ಕುಟುಂಬ ಇಲ್ಲ, ಇಂಗ್ಲಿಷ್ ಗೊತ್ತಿಲ್ಲ : ಅಮೆರಿಕಕ್ಕೆ ಹೋದ ಭಾರತೀಯ ಯುವತಿ ನಾಪತ್ತೆ

ನವದೆಹಲಿ: ಅರೇಂಜ್ಡ್‌ ಮದುವೆಗಾಗಿ ಅಮೆರಿಕಕ್ಕೆ ಆಗಮಿಸಿದ್ದ 24 ವರ್ಷದ ಭಾರತೀಯ ಮಹಿಳೆ ನಾಪತ್ತೆಯಾಗಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ತನಿಖೆ ಪ್ರಾರಂಭಿಸಿ ಹತ್ತಿರದ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಿದ ನಂತರ, ಸ್ಥಳೀಯ ಪೊಲೀಸರು ಸಿಮ್ರಾನ್ ಸಿಮ್ರಾನ್ ಎಂದು ಗುರುತಿಸಲಾದ ಮಹಿಳೆ ತನ್ನ ಫೋನ್ ಪರಿಶೀಲಿಸುತ್ತಾ ಸುತ್ತಲೂ ನೋಡುತ್ತಿರುವುದು ಕಂಡುಬಂದಿದೆ. ಬುಧವಾರ ಕಾಣೆಯಾಗುವ ಮೊದಲು ಅವರು ಯಾರಿಗೋ ಕಾಯುತ್ತಿರುವಂತೆ ತೋರುತ್ತಿದೆ ಎಂದು ನ್ಯೂಯಾರ್ಕ್ ಪೋಸ್ಟ್ ವರದಿ ಮಾಡಿದೆ.
ಜೂನ್ 20 ರಂದು ಭಾರತದಿಂದ ಅಮೆರಿಕಕ್ಕೆ ಆಗಮಿಸಿದ್ದ ಸಿಮ್ರಾನ್, ಅರೇಂಜ್ಡ್‌ ಮದುವೆಗಾಗಿ ಅಮೆರಿಕಕ್ಕೆ ಬಂದಿದ್ದಾರೆ ಎಂದು ತನಿಖಾಧಿಕಾರಿಗಳಿಗೆ ತಿಳಿಸಲಾಗಿದೆ. ದೃಶ್ಯಗಳಿಂದ ತಿಳಿದುಬರುವಂತೆ ಸಿಮ್ರಾನ್ ಯಾವುದೇ ಅಪಾಯದಲ್ಲಿಲ್ಲ ಎಂದು ಅಧಿಕಾರಿಗಳು ಗಮನಿಸಿದ್ದಾರೆ.

ಅಮೆರಿಕಕ್ಕೆ ವಿಮಾನದಲ್ಲಿ ಉಚಿತವಾಗಿ ಪ್ರಯಾಣಿಸಲು ಮದುವೆ ಒಂದು ನೆಪವಾಗಿತ್ತೇ ಎಂಬ ಸಾಧ್ಯತೆ ಬಗ್ಗೆಯೂ ಅಧಿಕಾರಿಗಳು ಅನ್ವೇಷಿಸುತ್ತಿದ್ದಾರೆ ನ್ಯೂಯಾರ್ಕ್ ಪೋಸ್ಟ್ ಮತ್ತಷ್ಟು ವರದಿ ಮಾಡಿದೆ.
ಸಿಮ್ರಾನ್ 5 ಅಡಿ 4 ಇಂಚು ಎತ್ತರ, ಸುಮಾರು 68 ಕೆಜಿ ತೂಕವಿದ್ದಾರೆ, ಹಣೆಯ ಮೇಲೆ ಸಣ್ಣ ಗಾಯದ ಗುರುತು ಇದೆ ಎಂದು ಸ್ಥಳೀಯ ಪೊಲೀಸರು ಬಹಿರಂಗಪಡಿಸಿದ್ದಾರೆ. ಸಿಮ್ರಾನ್ ಇಂಗ್ಲಿಷ್ ಮಾತನಾಡುತ್ತಿರಲಿಲ್ಲ ಮತ್ತು ಅಮೆರಿಕದಲ್ಲಿ ಅವರ ಸಂಬಂಧಿಕರೂ ಇರಲಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಸಿಮ್ರಾನ್ ಬೂದು ಬಣ್ಣದ ಸ್ವೆಟ್‌ಪ್ಯಾಂಟ್, ಬಿಳಿ ಟಿ-ಶರ್ಟ್, ಕಪ್ಪು ಫ್ಲಿಪ್-ಫ್ಲಾಪ್‌ಗಳು ಮತ್ತು ಸಣ್ಣ ವಜ್ರದ ಕಿವಿಯೋಲೆಯೊಂದಿಗೆ ಕಾಣಿಸಿಕೊಂಡಿದ್ದರು. ಭಾರತದಲ್ಲಿರುವ ಅವರ ಸಂಬಂಧಿಕರನ್ನು ಸಂಪರ್ಕಿಸಲು ಅಧಿಕಾರಿಗಳು ಹಲವಾರು ಪ್ರಯತ್ನಗಳನ್ನು ಮಾಡಿದ್ದಾರೆ, ಆದರೆ ಯಾವುದೇ ಪ್ರಯೋಜನವಾಗಿಲ್ಲ.