ಬರೇಲಿ: ತನ್ನ ಮೊಬೈಲ್ ಫೋನ್ ಕದಿಯುತ್ತಿದ್ದಾರೆಂದು ಆರೋಪಿಸಿದ ಡೈರಿ ಮಾಲೀಕರಿಂದ ಹಲವಾರು ಗಂಟೆಗಳ ಕಾಲ ಕಟ್ಟಿಹಾಕಿ, ಹೊಡೆದು ವಿದ್ಯುತ್ ಶಾಕಿಗೆ ಒಳಪಟ್ಟ ಐದು ಮಕ್ಕಳನ್ನು ಉತ್ತರ ಪ್ರದೇಶ ಪೊಲೀಸರು ಬುಧವಾರ ರಕ್ಷಿಸಿದ್ದಾರೆ.
ಈ ಘಟನೆ ಉತ್ತರ ಪ್ರದೇಶದ ಬರೇಲಿಯಲ್ಲಿ ನಡೆದಿದ್ದು, ಆರೋಪಿ ಅವ್ನೇಶ್ ಕುಮಾರ್ ಯಾದವ್ ಅವರು ಬಾರದಾರಿ ಪೊಲೀಸ್ ಠಾಣೆ ವ್ಯಾಪ್ತಿಯ ಗಂಗಾಪುರ ಪ್ರದೇಶದಲ್ಲಿ ಡೈರಿ ನಡೆಸುತ್ತಿದ್ದಾರೆ. ಇತ್ತೀಚೆಗೆ, ಅವ್ನೇಶ್ 30,000 ರೂ ಮೌಲ್ಯದ ಮೊಬೈಲ್ ಫೋನ್ ಕಳೆದುಕೊಂಡರು. ನೆರೆಹೊರೆಯಲ್ಲಿ ವಾಸಿಸುವ ಮಕ್ಕಳು ತನ್ನ ಸ್ಮಾರ್ಟ್ ಫೋನ್ ಕದ್ದಿದ್ದಾರೆ ಎಂದು ಈ ವ್ಯಕ್ತಿ ಶಂಕಿಸಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ ಎಂದು ಇಂಡಿಯಾ ಟುಡೆ.ಇನ್‌ ವರದಿ ಮಾಡಿದೆ.
ವರದಿ ಪ್ರಕಾರ, ಬುಧವಾರ, ಡೈರಿ ಮಾಲೀಕ ಐದು ಮಕ್ಕಳನ್ನು ಮನೆಗಳಿಂದ ಎತ್ತಿಕೊಂಡು ಹೋಗಿ ಚಿತ್ರಹಿಂಸೆ ನೀಡಿದರು. ಅವರು ಐದು ಮಕ್ಕಳನ್ನು ಕಟ್ಟಿಹಾಕಿದರು, ಅವರನ್ನು ಹೊಡೆದರು ಮತ್ತು ಇತರರ ಸಹಾಯದಿಂದ ಲೈವ್ ತಂತಿಯೊಂದಿಗೆ ವಿದ್ಯುತ್ ಶಾಕ್‌ಗಳನ್ನು ಸಹ ನೀಡಿದರು ಎಂದು ಪೊಲೀಸರು ಹೇಳಿದ್ದಾರೆ.
ಈ ಮಧ್ಯೆ, ಐದು ಮಕ್ಕಳ ಕುಟುಂಬಗಳು ಇತರರೊಂದಿಗೆ ಡೈರಿಗೆ ನುಗ್ಗಿ ಪೊಲೀಸರಿಗೆ ಮಾಹಿತಿ ನೀಡಿದರು. ಪೊಲೀಸರು ಸ್ಥಳಕ್ಕೆ ತಲುಪಿ ಮಕ್ಕಳನ್ನು ಕೆಟ್ಟ ಸ್ಥಿತಿಯಲ್ಲಿ ಇರುವುದನ್ನು ಕಂಡುಕೊಂಡರು. ಎಲ್ಲಾ ಐವರನ್ನು ಪ್ರಥಮ ಚಿಕಿತ್ಸೆಗಾಗಿ ಜಿಲ್ಲಾ ಆಸ್ಪತ್ರೆಗೆ ಸಾಗಿಸಲಾಯಿತು.
ಹಿಂಸೆಗೊಳಗಾದ ಅಪ್ರಾಪ್ತ ಬಾಲಕಿಯೊಬ್ಬಳು ಪೊಲೀಸರಿಗೆ ತಿಳಿಸಿದ್ದು, ಆರೋಪಿ ತಮ್ಮ ಡೈರಿಗೆ ತಮ್ಮನ್ನು ಕರೆದೊಯ್ದ, ಅಲ್ಲಿ ತಮ್ಮನ್ನು ಹಿಂಸಿಸಿದರು. ನೀರನ್ನು ಕೇಳಿದರೂ ಕೊಡಲಿಲ್ಲ ಎಂದು ಹಿಂಸೆಗಳೊಗಾದ ಮಗು ಪೊಲೀಸರಿಗೆ ಹೇಳಿದೆ.
ದೂರಿನ ಆಧಾರದ ಮೇಲೆ, ಮಕ್ಕಳ ಮೇಲೆ ಚಿತ್ರಹಿಂಸೆ ನೀಡಿದ್ದಕ್ಕಾಗಿ ಪೊಲೀಸರು ಡೈರಿ ಮಾಲೀಕ ಮತ್ತು ಇತರರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಆರೋಪಿಗಳನ್ನು ಬಂಧಿಸಲು ಪೊಲೀಸ್ ತಂಡಗಳನ್ನು ನಿಯೋಜಿಸಲಾಗಿದೆ ಎಂದು ಎಸ್ಪಿ ರವೀಂದರ್ ಕುಮಾರ್ ತಿಳಿಸಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ