ಪೀಪಲ್ಸ್ ಲಿಬರೇಶನ್ ಆರ್ಮಿಯ ದಕ್ಷಿಣ ಥಿಯೇಟರ್ ಕಮಾಂಡ್ ಯುಎಸ್ಎಸ್ ಜಾನ್ ಎಸ್ ಮೆಕೇನ್ ಅವರನ್ನು ಎಸ್ಸಿಎಸ್ ಪ್ರದೇಶದ ಕ್ಸಿಶಾ ದ್ವೀಪದ (ಇಂಗ್ಲಿಷ್ನಲ್ಲಿ ಪ್ಯಾರಾಸೆಲ್ ದ್ವೀಪ) ಹತ್ತಿರದಿಂದ ಓಡಿಸಲು ಯುದ್ಧನೌಕೆಗಳು ಮತ್ತು ವಿಮಾನಗಳನ್ನು ನಿಯೋಜಿಸಿದೆ ಎಂದು ಚೀನಾ ಹೇಳಿದೆ.
ಜನವರಿಯಲ್ಲಿ ಜೋ ಬಿಡನ್ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಂಡ ನಂತರ ಮೊದಲ ಬಾರಿಗೆ ಚೀನಾ ಈ ಕ್ರಮ ಕೈಗೊಂಡಿದೆ.
ನಾಲ್ಕು ವರ್ಷಗಳ ಡೊನಾಲ್ಡ್ ಟ್ರಂಪ್ ಅಧ್ಯಕ್ಷತೆಯಲ್ಲಿ ಎಸ್ಸಿಎಸ್ ಪ್ರದೇಶ ಮತ್ತು ತೈವಾನ್‌ನಲ್ಲಿನ ವಿವಾದಗಳು ಸೇರಿದಂತೆ ಹಲವಾರು ವಿಷಯಗಳ ಬಗ್ಗೆ ಅಮೆರಿಕ ಮತ್ತು ಚೀನಾ ನಡುವೆ ಉದ್ವಿಗ್ನತೆ ಹೆಚ್ಚಾಗಿತ್ತು. ಚೀನಾ ಬಹುತೇಕ ಸಂಪೂರ್ಣ ದಕ್ಷಿಣ ಚೀನಾ ಮಹಾಸಾಗರದಲ್ಲಿ ತನ್ನ ಹಕ್ಕನ್ನು ಪ್ರತಿಪಾದಿಸುತ್ತಿದೆ,ಆದರೆ ವಿಯೆಟ್ನಾಂ ಮತ್ತು ತೈವಾನ್ ಜೊತೆಗೆ ಫಿಲಿಪೈನ್ಸ್, ಬ್ರೂನಿ, ಮಲೇಷ್ಯಾ ಮತ್ತು ಇಂಡೋನೇಷ್ಯಾ ಸೇರಿದಂತೆ ಹಲವಾರು ರಾಷ್ಟ್ರಗಳು ಚೀನಾದ ಈ ಪ್ರತಿಪಾದನೆಯನ್ನು ವಿರೋಧಿಸಿದ್ದಾರೆ ಹಾಗೂ ಒಪ್ಪುವುದಿಲ್ಲ.
ಚೀನಾದ ಥಿಯೇಟರ್ ಕಮಾಂಡ್‌ನ ವಕ್ತಾರ ಟಿಯಾನ್ ಜುನ್ಲಿ, ಯುಎಸ್ ಯುದ್ಧನೌಕೆ ಈ ಭಾಗದಲ್ಲಿ ಪ್ರವೇಶಿಸಿ ಚೀನಾದ ಸಾರ್ವಭೌಮತ್ವವನ್ನು ಉಲ್ಲಂಘಿಸಿದೆ, ಪ್ರಾದೇಶಿಕ ಶಾಂತಿ ಮತ್ತು ಸ್ಥಿರತೆ ಹಾಳುಮಾಡಿದೆ ಮತ್ತು ಶಾಂತಿ, ಸ್ನೇಹ ಮತ್ತು ಸಹಕಾರದ “ಉತ್ತಮ ವಾತಾವರಣ” ವನ್ನು ಉದ್ದೇಶಪೂರ್ವಕವಾಗಿ ಅಡ್ಡಿಪಡಿಸಿದೆ ಎಂದು ದೂರಿದ್ದಾರೆ.
“ಫೆಬ್ರವರಿ 5 ರಂದು (ಸ್ಥಳೀಯ ಸಮಯ) ಯುಎಸ್ಎಸ್ ಜಾನ್ ಎಸ್. ಮೆಕೇನ್ (ಡಿಡಿಜಿ 56) ಪ್ಯಾರಾಸೆಲ್ ದ್ವೀಪಗಳ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ನ್ಯಾವಿಗೇಷನಲ್ ಹಕ್ಕುಗಳನ್ನು ಪ್ರತಿಪಾದಿಸಿದೆ, ಇದು ಅಂತರರಾಷ್ಟ್ರೀಯ ಕಾನೂನಿಗೆ ಅನುಗುಣವಾಗಿದೆ” ಎಂದು ಯುಎಸ್ ನೌಕಾಪಡೆಯ 7 ನೇ ಫ್ಲೀಟ್ ವಕ್ತಾರ ಲೆಫ್ಟಿನೆಂಟ್ ಜೋ ಕೀಲಿ ಹೇಳಿದ್ದಾರೆ.
ಏತನ್ಮಧ್ಯೆ, ಚೀನಾದ ರಕ್ಷಣಾ ಸಚಿವಾಲಯವು ಫೆಬ್ರವರಿ 4 ರಂದು ತನ್ನ ಭೂಪ್ರದೇಶದೊಳಗೆ ಭೂ-ಆಧಾರಿತ ಮಿಡ್‌ಕೋರ್ಸ್ ಕ್ಷಿಪಣಿ ಪ್ರತಿಬಂಧಕ ಪರೀಕ್ಷೆಯನ್ನು ಯಶಸ್ವಿಯಾಗಿ ನಡೆಸಲಾಗಿದೆ ಮತ್ತು “ಅಪೇಕ್ಷಿತ ಪರೀಕ್ಷಾ ಉದ್ದೇಶವನ್ನು ಸಾಧಿಸಲಾಗಿದೆ ಎಂದು ಹೇಳಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ