60 ವರ್ಷ ಮೇಲ್ಪಟ್ಟ ವೃದ್ಧರು ಹಾಗೂ 45 ವರ್ಷ ಮೇಲ್ಪಟ್ಟ ಅನಾರೋಗ್ಯ ಹೊಂದಿರುವವರಿಗೆ ಮಾ.೧ರಿಂದ ಕೊರೊನಾ ಲಸಿಕೆ ನೀಡಲು ಭಾರತ ಸಜ್ಜಾಗುತ್ತಿದೆ.
ಸೋಮವಾರದಿಂದ ನಡೆಯಲಿರುವ ಕೊರೊನಾ ಲಸಿಕೆ ನೋಂದಣಿ ನಾಳೆ ಬೆಳಗ್ಗೆ 9 ಗಂಟೆಯಿಂದ ಆರಂಭವಾಗಲಿದೆ. https://www.cowin.gov.in/home ಲಿಂಕ್ ಮೂಲಕ ಕೋವಿನ್ ಪೋರ್ಟಲ್ನ್ನು ಪ್ರವೇಶಿಸಬಹುದಾಗಿದೆ.ಇ ಪೋರ್ಟಲ್ ಅಥವಾ ಆರೋಗ್ಯ ಸೇತು ಮುಂತಾದ ಅಪ್ಲಿಕೇಶನ್ಗಳ ಮೂಲಕ ಸಾರ್ವಜನಿಕರು ಲಸಿಕೆಗಾಗಿ ನೋಂದಣಿ ಮಾಡಬಹುದಾಗಿದೆ ಎಂದು ಕೇಂದ್ರ ಸರ್ಕಾರ ಪ್ರಕಟಣೆ ಹೊರಡಿಸಿದೆ.ಕೊರೊನಾ ಲಸಿಕೆಯ ನೋಂದಣಿ ಮಾಡುವವರಿಗೆ ಮಧ್ಯಾಹ್ನ 3ಗಂಟೆ ವರೆಗೆ ಅವಕಾಶ ಸಿಗಲಿದೆ. ಇದು ಮಾತ್ರವಲ್ಲದೇ ಮಾರ್ಚ್ 1ರಂದು ಬೇರೆ ಯಾವುದೇ ದಿನಾಂಕಕ್ಕೆ ನೋಂದಣಿ ಮಾಡಬಹುದಾಗಿದೆ.
ಒಂದು ನಿಗದಿತ ದಿನಾಂಕಕ್ಕೆ ಲಸಿಕೆ ಪಡೆಯಲು ನೋಂದಾಯಿಸಿದ ಬಳಿಕ ಆ ದಿನಾಂಕದ 29 ದಿನದ ಬಳಿಕ ಎರಡನೇ ಡೋಸ್ ತೆಗೆದುಕೊಳ್ಳಬೇಕಗುತ್ತದೆ. ಫಲಾನುಭವಿ ತನ್ನ ಮೊದಲ ಡೋಸ್ ದಿನಾಂಕ ರದ್ದು ಮಾಡಿದರೆ ಆತನ ಎರಡನೇ ಡೋಸ್ ದಿನಾಂಕವೂ ರದ್ದಾಗಲಿದೆ.
45 ವರ್ಷದ ಒಳಗಿನವರು ಲಸಿಕೆ ಪಡೆದುಕೊಳ್ಳಲು 20 ಆರೋಗ್ಯ ಸಮಸ್ಯೆಗಳನ್ನ ಆಯ್ಕೆ ಮಾಡಲಾಗಿದೆ. ಇದರಲ್ಲಿ ಹೃದಯ ಸಮಸ್ಯೆ, ಮಧುಮೇಹ, ಕಿಡ್ನಿ ಸಮಸ್ಯೆ, ಕ್ಯಾನ್ಸರ್ ಸೇರಿದಂತೆ ಇನ್ನೂ ಅನೇಕ ಕಾಯಿಲೆಗಳು ಸೇರಿವೆ.
ನಿಮ್ಮ ಕಾಮೆಂಟ್ ಬರೆಯಿರಿ