ಕೊರೊನಾ ವೈರಸ್‌ನ ಹೊಸ ರೂಪಾಂತರಿ ನ್ಯೂಯಾರ್ಕ್‌ನಲ್ಲಿ ವೇಗವಾಗಿ ಹರಡುತ್ತಿದ್ದು, ಅದು ಲಸಿಕೆಯ ಪರಿಣಾಮವನ್ನು ದುರ್ಬಲಗೊಳಿಸುವ ಸಾಮರ್ಥ್ಯ ಹೊಂದಿರುವುದನ್ನು ಸಂಶೋಧಕರು ಪತ್ತೆ ಮಾಡಿದ್ದಾರೆ.
ಬಿ.೧.೫೨೬ ಹೆಸರಿನ ರೂಪಾಂತರಿ ನವಂಬರ್‌ನಲ್ಲಿ ಸಂಗ್ರಹಿಸಿದ ಮಾದರಿಗಳಲ್ಲಿ ಮೊದಲು ಕಾಣಿಸಿಕೊಂಡಿತ್ತು. ಈಗ ಇದು ವೇಗವಾಗಿ ಹರಡುತ್ತಿದೆ.
ಹೊಸ ರೂಪಾಂತರಿ ವೈರಸ್‌ ಬಗ್ಗೆ ಯಾವುದೇ ವೈಜ್ಞಾನಿಕ ನಿಯತಕಾಲಿಕೆಯಲ್ಲಿ ಸಂಶೋಧನಾ ವರದಿ ಪ್ರಕಟಗೊಂಡಿಲ್ಲವಾದರೂ ಸ್ಥಿರ ಫಲಿತಾಂಶಗಳು ರೂಪಾಂತರಿ ವೈರಸ್‌ ಹರಡುವಿಕೆಯನ್ನು ದೃಢಪಡಿಸುತ್ತವೆ ಎಂದು ತಜ್ಞರು ಹೇಳುತ್ತಾರೆ.
ಇದು ವಿಶೇಷವಾಗಿ ಸಂತೋಷದ ಸುದ್ದಿಯಲ್ಲ. ಹೊಸ ರೂಪಾಂತರಿ ಬಗ್ಗೆ ನಾವು ಹೆಚ್ಚು ಮಾಹಿತಿ ತಿಳಿದುಕೊಳ್ಳುವುದು ಅವಶ್ಯಕ ಎಂದು ಹೊಸ ಸಂಶೋಧನೆಯಲ್ಲಿ ಭಾಗಿಯಾಗದ ರಾಕ್‌ಫೆಲ್ಲರ್ ವಿಶ್ವವಿದ್ಯಾಲಯದ ರೋಗನಿರೋಧಕ ತಜ್ಞ ಡಾ. ಮೈಕೆಲ್ ನುಸೆನ್‌ಜ್ವೀಗ್ ಹೇಳುತ್ತಾರೆ.
ಕ್ಯಾಲಿಫೋರ್ನಿಯಾದಲ್ಲಿ ಶೀಘ್ರವಾಗಿ ಹರಡುವುದಕ್ಕಿಂತ ನ್ಯೂಯಾರ್ಕ್‌ನಲ್ಲಿನ ರೂಪಾಂತರದ ಬಗ್ಗೆ ಹೆಚ್ಚು ಚಿಂತೆ ಮಾಡುತ್ತೇನೆ ಎಂದು ನುಸೆನ್‌ಜ್ವೀಗ್ ಹೇಳಿದರು. ಬ್ರಿಟನ್‌ನಲ್ಲಿ ಪತ್ತೆಯಾದ ಮತ್ತೊಂದು ಸಾಂಕ್ರಾಮಿಕ ಹೊಸ ರೂಪಾಂತರವು ಈಗ 45 ರಾಜ್ಯಗಳಲ್ಲಿ ಸುಮಾರು 2,000 ಪ್ರಕರಣಗಳಿಗೆ ಕಾರಣವಾಗಿದೆ. ಇದು ಮಾರ್ಚ್ ಅಂತ್ಯದ ವೇಳೆಗೆ ಹೆಚ್ಚು ಕಾಣಿಸಿಕೊಳ್ಳುವ ರೂಪಾಂತರಿ ವೈರಸ್‌ ಆಗಿದೆ ಎಂದು ನಿರೀಕ್ಷಿಸಲಾಗಿದೆ.
ವೈರಲ್ ಆನುವಂಶಿಕ ಅನುಕ್ರಮಗಳಲ್ಲಿನ ರೂಪಾಂತರಗಳನ್ನು ಸ್ಕ್ಯಾನ್ ಮಾಡುವ ಮೂಲಕ B.1.526 ರ ಏರಿಕೆಯನ್ನು ಕ್ಯಾಲ್ಟೆಕ್ ಸಂಶೋಧಕರು ಕಂಡುಹಿಡಿದರು.
ನಿಮ್ಮ ಕಾಮೆಂಟ್ ಬರೆಯಿರಿ