ನವ ದೆಹಲಿ: ರಷ್ಯಾದ ಒಂದೇ-ಡೋಸ್ ಕೋವಿಡ್‌ -19 ಲಸಿಕೆ ಸ್ಪುಟ್ನಿಕ್ ಲೈಟ್ ಭಾರತದಲ್ಲಿ ಉತ್ಪಾದನೆಯಾಗಲಿದೆ,
ಈ ಲಸಿಕೆಯ ಪೂರ್ವವರ್ತಿಗಳಾದ ಸ್ಪುಟ್ನಿಕ್ ವಿ ಉತ್ಪಾದನೆಯಂತೆಯೇ ಇದರ ಉತ್ಪಾದನೆಯೂ ದೇಶದಲ್ಲಿ ನಡೆಯುತ್ತದೆ.
ಸ್ಪುಟ್ನಿಕ್ ವಿ ಉತ್ಪಾದನೆಯಾಗುವ ಅದೇ ದೇಶಗಳಲ್ಲಿ ಇದನ್ನು ಉತ್ಪಾದಿಸಲಾಗುವುದು. ಆದ್ದರಿಂದ ಇದು ಭಾರತ, ಕೊರಿಯಾ ಮತ್ತು ಚೀನಾದಲ್ಲಿ ಉತ್ಪಾದನೆಯಾಗಲಿದೆ” ಎಂದು ವರ್ಚುವಲ್ ಪ್ರೆಸ್ಸರ್‌ನಲ್ಲಿ ರಷ್ಯಾದ ನೇರ ಹೂಡಿಕೆ ನಿಧಿಯ (ಆರ್‌ಡಿಐಎಫ್) ಸಿಇಒ ಕಿರಿಲ್ ಡಿಮಿಟ್ರಿವ್ ಹೇಳಿದ್ದಾರೆ.
“ಇತರ ಹಲವು ದೇಶಗಳು ಈಗಾಗಲೇ ಸ್ಪುಟ್ನಿಕ್ ವಿ ಲಸಿಕೆ ಉತ್ಪಾದಿಸುತ್ತವೆ. ಆದ್ದರಿಂದ ಉತ್ಪಾದನೆಯ ಅದೇ ಸಾಮರ್ಥ್ಯಗಳನ್ನು ಬಳಸಬಹುದು ಏಕೆಂದರೆ ಮೂಲತಃ, ಸ್ಪುಟ್ನಿಕ್ ಲೈಟ್ ಎಂಬ ಲಸಿಕೆಯು ಸ್ಪುಟ್ನಿಕ್ ವಿ ಲಸಿಕೆಯ ಮೊದಲ ಶಾಟ್ ಆಗಿರುತ್ತದೆ. ಆದ್ದರಿಂದ ನಾವು ಅಸ್ತಿತ್ವದಲ್ಲಿದ್ದ ಅದೇ ಉತ್ಪಾದನಾ ಸಾಮರ್ಥ್ಯವನ್ನು ಬಳಸುತ್ತೇವೆ ಎಂದು ಅವರು ಹೇಳಿದರು.
ರಷ್ಯಾದ ಆರೋಗ್ಯ ಸಚಿವಾಲಯ, ಗಮಲೇಯ ನ್ಯಾಷನಲ್ ರಿಸರ್ಚ್ ಸೆಂಟರ್ ಆಫ್ ಎಪಿಡೆಮಿಯಾಲಜಿ ಅಂಡ್ ಮೈಕ್ರೋಬಯಾಲಜಿ ಮತ್ತು ಆರ್‌ಡಿಐಎಫ್ ಗುರುವಾರ ಸ್ಪುಟ್ನಿಕ್ ಲೈಟ್ ರಷ್ಯಾದಲ್ಲಿ ಬಳಕೆಗೆ ಅನುಮತಿ ಪಡೆದಿದೆ ಎಂದು ಪ್ರಕಟಿಸಿದೆ. ರಷ್ಯಾದ ಲಸಿಕೆಯ ಹಿಂದೆ ಆರ್‌ಡಿಐಎಫ್ ಮತ್ತು ಗಮಲೇಯಾ ಸಂಸ್ಥೆ ಇವೆ. ಆರ್‌ಡಿಐಎಫ್ ಪ್ರಕಾರ, ಸ್ಪುಟ್ನಿಕ್ ಲೈಟ್ ಲಸಿಕೆ 79.4% ಪರಿಣಾಮಕಾರಿತ್ವವನ್ನು ಪ್ರದರ್ಶಿಸಿದೆ. ರಷ್ಯಾ, ಯುಎಇ, ಘಾನಾ ಮತ್ತು ಇತರ ದೇಶಗಳಲ್ಲಿ 7,000 ಜನರು ಅದರ ಮೂರನೇ ಹಂತದ ಕ್ಲಿನಿಕಲ್ ಅಧ್ಯಯನದಲ್ಲಿ ಭಾಗಿಯಾಗಿದ್ದರು.
ಭಾರತವು ಸ್ಪುಟ್ನಿಕ್ ವಿ ಲಸಿಕೆಗೆ ಅನುಮೋದನೆ ನೀಡಿದೆ ಮತ್ತು ಮೊದಲ ಹಂತದ ಈ ಲಸಿಕೆ ರವಾನೆ ಮೇ 1 ರಂದು ದೇಶಕ್ಕೆ ಬಂದಿದೆ. ವಾಸ್ತವವಾಗಿ, ಆರ್‌ಡಿಐಎಫ್ ಐದು ಭಾರತೀಯ ಕಂಪನಿಗಳೊಂದಿಗೆ ಒಪ್ಪಂದ ಮಾಡಿಕೊಂಡಿದ್ದು, ದೇಶದಲ್ಲಿ 850 ಮಿಲಿಯನ್ ಡೋಸ್ ಲಸಿಕೆಗಳನ್ನು ಉತ್ಪಾದಿಸುತ್ತದೆ. ಅದನ್ನು ಭಾರತ ಮತ್ತು ರಷ್ಯಾದಲ್ಲಿ ಬಳಸಲಾಗುತ್ತದೆ. 3ನೇ ದೇಶಕ್ಕೆ ರಫ್ತು ಮಾಡಲಾಗುತ್ತದೆ.
ರಷ್ಯಾದ ಭಾರತೀಯ ರಾಯಭಾರಿ ಬಾಲಾ ವೆಂಕಟೇಶ್ ವರ್ಮಾ ಅವರು, “ಮುಂದಿನ ತಿಂಗಳುಗಳಲ್ಲಿ 60-70% ಕ್ಕಿಂತ ಹೆಚ್ಚು ಸ್ಪುಟ್ನಿಕ್ ಲಸಿಕೆ ಭಾರತದಲ್ಲಿ ಉತ್ಪಾದನೆಯಾಗುತ್ತದೆ ಎಂದು ನಾವು ನಿರೀಕ್ಷಿಸುತ್ತೇವೆ” ಎಂದು ಹೇಳಿದರು.
60 ಕ್ಕೂ ಹೆಚ್ಚು ದೇಶಗಳು ಸ್ಪುಟ್ನಿಕ್ ವಿ ಗೆ ಅನುಮೋದನೆ ನೀಡಿವೆ ಮತ್ತು ಮೇ 5 ರ ಹೊತ್ತಿಗೆ, ಜಾಗತಿಕವಾಗಿ 20 ದಶಲಕ್ಷಕ್ಕೂ ಹೆಚ್ಚು ಜನರು ಸ್ಪುಟ್ನಿಕ್ ವಿ ಲಸಿಕೆಯ ಮೊದಲ ಚುಚ್ಚುಮದ್ದನ್ನು ಪಡೆದಿದ್ದಾರೆ. ಏತನ್ಮಧ್ಯೆ, ರಷ್ಯಾದ ಅಧಿಕಾರಿಗಳ ಪ್ರಕಾರ ಜಾಗತಿಕವಾಗಿ ಸ್ಪುಟ್ನಿಕ್ ಲೈಟ್ ಲಸಿಕೆಯ ಬೆಲೆ 10 ಡಾಲರ್‌ ಗಿಂತ ಕಡಿಮೆಯಿರುತ್ತದೆ ಮತ್ತು ಇದನ್ನು +2 ರಿಂದ +8 ತಾಪಮಾನದಲ್ಲಿ ಇಡಬಹುದು. ಕಿರಿಲ್ ಡಿಮಿಟ್ರಿವ್ ಪ್ರಪಂಚದಾದ್ಯಂತದ ವಿವಿಧ ನಿಯಂತ್ರಕರು ಇದಕ್ಕೆ ಅನುಮೋದನೆ ನೀಡುವ ಭರವಸೆ ಹೊಂದಿದ್ದಾರೆ, ಕೆಲವು ಅನುಮೋದನೆಗಳು ಮುಂದಿನ ವಾರದ ಆರಂಭದಲ್ಲಿ ನಿರೀಕ್ಷಿಸಲಾಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ