ನಾಯಿಗಳು ಸಾವನ್ನು ಹೇಗೆ ನಿಖರವಾಗಿ ಗ್ರಹಿಸುತ್ತವೆ ಎಂಬುದು ಬಹಳ ಹಿಂದಿನಿಂದಲೂ ಇರುವ ಒಗಟು. ಆದಾಗ್ಯೂ, ಅವುಗಳು ಭಾವನೆಗಳನ್ನು ಅರ್ಥಮಾಡಿಕೊಳ್ಳುತ್ತವೆ ಮತ್ತು ತಮ್ಮ ಸಹಚರರ ಸಾವಿಗೆ ಶೋಕಿಸುತ್ತವೆ.
ಈ ವೈರಲ್‌ ವೀಡಿಯೊದಲ್ಲಿ ನಾಯಿಗಳ ಗುಂಪೊಂದು ತಮ್ಮ ಸತ್ತ ಸ್ನೇಹಿತನಿಗೆ ಭಾವನಾತ್ಮಕ ವಿದಾಯ ಹೇಳಿವೆ.
ಐಎಎಸ್ ಅವನೀಶ್ ಶರಣ್ ಅವರು ಹಂಚಿಕೊಂಡಿರುವ ವೀಡಿಯೊದ 45 ಸೆಕೆಂಡುಗಳ ಕ್ಲಿಪ್‌ನಲ್ಲಿ, ನಾಯಿಗಳ ಗುಂಪು ಮತ್ತೊಂದು ನಾಯಿಯನ್ನು ಸಮಾಧಿ ಮಾಡುವುದನ್ನು ಕಾಣಬಹುದು. ಅವರು ಒಟ್ಟಿಗೆ ಗುಂಡಿಯನ್ನು ಅಗೆದು ತಮ್ಮ ಸ್ನೇಹಿತನನ್ನು ಹೂಳಿದರು. ನಾಯಿಯ ದೇಹವನ್ನು ಮುಚ್ಚಲು ಅವರು ತಮ್ಮ ಬಾಯಿಯಿಂದ ಮರಳನ್ನು ಹಾಕುತ್ತಾರೆ. ವೀಡಿಯೋ ಖಂಡಿತವಾಗಿಯೂ ನಿಮ್ಮನ್ನು ಕದಲಿಸುತ್ತದೆ ಮತ್ತು ನಿಮ್ಮ ಕಣ್ಣಲ್ಲಿ ನೀರು ಬರುವಂತೆ ಮಾಡಬಹುದು.
ಅವಿನಾಶ ಶರಣ್ ಅವರು ‘ಪ್ರಾಣಿಗಳು’ ಎಂಬ ಶೀರ್ಷಿಕೆಯೊಂದಿಗೆ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಈ ಮನಕಲಕುವ ವೀಡಿಯೋ ಜನರನ್ನು ಭಾವುಕರನ್ನಾಗಿಸಿದೆ. ತಮ್ಮ ಸಹಚರ ಪ್ರಾಣಿಗಳಿಗೆ ಅಂತಹ ಘನತೆ ಮತ್ತು ಪ್ರೀತಿಯ ಪ್ರಜ್ಞೆಯನ್ನು ಪ್ರದರ್ಶಿಸಿದ್ದಕ್ಕಾಗಿ ಅನೇಕರು ನಾಯಿಗಳಿಗೆ ಶಹಬ್ಬಾಸ್‌ ಎಂದು ಹೇಳಿದ್ದಾರೆ.
ಮನುಷ್ಯರು ಪ್ರಾಣಿಗಳಿಂದ ಕಲಿಯುವುದು ಬಹಳಷ್ಟಿದೆ ಎಂದು ಹಲವರು ಹೇಳಿದರು. ಒಬ್ಬರು, ಪ್ರಾಣಿಗಳು ಹೇಗೆ ಪ್ರೀತಿಸಬೇಕೆಂದು ನಮಗೆ ಕಲಿಸಲು ಭೂಮಿಗೆ ಕಳುಹಿಸಲಾದ ಚಿಕ್ಕ ದೇವತೆಗಳಂತೆ. ಅವರು ಕೋಪಗೊಳ್ಳುವುದಿಲ್ಲ ಅಥವಾ ಕ್ಷುಲ್ಲಕ ಆಟಗಳನ್ನು ಆಡುವುದಿಲ್ಲ. ಅವುಗಳು ಯಾವಾಗಲೂ ನಮ್ಮೊಂದಿಗೆ ಇರುತ್ತವೆ ಎಂದು ಬರೆದಿದ್ದಾರೆ.. ಇನ್ನೊಬ್ಬರು, ಮನುಷ್ಯನ ಬಳಿ ಹಣವಿದೆ, ಅಹಂಕಾರವಿದೆ. ಪ್ರಾಣಿಗಳಿಗೆ ಪ್ರೀತಿ, ಗೌರವ ಮತ್ತು ಭಾವನೆಗಳಿವೆ ಎಂದು ಬರೆದಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ