸ್ಥೆ ಎನ್ಎಂಸಿ (NMC) ಹೆಲ್ತ್, ಇದನ್ನು ಮಾರುಪಾವತಿ ಮಾಡಲು ವಿಫಲವಾಗಿತ್ತು. ಹೀಗಾಗಿ ಹಣ ವಸೂಲಿ ಮಾಡಿಕೊಡಬೇಕು ಎಂದು ಬಾರ್ಕ್ಲೇಸ್, ದುಬೈ ಕೋರ್ಟ್ ಮೊರೆ ಹೋಗಿತ್ತು. ಬಾರ್ಕ್ಲೇಸ್ ಅರ್ಜಿ ವಿಚಾರಣೆ ನಡೆಸಿದ ದುಬೈ ಕೋರ್ಟ್ ಇದೀಗ ಬಾರ್ಕ್ಲೇಸ್ ಸಂಸ್ಥೆಗೆ 131 ಮಿಲಿಯನ್ ಡಾಲರ್ ಪಾವತಿ ಮಾಡಬೇಕು ಎಂದು ಆದೇಶಿಸಿದೆ. ಲಂಡನ್ನಲ್ಲಿ ನಡೆದ ಈ ವಿಚಾರಣೆಯಲ್ಲಿ ಭಾಗಿಯಾಗಿದ್ದ ಬಿ.ಆರ್ ಶೆಟ್ಟಿ ಪರ ವಕೀಲರು, ಈಗಾಗಲೇ ಶೆಟ್ಟಿ ಹಣಕಾಸು ತೊಂದರೆಗೆ ಸಿಲುಕಿದ್ದಾರೆ. ಹೀಗಾಗಿ ದಾಖಲೆಗಳನ್ನು ಸಲ್ಲಿಕೆ ಮಾಡಲು ಪ್ರಕರಣವನ್ನು ಮುಂದೂಡಬೇಕು ಎಂದು ಮನವಿ ಮಾಡಿದರು. ಆದರೆ ಕೋರ್ಟ್ ಬಿ.ಆರ್ ಶೆಟ್ಟಿ ಪರ ವಕೀಲರ ಮನವಿಯನ್ನು ತಳ್ಳಿ ಹಾಕಿತು.
ಈ ತೀರ್ಪಿನ ವಿರುದ್ಧ ಮೇಲ್ಮನವಿ ಸಲ್ಲಿಸುವುದಾಗಿ ಶೆಟ್ಟಿ ಪರ ವಕೀಲರು ತಿಳಿಸಿದ್ದಾರೆ. ಕಾಮೆಂಟ್ಗಾಗಿ ಮಾಡಿದ ವಿನಂತಿಗೆ ಬಾರ್ಕ್ಲೇಸ್ ತಕ್ಷಣವೇ ಪ್ರತಿಕ್ರಿಯಿಸಲಿಲ್ಲ.
ದುಬೈನಲ್ಲಿ ಎನ್ಎಂಸಿ ಹೆಲ್ತ್ ಎನ್ನುವ ವೈದ್ಯಕೀಯ ಸಂಸ್ಥೆ ಸ್ಥಾಪಿಸಿದ್ದ ಬಿ.ಆರ್ ಶೆಟ್ಟಿ, ಅದರಲ್ಲಿ ಭಾರೀ ನಷ್ಟ ಅನುಭವಿಸಿದ್ದರು. ಪರಿಣಾಮ ತಾನು ಸ್ಥಾಪಿಸಿದ ಕಂಪನಿಯಿಂದಲೇ ಹೊರ ಹಾಕಲ್ಪಟ್ಟಿದ್ದರು. ಬಳಿಕ ವಿಶ್ವಾದ್ಯಂತ ಇರುವ ಅವರ ಆಸ್ತಿಯನ್ನು ಮುಟ್ಟುಗೋಲು ಹಾಕಬೇಕು ಎಂದು ಲಂಡನ್ ಕೋರ್ಟ್ ಆದೇಶ ಮಾಡಿತ್ತು. ಈಗ ಬಿ. ಆರ್. ಶೆಟ್ಟಿ ಬ್ಯಾಂಕ್ ಬಾರ್ಕ್ಲೇಸ್ಗೆ 131 ಮಿಲಿಯನ್ ಡಾಲರ್ (ಸುಮಾರು 968.27 ಕೂಟಿ ರೂ.ಗಳು) ಪಾವತಿಸಲು ಆದೇಶಿಸಿದೆ. ಜೊತೆಗೆ ಭಾರತ ಸೇರಿದಂತೆ ಇತರ ದೇಶಗಳು, ಲಂಡನ್ ನಲ್ಲಿರುವ ಬಿ.ಆರ್.ಶೆಟ್ಟಿ ಅವರ ಆಸ್ತಿ ಪಾಸ್ತಿಗಳನ್ನು ಮುಟ್ಟುಗೋಲು ಹಾಕಿಕೊಳ್ಳಲು ಬ್ಯಾಂಕ್ ಪ್ರತಿನಿಧಿಗಳು ನ್ಯಾಯಾಲಯದಿಂದ ಅನುಮತಿ ಪಡೆದುಕೊಂಡಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ