ಬರೇಲಿ: ದೆಹಲಿಯಿಂದ ಕಠ್ಮಂಡುವಿಗೆ ಸೈಕ್ಲಿಂಗ್ ಮಾಡುತ್ತಿದ್ದ ಇಬ್ಬರು ಫ್ರೆಂಚ್ ಪ್ರವಾಸಿಗರು ದಾರಿ ತಪ್ಪಿ ಬರೇಲಿಯ ಚುರೈಲಿ ಅಣೆಕಟ್ಟಿನ ಬಳಿ ತಲುಪಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ರಾತ್ರಿ ಸೈಕ್ಲಿಂಗ್ ಮಾಡುತ್ತಿದ್ದ ಇವರಿಬ್ಬರನ್ನು ಕೆಲವು ಗ್ರಾಮಸ್ಥರು ಗಮನಿಸಿ ಚುರೈಲಿ ಪೊಲೀಸ್ ಹೊರ ಠಾಣೆಗೆ ಕರೆದೊಯ್ದಿದ್ದಾರೆ. ಪೊಲೀಸರು ಸೈಕ್ಲಿಸ್ಟ್‌ಗಳನ್ನು ರಾತ್ರಿ ಗ್ರಾಮದ ಪ್ರಧಾನ ಅವರ ಮನೆಯಲ್ಲಿ ಇರಿಸಿದರು ಮತ್ತು ಅವರು ಹೋಗಬೇಕಾದ ಮಾರ್ಗದ ಸೂಚನೆಗಳೊಂದಿಗೆ ಶುಕ್ರವಾರ ಅವರನ್ನು ನೇಪಾಳಕ್ಕೆ ಕಳುಹಿಸಿದರು.
ಫ್ರೆಂಚ್ ಪ್ರಜೆಗಳಾದ ಬ್ರಿಯಾನ್ ಜಾಕ್ವೆಸ್ ಗಿಲ್ಬರ್ಟ್ ಮತ್ತು ಸೆಬಾಸ್ಟಿಯನ್ ಫ್ರಾಂಕೋಯಿಸ್ ಗೇಬ್ರಿಯಲ್ ಅವರು ಜನವರಿ 7 ರಂದು ಫ್ರಾನ್ಸ್‌ನಿಂದ ದೆಹಲಿಗೆ ವಿಮಾನದ ಮೂಲಕ ಬಂದಿದ್ದರು ಎಂದು ಬಹೇರಿ ಸರ್ಕಲ್ ಅಧಿಕಾರಿ ಅರುಣಕುಮಾರ ಸಿಂಗ್ ಹೇಳಿದ್ದಾರೆ.
“ಅವರು ಪಿಲಿಭಿತ್‌ನಿಂದ ತನಕಪುರ ಮೂಲಕ ನೇಪಾಳದ ಕಠ್ಮಂಡುವಿಗೆ ಹೋಗಬೇಕಾಗಿತ್ತು. ಇಬ್ಬರೂ ವಿದೇಶಿಯರನ್ನು ಕತ್ತಲೆಯಲ್ಲಿ ಗೂಗಲ್ ನಕ್ಷೆಗಳು ಅವರಿಗೆ ಬೇರೆ ದಾರಿ ತೋರಿಸಿತು. ಅಪ್ಲಿಕೇಶನ್ ಅವರಿಗೆ ಬರೇಲಿಯ ಬಹೇರಿ ಮೂಲಕ ಶಾರ್ಟ್‌ಕಟ್ ಅನ್ನು ತೋರಿಸಿತು, ಇದರಿಂದಾಗಿ ಅವರು ದಾರಿ ತಪ್ಪಿ ಚುರೈಲಿ ಅಣೆಕಟ್ಟನ್ನು ತಲುಪಿದರು ಎಂದು ಸರ್ಕಲ್ ಅಧಿಕಾರಿ ಅರುಣಕುಮಾರ ಸಿಂಗ್ ತಿಳಿಸಿದರು.
“ಗುರುವಾರ ರಾತ್ರಿ 11 ಗಂಟೆಗೆ ವಿದೇಶಿಗರು ನಿರ್ಜನ ರಸ್ತೆಯಲ್ಲಿ ಸೈಕಲ್‌ನಲ್ಲಿ ತಿರುಗಾಡುತ್ತಿರುವುದನ್ನು ಗ್ರಾಮಸ್ಥರು ನೋಡಿ ಮಾತನಾಡಿಸಿದರು. ಆದರೆ ಅವರಿಗೆ ಸೈಕ್ಲಿಸ್ಟ್‌ಗಳ ಭಾಷೆ ಅರ್ಥವಾಗಲಿಲ್ಲ. ಇಬ್ಬರು ವಿದೇಶಿಯರ ಜೊತೆ ಯಾವುದೇ ಅಹಿತರ ಘಟನೆ ಸಂಭವಿಸುವುದನ್ನು ತಪ್ಪಿಸಲು, ಗ್ರಾಮಸ್ಥರು ಇಬ್ಬರನ್ನೂ ಚುರೈಲಿ ಪೊಲೀಸ್ ಔಟ್‌ಪೋಸ್ಟ್‌ಗೆ ಕರೆತಂದರು ಎಂದು ಸಿಂಗ್ ಹೇಳಿದರು. .
ಹಿರಿಯ ಪೊಲೀಸ್ ಅಧೀಕ್ಷಕ ಅನುರಾಗ ಆರ್ಯ ಅವರಿಗೆ ವಿಷಯ ತಿಳಿದಾಗ, ಅವರು ಫ್ರೆಂಚ್ ಪ್ರವಾಸಿಗರಿಬ್ಬರನ್ನು ಮಾತನಾಡಿಸಿ ಅವರಿಗೆ ಅವರ ಗಮ್ಯಸ್ಥಾನಕ್ಕೆ ಮಾರ್ಗದರ್ಶನ ನೀಡುವಂತೆ ಪೊಲೀಸರಿಗೆ ಸೂಚಿಸಿದರು.
ನಿಮ್ಮ ಕಾಮೆಂಟ್ ಬರೆಯಿರಿ