ನವದೆಹಲಿ: ಪಂಜಾಬಿನ ಮೊಹಾಲಿಯ ನ್ಯಾಯಾಲಯವು 2018 ರ ಅತ್ಯಾಚಾರ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸ್ವಯಂ-ಘೋಷಿತ ಬೋಧಕ ಹಾಗೂ ಕ್ರೈಸ್ತ ಪಾದ್ರಿ ಬಜೀಂದರ್ ಸಿಂಗ್ ಗೆ ಜೀವಾವಧಿ ಶಿಕ್ಷೆ ವಿಧಿಸಿದೆ.
“ಯೇಸು ಯೇಸು ಪ್ರವಾದಿ” ಎಂದು ಜನಪ್ರಿಯತೆ ಪಡೆದಿದ್ದ 42 ವರ್ಷದ ಬಜೀಂದರ್ ಸಿಂಗ್, ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 376 (ಅತ್ಯಾಚಾರ), 323 (ಸ್ವಯಂಪ್ರೇರಿತವಾಗಿ ನೋವುಂಟುಮಾಡುವ ಶಿಕ್ಷೆ) ಮತ್ತು 506 (ಅಪರಾಧ ಬೆದರಿಕೆ) ಅಡಿಯಲ್ಲಿ ಶಿಕ್ಷೆಗೊಳಗಾದ ನಂತರ ಪಟಿಯಾಲಾ ಜೈಲಿನಲ್ಲಿ ಇರಿಸಲಾಗಿತ್ತು.
2018ರಲ್ಲಿ ಜಿರಾಕಪುರ ಪೊಲೀಸ್ ಠಾಣೆಯಲ್ಲಿ ಮಹಿಳೆಯೊಬ್ಬರು ನೀಡಿದ ದೂರಿನ ಆಧಾರದ ಮೇಲೆ ಪ್ರಕರಣ ದಾಖಲಾಗಿದ್ದು, ಬಜಿಂದರ್ ಸಿಂಗ್ ವಿದೇಶಕ್ಕೆ ಕರೆದುಕೊಂಡು ಹೋಗುವುದಾಗಿ ಭರವಸೆ ನೀಡಿ ಆಮಿಷ ಒಡ್ಡಿದ್ದ ಎಂದು ದೂರುದಾರರು ಆರೋಪಿಸಿದ್ದರು. ಮೊಹಾಲಿಯ ಸೆಕ್ಟರ್ 63ರಲ್ಲಿರುವ ತನ್ನ ನಿವಾಸದಲ್ಲಿ ಆಕೆಯ ಮೇಲೆ ಅತ್ಯಾಚಾರ ಎಸಗಿ, ಅದನ್ನು ವೀಡಿಯೊ ಮಾಡಿದ್ದಾನೆ. ತನ್ನ ಬೇಡಿಕೆಗೆ ಒಪ್ಪದಿದ್ದರೆ ವಿಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಾಕುವುದಾಗಿ ಆರೋಪಿ ಬೆದರಿಕೆ ಹಾಕಿದ್ದ ಎಂದು ಮಹಿಳೆ ಆರೋಪಿಸಿದ್ದರು.
ಬಜೀಂದರ್ ಸಿಂಗ್ ಹೊರತುಪಡಿಸಿ, ಪ್ರಕರಣದ ಇತರ ಐವರು ಆರೋಪಿಗಳಾದ ಅಖ್ಬರ್ ಭಟ್ಟಿ, ರಾಜೇಶ್ ಚೌಧರಿ, ಜತೀಂದರಕುಮಾರ, ಸಿತಾರ್ ಅಲಿ ಮತ್ತು ಸಂದೀಪ್ ಪೆಹ್ಲ್ವಾನ್ ಅವರನ್ನು ಖುಲಾಸೆಗೊಳಿಸಲಾಗಿದೆ.
ಇತ್ತೀಚಿಗೆ ಮೊಹಾಲಿ ಪೊಲೀಸರು ಪಾದ್ರಿಯ ಮೇಲೆ ಹಲ್ಲೆ ಮತ್ತು ಇತರ ಆರೋಪಗಳನ್ನು ದಾಖಲಿಸಿದ್ದಾರೆ, ಕೆಲವು ದಿನಗಳ ನಂತರ ಅವರು ಮಹಿಳೆಯೊಬ್ಬರಿಗೆ ಜಗಳವಾಡುತ್ತಿರುವ ಮತ್ತು ಕಪಾಳಮೋಕ್ಷ ಮಾಡುವ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿತ್ತು. ಫೆಬ್ರವರಿ 14 ರ ದಿನಾಂಕದ್ದು ಎಂದು ಹೇಳಲಾದ ಕೋಣೆಯೊಂದರ ಸಿಸಿಟಿವಿ ಫೂಟೇಜ್‌ನಂತೆ ಕಂಡುಬರುವ ವೀಡಿಯೊದಲ್ಲಿ, ಸಿಂಗ್ ಮಹಿಳೆಯ ಮೇಲೆ ಕಪಾಳಮೋಕ್ಷ ಮಾಡುವ ಮೊದಲು ಕಾಗದದ ಬಂಡಲ್‌ ಅನ್ನು ಎಸೆದು ಜಗಳವಾಡುತ್ತಿರುವುದು ಕಂಡುಬಂದಿದೆ.
ಕಳೆದ ಫೆಬ್ರವರಿ 28 ರಂದು 22 ವರ್ಷದ ಮಹಿಳೆಯೊಬ್ಬರು ಸಲ್ಲಿಸಿದ ಲೈಂಗಿಕ ಕಿರುಕುಳ ಪ್ರಕರಣದಲ್ಲಿ ಸಿಂಗ್ ಅವರು ತನಿಖೆಯನ್ನು ಎದುರಿಸುತ್ತಿದ್ದಾನೆ, ಆತ ಆರೋಪಗಳನ್ನು ಆಧಾರರಹಿತ ಎಂದು ಹೇಳಿದ್ದಾನೆ. ಆತ ತನಗೆ ಅನುಚಿತ ಸಂದೇಶಗಳನ್ನು ಕಳುಹಿಸಲು ಪ್ರಾರಂಭಿಸಿದ. ಮತ್ತು ತನ್ನನ್ನು ತನ್ನ ಕ್ಯಾಬಿನ್‌ಗೆ ಒಬ್ಬಂಟಿಯಾಗಿ ಕರೆಸಿಕೊಂಡಿದ್ದ ಎಂದು ಮಹಿಳೆ ಹೇಳಿಕೊಂಡಿದ್ದಾರೆ. ಆರೋಪದ ತನಿಖೆಗಾಗಿ ಪೊಲೀಸ್ ವರಿಷ್ಠಾಧಿಕಾರಿ ರೂಪಿಂದರ್ ಕೌರ್ ನೇತೃತ್ವದಲ್ಲಿ ಮೂವರು ಸದಸ್ಯರ ವಿಶೇಷ ತನಿಖಾ ತಂಡವನ್ನು (ಎಸ್‌ಐಟಿ) ಪೊಲೀಸರು ರಚಿಸಿದ್ದಾರೆ.
ಬಜೀಂದರ್ ಸಿಂಗ್ 2012 ರಲ್ಲಿ ಬೋಧಕರಾದರು, ಜಲಂಧರ್‌ನ ತಾಜ್‌ಪುರದಲ್ಲಿ ದಿ ಚರ್ಚ್ ಆಫ್ ಗ್ಲೋರಿ ಮತ್ತು ವಿಸ್ಡಮ್ ಮತ್ತು ಮೊಹಾಲಿಯ ಮಜ್ರಿಯಲ್ಲಿ ಮತ್ತೊಂದು ಚರ್ಚ್ ಮುನ್ನಡೆಸುತ್ತಾನೆ, ಆತನ ಬೆಂಬಲಿಗರು ಈ ಚರ್ಚ್ ಭಾರತ ಮತ್ತು ವಿದೇಶಗಳಲ್ಲಿ ಅನೇಕ ಶಾಖೆಗಳನ್ನು ಹೊಂದಿದೆ ಎಂದು ಹೇಳುತ್ತಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ