ಮುಂಬೈ: ಮುಂಬೈನ ಛತ್ರಪತಿ ಶಿವಾಜಿ ಮಹಾರಾಜ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣವನ್ನು ಅದಾನಿ ವಿಮಾನ ನಿಲ್ದಾಣ ಎಂದು ನಾಮಕರಣ ಮಾಡಿದ್ದನ್ನು ವಿರೋಧಿಸಿದ ಶಿವಸೇನಾ ಕಾರ್ಯಕರ್ತರು ಆ ನಾಮಫಲವನ್ನು ಕಿತ್ತು ಹಾಕಿದ್ದಾರೆ.
ಮಹಾರಾಷ್ಟ್ರದಲ್ಲಿ ಆಡಳಿತ ನಡೆಸುತ್ತಿರುವ ಮಹಾ ವಿಕಾಸ ಅಘಾಡಿ ಮೈತ್ರಿಕೂಟದ ಅಂಗಪಕ್ಷವಾದ ಶಿವಸೇನೆ, ಮುಂಬೈ ವಿಮಾನ ನಿಲ್ದಾಣದ ಮೇಲ್ವಿಚಾರಣೆ ಅದಾನಿ ಸಮೂಹಕ್ಕೆ ಒಳಪಟ್ಟ ನಂತರದಲ್ಲಿ ನಂತರ ಮುಂಬೈ ವಿಮಾನ ನಿಲ್ದಾಣದ ಮರುನಾಮಕರಣವನ್ನು ವಿರೋಧಿಸುತ್ತಿದೆ.
ಈ ವರ್ಷದ ಜುಲೈನಲ್ಲಿ, ಅದಾನಿ ಸಮೂಹವು ಮುಂಬೈ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ನಿರ್ವಹಣೆಯನ್ನು ಜಿವಿಕೆ ಸಮೂಹದ ನಿಯಂತ್ರಣದಿಂದ ವಹಿಸಿಕೊಂಡಿತು. ಅದಾನಿ ಗ್ರೂಪ್ ಛತ್ರಪತಿ ಶಿವಾಜಿ ಮಹಾರಾಜ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಶೇಕಡಾ 74 ರಷ್ಟು ಪಾಲನ್ನು ನಿಯಂತ್ರಿಸುತ್ತದೆ, 50.5 ಶೇಕಡಾ ಷೇರುಗಳನ್ನು ಜಿವಿಕೆ ಗ್ರೂಪ್ ನಿಂದ ಮತ್ತು 23.5 ಶೇಕಡಾ ಅಲ್ಪಸಂಖ್ಯಾತ ಪಾಲುದಾರರಿಂದ, ಏರ್ ಪೋರ್ಟ್ ಕಂಪನಿ ದಕ್ಷಿಣ ಆಫ್ರಿಕಾ (ACSA) ಮತ್ತು ಬಿಡ್ವೆಸ್ಟ್ ಗ್ರೂಪ್ ನಿಂದ ಖರೀದಿಸಲಾಗಿದೆ.
ಮುಂಬೈ ವಿಮಾನ ನಿಲ್ದಾಣದ ಕಲಿನಾ ಪ್ರದೇಶದ ವಿಐಪಿ ಗೇಟ್ ನಲ್ಲಿ ಅದಾನಿ ವಿಮಾನ ನಿಲ್ದಾಣ ಎಂಬ ಬೋರ್ಡ್ ಹಾಕಲಾಗಿದೆ.
ಅದಾದ ನಂತರ, ವಿಮಾನ ನಿಲ್ದಾಣಕ್ಕೆ ಅದಾನಿ ಹೆಸರಿಡಲಾಗಿದೆ ಎಂದು ಹಲವಾರು ದೂರುಗಳನ್ನು ಸ್ವೀಕರಿಸಿದ್ದೇವೆ ಮತ್ತು ಆದ್ದರಿಂದ ಅದನ್ನು ತೆಗೆದುಹಾಕಲಾಗಿದೆ ಎಂದು ಸೇನೆ ಹೇಳಿಕೊಂಡಿತು.
ಗಮನಾರ್ಹವಾಗಿ, ಕಳೆದ ಕೆಲವು ವರ್ಷಗಳಲ್ಲಿ, ಅದಾನಿ ಸಮೂಹವು ವಾಯುಯಾನ ಕ್ಷೇತ್ರದಲ್ಲಿ ಪ್ರಮುಖ ಹೂಡಿಕೆಗಳನ್ನು ಮಾಡಿದೆ. ದೇಶದ ಹಲವು ಪ್ರಮುಖ ವಿಮಾನ ನಿಲ್ದಾಣಗಳನ್ನು ಈಗ ಅದಾನಿ ಗ್ರೂಪ್ ನಿರ್ವಹಿಸುತ್ತಿದೆ. ಜುಲೈನಲ್ಲಿಯೇ ಮುಂಬೈನ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ಕಾರ್ಯಾಚರಣೆ ಸಂಪೂರ್ಣವಾಗಿ ಅದಾನಿ ಸಮೂಹಕ್ಕೆ ಬಂದಿತು ಎಂದು ಗೌತಮ್ ಅದಾನಿ ಟ್ವೀಟ್ ಮಾಡಿದ್ದಾರೆ.
ಅದಾನಿಯು ಜುಲೈ 13, 2021 ರಂದು ಜಿವಿಕೆಯಿಂದ ಮುಂಬೈ ವಿಮಾನ ನಿಲ್ದಾಣದ ನಿರ್ವಹಣೆಯನ್ನು ವಹಿಸಿಕೊಂಡರು. ಅದು ಕ್ಯಾಂಪಸ್‌ನಲ್ಲಿ ಅದಾನಿ ವಿಮಾನ ನಿಲ್ದಾಣದ ಬೋರ್ಡ್‌ಗಳನ್ನು ಅಳವಡಿಸಿತ್ತು.
ನಿಮ್ಮ ಕಾಮೆಂಟ್ ಬರೆಯಿರಿ