ಹಿಂದೂ ಯುವಕನೊಬ್ಬ ಮುಸ್ಲಿಂ ಮುಖಂಡರೊಬ್ಬರನ್ನುಟೀಕಿಸಿದ್ದನ್ನು ಖಂಡಿಸಿ ಬಾಂಗ್ಲಾದೇಶದ ಸುನಮ್‌ಗಂಜ್‌ ಗ್ರಾಮದ ೮೦ಕ್ಕೂ ಹೆಚ್ಚು ಹಿಂದೂ ಬಾಂಧವರ ಮನೆಗಳ ಮೇಲೆ ಉಗ್ರಗಾಮಿ ಸಂಘಟನೆ ಹೆಫಜತ್-ಎ-ಇಸ್ಲಾಂ ಬೆಂಬಲಿಗರು ದಾಳಿ ನಡೆಸಿದ್ದಾರೆ.
ಹಿಂದೂ ಯುವಕನೊಬ್ಬ ಫೇಸ್‌ಬುಕ್‌ನಲ್ಲಿ ಮೌಲಾನಾ ಮುಫ್ತಿ ಮಾಮುನಲ್‌ ಹಕ್ ಅವರನ್ನು ಟೀಕಿಸಿದ್ದನ್ನು ಖಂಡಿಸಿ ದಾಳಿ ನಡೆಸಲಾಗಿದ್ದು, ಮನೆಗಳಲ್ಲಿನ ಸಾಮಗ್ರಿಗಳನ್ನು ಧ್ವಂಸ ಮಾಡಿದರೆ, ಇನ್ನು ಕೆಲವರು ಮನೆಗಳಲ್ಲಿನ ಸಾಮಗ್ರಿಗಳನ್ನು ಲೂಟಿ ಮಾಡಿದ್ದಾರೆ. ಮನೆಯಲ್ಲಿನ ಜನರ ಮೇಲೆ ಹಲ್ಲೆ ಕೂಡ ನಡೆದಿದೆ.
ಸೋಮವಾರ ಡೆರೈ ಜಿಲ್ಲೆಯಲ್ಲಿ ನಡೆದ ಸಮಾವೇಶದಲ್ಲಿ ಹೆಫಜತ್-ಎ-ಇಸ್ಲಾಂ (ಮದರಸಾ ಶಿಕ್ಷಕರು ಮತ್ತು ವಿದ್ಯಾರ್ಥಿಗಳ ಇಸ್ಲಾಮಿಸ್ಟ್ ವಕೀಲರ ಗುಂಪು) ಅಮೀರ್ ಅಲ್ಲಮಾ ಜುನೈದ್ ಬಾಬುನಾಗರಿ, ಜಂಟಿ-ಪ್ರಧಾನ ಕಾರ್ಯದರ್ಶಿ ಮೌಲಾನಾ ಮುಫ್ತಿ ಮಾಮುನುಲ್ ಹಕ್ ಮತ್ತು ಹಲವಾರು ಕೇಂದ್ರ ಮುಖಂಡರು ಭಾಗವಹಿಸಿದ್ದರು. ನೊಗಾಂವ್‌ನ ಯುವ ಹಿಂದೂ ಯುವಕ, ಮಾಮುನುಲ್ ಹಕ್ ಅವರ ಭಾಷಣದಿಂದ ಕೋಪಗೊಂಡರು ಮತ್ತು ಅದನ್ನು ಟೀಕಿಸುವ ಫೇಸ್‌ಬುಕ್ ಪೋಸ್ಟ್ ಅನ್ನು ಅಪ್‌ಲೋಡ್ ಮಾಡಿದ್ದಾನೆ.
ಇದು ಸಂಘಟನೆಯ ಆಕ್ರೋಷಕ್ಕೆ ಕಾರಣವಾಯಿತು. ಪರಿಸ್ಥಿತಿ ಹತೋಟಿಗೆ ತರಲು ಪೊಲೀಸರು ಯುವಕನನ್ನು ಬಂಧಿಸಿದರು. ಆದರೂ ಹೆಫಜತ್-ಎ-ಇಸ್ಲಾಂ ಬೆಂಬಲಿಗರು ಬುಧವಾರ ಶಸ್ತ್ರಾಸ್ತ್ರಗಳೊಂದಿಗೆ ಗ್ರಾಮದ ಅಲ್ಪಸಂಖ್ಯಾತ ಹಿಂದೂಗಳ ಮನೆಗಳ ಮೇಲೆ ದಾಳಿ ನಡೆಸಿದರು.
ಇದರಿಂದ ಅನೇಕ ಹಿಂದೂಗಳು ಪ್ರಾಣಕ್ಕೆ ಹೆದರಿ ತಮ್ಮ ಮನೆಗಳನ್ನು ಬಿಟ್ಟು ಓಡಿಹೋಗಬೇಕಾಯಿತು, ಇದು ದಾಳಿಕೋರರಿಗೆ ತಮ್ಮ ಮನೆಗಳನ್ನು ದರೋಡೆ ಮಾಡಲು ಮತ್ತು ಲೂಟಿ ಮಾಡಲು ಅವಕಾಶವನ್ನು ನೀಡಿತು.
ದಾಳಿಯ ಮಾಹಿತಿಯನ್ನು ಪಡೆದ ನಂತರ, ಪರಿಸ್ಥಿತಿಯನ್ನು ನಿಯಂತ್ರಣಕ್ಕೆ ತರಲು ಹೆಚ್ಚಿನ ಸಂಖ್ಯೆಯ ಪೊಲೀಸರನ್ನು ನಿಯೋಜಿಸಲಾಗಿದೆ. ಸದ್ಯ ಪರಿಸ್ಥಿತಿ ಶಾಂತವಾಗಿದೆ ಮತ್ತು ಮನೆ ಬಿಟ್ಟು ಓಡಿಹೋದ ಕೆಲವರು ಹಿಂತಿರುಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಅಲ್ಪಸಂಖ್ಯಾತರಾಗಿರುವ ಹಿಂದೂಗಳನ್ನು ರಕ್ಷಿಸುವಲ್ಲಿ ವಿಫಲವಾದ ಕಾರಣ ಬಾಂಗ್ಲಾದೇಶ ಕುಖ್ಯಾತವಾಗಿದೆ. ಕೇವಲ ಒಂದು ತಿಂಗಳಲ್ಲಿ ಹಿಂಸಾತ್ಮಕ ಇಸ್ಲಾಮಿಸ್ಟ್ ಬೆಂಬಲಿಗರು ಹಿಂದೂಗಳ ಮೇಲೆ 30 ಕ್ಕೂ ಹೆಚ್ಚು ಬಾರಿ ದಾಳಿ ನಡೆಸಿದ್ದಾರೆ ಎಂದು ವರದಿಯೊಂದು ಬಹಿರಂಗಪಡಿಸಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ